اشترى ايه فى حدود 35 الف لزوجتى ..؟

[ashekwalaa]

السلام عليكم


باختصار أنا زوجتي ورثت مبلغ لا كبير قوي ولا صغير ... الحمد لله .. حوالي 35 ألف

فهي نفسها في عربية صغيرة

هي لسة مبتدئة في السواقة تماما

لسة بنسعى عشان نطلع الرخصة

فكنت بفكر هل أجيبلها ماروتي ... ولا ازود من معايا شوية واجيب بيكانتو أو i10

طبعا كله مستعمل

وللعلم هي سواقتها هتبقى داخل مدينة الشروق بس

من البيت لمدرسة الأولاد لكارفور والاسواق وكدة

فما رأيكم دام فضلكم




تم تعديل العنوان ليتناسب مع المحتوى والنقل لقسم المقارنات
م.ع 7

[zrzr1]

خليك ف البيكانتو او ال i10 عشان تشغل التكييف مستريح

[hilal]

بس الكيا بيكانتو مستعملة لن تقل عن 60 - 80 ألف حسب الموديل
اعتقد ان الماروتي مناسبة للمبلغ وهتكون كسر زيرو

[amr011111]

ماروتى لانك هتجيب حاله كويسه بالمبلغ ده وبالتوفيق

[exelence]

بولو عربية محترمة حمالة قسيه قطع غيارها فى المتناول صغيرة و شيك جدا" خصوصا" لو جبتها حالتها حلوة

[hanyyacot]

البولو كويسة , وكمان الفيات بونتو موديل اوائل ال 2000 , وممكن تجيب سبيرانزا 213 الهاتش باك دى اعتقد مافيهاش مشاكل

[pepo2011]

البيكانتو و i10 يبقي هاتزود فلوس كتير يمكن ضعف المبلغ اللي معاك لو هاتركب حالة نضيفة ولازم تكون الحالة نضيفة عشان اللي هاتركب واحدة ومراتك كمان هههههه
خليك في الماروتي مبدئيا ولما تتمكن من السواقة ممكن تغير

[Bassem Youssef]

سوزوكي ماروتي الاختيار الامثل