كيا ريو هيونداي اكسنت 2016

[sh_elshamy]

السلام عليكم ...

محتاره بين الكيا ريو فئة اولي و الهيونداي اكسنت - فئة الثانيه 2016 / هاتشباك - اوتوماتيك
السعر تقريبا واحد .. و محتاجه اقرر بسرعه

مع العلم ان عربيتي الحاليه كيا بيكانتو .. ما بسوقش بسرعه عادة .. مشاويري مش بعيده ...

انصحوني من فضلكم :)

[memo823000]

رينو ستب واى من الاخر
ايرباج وايه بى اس وشاشه 7 بوصه وبلوتوث للتليفون ومثبت سرعه وعربيه عاليه عن الارض وانتشرت جدا جدا وتوكيلها محترم ورا توكيل كيا اللى عند القريه الذكيه
لان الريو والاكسنت عفشتهم ناشفين وكما فاضيين لا ايرباج ولا ايه بى اس ووطين وهيحكو فى المطبات لاكن الرينو ستب واى انسى الحك والمطبات اساسا وكمان الكوتش مقاسه عريض 16 بوصه
وكمان الموتور فيه عازل حرارى ومساعد هيدرولك وعوارض حديديه على السقف زى الجيب
وسعرها ممتاز بتنزل فئه واحده كامله 135000 وهتلاقيها فى الطارق مول العرب او المصريه داندى مول
واحلى الوانها ازرق ونبيتى وفضى وطبعا اللون السىء جدا للاجواء المصريه والحر والتراب والخرابيش الاسود
وهى بتنزل 4 الوان فقط

[sh_elshamy]

شكرا Memo :)

شكرا على النصيحه .. انا فعلا ركبتها و السيلز حاول كتير يقنعني بيها ..
هي حلوه .. و عجبني فعلا انها عاليه ... بس الحقيقه حسيتها صغيره و ما ارتاحتش فيها نفسيا ..
ركبت الاكسنت عجبتني جدا من جوه .. و الريو كمان مريحه جدا

طيب لو هتفاضل بين الكيا و الهيونداي عامة تختار ايه ؟