إعـــــــلان

Collapse

.

,
See more
See less

أفضل سيارة شبابي في حدود 180 الف الى 250 الف

Collapse
X
 
  • Filter
  • الوقت
  • Show
Clear All
new posts

  • أفضل سيارة شبابي في حدود 180 الف الى 250 الف

    السلام عليكم ورحمة الله بركاته.

    أنا عاوز عربية في حدود 180 الف الى 250 الف قحد أقصى وتكون شبابي، دي هتكون أول عربية ليا لأننا معايا 128 موديل 1995 وبالتالي أي حاجة جديدة هتفرق كتير عن اللي أنا فيه دلوقتى، بالنسبة للمواصفات:

    * شبابي ومش هيفرق معايا هاتشباك من سيدان من كروس اوفر.
    * متكولشي بنزين كتير، أنا كدة كدة مشاويري كلها وشغلي داخل القاهرة ومش هسافر بيها غير مرة كل سنة الساحل.
    * نقطة إعادة البيع دي مش هبص عليها خالص بصراحة لأن لو هفكر ابيع هيكون مش قبل 15 الى 20 سنة دي تحويشة العمر :biggrin2 .
    * قطع الغيار، اعتقد بالنسبة للفئة السعرية دي كل قطع الغيار هتكون غالية ايا كان نوع العربية بس يا ريت لو حد يعرف حاجة كويسة يقولي.
    * بالنسبة للأداء، أنا مش بتاع جري خالص مش علشان انا معايا 128 لأ أنا بس عاوز العربية تكون عفية وتستحمل الطرق بتاعت البلد اللي احنا فيها دي.
    * انا مش عايز عربية كبيرة في الحجم زي i35 أو سبورتاج بس عاجباني قوي الجيب رينيجيد الجديدة وبالنسبة للسعر ده هتكون أول فئة، طبعا معرفشي عنها اي حاجة لأن لسة محدش جربها بس شكلا وحجما عجباني، وبرو انا معرفش توكيب جيب ده كوييس ولا لا وأكيد هتكون قطع الغيار بتاعت العربية غالية، أنا بس بفكر بصوت عالي.
    * انا جسمي كبير وطويل يعنى في حدود 190 سم فبرضوا مش عايز ابقا مئتب ومش مستريح جوة العربية
    * انا فكرت في 3 عربات عجبني وهما كالآتي:
    1 - سوبارو إمبيزا، أنا ركبتها قبل كدة وسوقتها كمان كانت من حوالي سنتين كدة وكانت عاجباني قوي ثبات فوق الخيالي على سرعات عالية جداً وأمكانياتها خيالية دفع كلي.
    2 - الجيب رينيجيد الجديدية، شكلا و حجما بس معرفشي عنها اي حاجة.
    3- سوبارو إكس في أعتقد المبلغ ده يجيب الهاي لاين بتاعتها، أنا مركبتهاش قبل كدة بس أسمع عنها كل خير وشكلها بصراحة جامد حجماً كبيرة بس تستاهل يتدفع فيها المبلغ ده.

    أنا عارف أنا طولت عليكم، ومن الواضح باين إني معلوماتي على قدى قوي بس محتاج نصيحتكم، زي مقولت دي تحويشة العمر ومش عايزها تروع على حاجة وحشة.

    أكيد في إختيارات تانية غير اللي انا ذكرته فيريت تنوروني بنصائحكم.

    إن شاء الله أنا ناوي أشتري في شهر 2 أو 3 2016 وهدفع كاش ومش قدر ازود جنيه عن المبلغ المكتوب فوق ده

    وشكراً،،

  • #2
    اتفرج علي المازدا 3.
    من جوه كأنك راكب bmw و فيها اوبشنز زيها, و ياباني يعني اقل اعطال و عربيه معمره.
    [CENTER][FONT=Comic Sans MS][SIZE=5][FONT=Arial] Best Regards[/FONT][/SIZE][/FONT]
    [/CENTER]
    [RIGHT][FONT=Comic Sans MS][SIZE=5][FONT=Courier New]Fawzy Fouad[/FONT][/SIZE][/FONT]
    [/RIGHT]

    mankindforce سابقا

    Comment


    • #3
      المشاركة الأصلية كتبت بواسطة mankindforce مشاهدة المشاركة
      اتفرج علي المازدا 3.
      من جوه كأنك راكب bmw و فيها اوبشنز زيها, و ياباني يعني اقل اعطال و عربيه معمره.
      اتفق مع هذا الاختيار مازد3 سيارة قوية يابانى وقطع الغيار حتى لو يقال عنها غالية الا انها اصلية يعنى عمر افتراضى اطول و بالتوفيق

      Comment


      • #4
        سوبارو اكس في اختيار كويس، عربية جامدة وعالية عن الارض، ويستاهل يندفع فيها الفلوس عكس عربيات كتيرة في الفئة السعرية دي.

        Comment


        • #5
          متفق مع المازدا 3 هاي لاين
          فعلا ركوبة روعة بمعنى الكلمة و اقتصادية فى البنزين من غير جري و عفشة مالتى لينك يعنى اعلى ثبات فى الجري و عفشة ممتازة للطرق بتاعتنا و عمرها طويل جدا و الوحيدة في مصر تأتى من اليابان مباشرا.
          امبريزا جامدة جدا بس استهلاك بنزين اعلى شوية و صيانات اعلى
          سوبارو xv ممتازة بس مشكلتها انها مش منتشرة فقطع غيارها حتكون باسعار فلكية و اعادة بيع ضعيفة
          رغم انه مش صح نقارن بين سيدان و suv

          Comment


          • #6
            سيات ليون الجديده هاى لاين بالموتور 1600 و الفتيس العادى مش dsg صفقه ممتازه بكل المقاييس

            Comment


            • #7
              سوبارو . . إمبريزا . . xv . . أى منهما إختيار أكثر من ناجح
              [RIGHT][FONT=Palatino Linotype][COLOR=Navy]بوركت مصر فلا أرانى بالغآ حق المديح و إن جهدت سبيلى
              يا مــصــر يرعــاك الله كــما يرعى تنزيله مـن عابــث و دخيل[/COLOR]
              [/FONT][/RIGHT]

              Comment


              • #8
                لو المازدا 3 يبقى السوبارو امبريزا أفضل أكيد كقيمة مقابل السعر.
                السوبارو xv تقريبا مافيهاش شنطة، واضيق شوية من الامبريزا.
                الجيب رينيجيد جديدة ومعرفش عنها إلا انها 1.4 تربو. بس شكلها عربية لعبة مش عارف ليه.
                برة اللى اتكتب بقى.....
                عندك الاوبل أسترا متجربة بقالها شوية كويسين.
                فى كمان الفورد فوكس الجديدة موتور تربو وفتيس عادى.
                د/ خالد أسامة

                Comment

                Working...
                X