اختيار سيارة

[Gallant]

ماهي افضل سيارة في حدود 100000 جنية وممكن ازيد عن المبلغ مقدار 5000 افيدوني لاني محتار وكثير نصحني بال بي واي دي ولكني متخوف من الصيني

[sherif1988]

بى واى دى
لو ببلاش متركبهاش

ممكن تزود 10 وتجيب نسيان صنى
ممكن تجيب كسر زيرو نيسان صنى
او برتون جين 2
ممكن تجيب اكسنت 2012 ولا 2013 او ممكن 2014
ممكن تجيب سيراتو 2011 او 2012

[hanyyacot]

ماتجيبش صينى , واعتقد شيفروليه افيو هى انسب اختيار فى الرينج ده , لان الباقى بقى سعره فوق ال 120الف

[theman]

عايز اعرف ايه افضل اختيار بسعر من 100000 الي 105000 يفضل الماني الكوري والياباني مستبعد؟

[bluemail]

عليكم السلام
حضرتك بتتكلم في زيرو ؟ اتوماتيك او عادي؟
لو بتتكلم في زيرو واتوماتيك للاسف الرينج ده يوديك للصيني او للفيرنا اتوماتيك, وطبعا الفيرنا افضل بمراحل
ولو بتتكلم عموما يبقي ممكن تجيب حاجه استعمال خفيف ونظيفه بشرط تكشف في التوكيل
عندك كوري هيونداي اكسنت ار بي, عندك لانسر بوما, عندك اوبترا الشكل القديم
الالماني بالسعر ده هيكون موديل قديم شويه فالافضل الكوري عداد قليل وهتلاقي حالات نظيفه قوي بالرينج ده
بالتوفيق

[Gallant]

جزاكم الله كل خير على اهتماكم

[scientist9508]

بسم الله الرحمن الرحيم

أخى الفاضل

byd أثبتت فشل كبير فى الفيتيس وهو DCT و هو (فى أعطاله) قريب الشبه من الفيتيس DSG و يمكنك زيارة قسم BYD لتحصل على مزيد من التفاصيل

فى حدود هذا المبلغ لن تحصل على سيارة الأحلام بالتأكيد بل ستحصل على سياره متوسطه فى كل شىء مثل

1 - سوزوكى سويفت

2 - رينو لوجان

3 - ميتسوبيشى أتراج

4 - كيا بيكانتو

5 - شيفروليه أفيو

6 - نيسان صنى

7 - بروتون (بيرسونا أو جين 2)

مما سبق كله أرشح لك و بشكل شخصى ثلاثة سيارات

سوزوكى سويفت - رينو لوجان - بروتون (بيرسونا أو جين 2)

هداك الله لأرشد أمرك و أقومه

السلام عليكم و رحمة الله و بركاته

[theman]

عليكم السلام
حضرتك بتتكلم في زيرو ؟ اتوماتيك او عادي؟
لو بتتكلم في زيرو واتوماتيك للاسف الرينج ده يوديك للصيني او للفيرنا اتوماتيك, وطبعا الفيرنا افضل بمراحل
ولو بتتكلم عموما يبقي ممكن تجيب حاجه استعمال خفيف ونظيفه بشرط تكشف في التوكيل
عندك كوري هيونداي اكسنت ار بي, عندك لانسر بوما, عندك اوبترا الشكل القديم
الالماني بالسعر ده هيكون موديل قديم شويه فالافضل الكوري عداد قليل وهتلاقي حالات نظيفه قوي بالرينج ده
بالتوفيق

لا مش عايز زيرو انا عارف ان السعر ده ميجيبش عربية زيرو محترمة الكوري مرفوض تماما مجربه قبل كده ومش ناوي اركبه تاني الياباني اسعار قطع غياره قريبة من الالماني وبعض الاحيان اغلي طالما كده يبقي الالماني احسن انا ميال اكتر للالماني وبقارن بين الفيكترا سي والجيتا والباسات واوكتافيا موديلات من 2007 الي 2009 انا عايز عربية اسافر بيها وانا مطمن ايه راي حضرتك انهي افضل اختيار ؟

[memo_p910]

شوف الفيات لينيا 2016 الجديده ممتازه وقويه بس الفتيس مانيوال فقط مفيس اوتوماتيك ب 113 الف

[bluemail]

لا مش عايز زيرو انا عارف ان السعر ده ميجيبش عربية زيرو محترمة الكوري مرفوض تماما مجربه قبل كده ومش ناوي اركبه تاني الياباني اسعار قطع غياره قريبة من الالماني وبعض الاحيان اغلي طالما كده يبقي الالماني احسن انا ميال اكتر للالماني وبقارن بين الفيكترا سي والجيتا والباسات واوكتافيا موديلات من 2007 الي 2009 انا عايز عربية اسافر بيها وانا مطمن ايه راي حضرتك انهي افضل اختيار ؟

اتوكل علي الله، باسات ثم اوكتافيا ثم جيتا، اهم حاجه الحاله الانضف والعداد الاقل

[theman]

طيب ايه رايكم في مرسيدس زلموكة موديلات من 86 لحد 94 ؟