ارجو الافاده فى شراء سياره مستعمله

[alhaitham]

السلام عليكم
ناوى باذن الله اشترى عربيه مستعمله وحدود الفلوس الى معايا 35000 ل 38000
وماعنديش خلفيه كويسه عن المستعمل ولا الجديد بصراحه , الى فى دماغى الكيا برايد سيدان والابيزا والبولو
فياريت اصحاب الخبره يفيدونى جزاكم الله خيرا.

[mokhtar]

السعر ده ممكن يجيبلك ابيزا94 1300 سى سى او بولو 97 والعربيتين دول جامدين جدا واعتماديتهم وقوه تحملهم عاليه جدا بس طبعا لو حالتهم كويسه لان الالمانى لو فتح بقه يبقى مش هتخلص وهيقرفك فى عيشتك يعنى لازم الحاله تكون جيده على فكره بالسعر ده برضه فى سوزوكى سويفت اليابانى لحد95 العربيه دى بتستحمل بطريقه فظيعه واقتصاديه جدا الصفيحه بتعمل 300 كم ويمكن اكتر وبتاخد بنزين 80 من غير اى مشاكل وقطع غيارها منتشره واسعارها معقوله يعيبها فقط الثبات مش حلو بعد100 كم وتحس ساعات انها ضعيفه




..mokhtar..

[alhaitham]

الف شكر ليك ياخ مختار على الافاده جزاك الله خيرا
بصراحه خايف من البولو علشان قطع غيارها مش رخيصه وكمان السى سى بتاعها قليل
ياريت لو حد يعرف مشاكل الكيا برايد يقولى عليها وقطع غيارها وصيانتها وهل هى افضل ولا سويفت ..
ايه التوهان ده دى ماكانتش عربيه :(

[maxmaya5]

قطة المانيى او يبانى ولا اسد وكورى

[mokhtar]

[quote=alhaitham;522473]الف شكر ليك ياخ مختار على الافاده جزاك الله خيرا
بصراحه خايف من البولو علشان قطع غيارها مش رخيصه وكمان السى سى بتاعها قليل
ياريت لو حد يعرف مشاكل الكيا برايد يقولى عليها وقطع غيارها وصيانتها وهل هى افضل ولا سويفت ..
ايه التوهان ده دى ماكانتش عربيه :([/quote

اعمل بحث عن السويفت فى منتدى السوزوكى وعن البرايد فى منتدى الكيا وهتلاقى ماشاء الله كل حاجه الاخوه هنا ماسابوش حاجه ماقالوهاش واكيد هتستقر على عربيه معينه




..mokhtar..

[alhaitham]

شكلى كده باذن الله هشترى سويفت وربنا ييسر الحال بس مش عارف ادور على سويفت موديل كام وخصوصا ان فيه تقفيل يابانى وتقفيل مصرى