مقارنة بين شارك وفلوانس وتليدو

[تامر النجار]

ارجو من عباقرة نايل موتور المقارنة بين هذه السيارات من حيث الاداء وقوة التحمل والعزل والامان
رينو فلوانس
سيات تليدو
شارك
ارجو الرد على الموضوع للاهمية

[abo_salah]

متهيالي حضرتك ممكن تقارن الفلوانس والتوليدو ببعض
لكن الشارك معاهم .. صعبه شويه
التوليدو عامه تقفيل التشيك ..
حسب ما اتقال لي في معرض سيارات من اسبوعين
انها عباره عن اوكتافيا بحجم اصغر
موتور فانتازيا - وشكل الرابيد وتقفيل طبعا مالوش حل
عربيه ناشفه ومحترمه جدا
ونازله فئه واحده هاي لاين
4 اير باج - ازاز كهربا بلوتوث طاره مالتي بارك سنسور .. والفتيس اتوماتيك عادي مفيش فيه مشاكل
عربيه تحفه بصراحه
الفلوانس مش عارف الصراحه ..

بالنسبه للشارك الشنطه صغيره " راي شخصي "
تقفيل ياباني طبعا بالكامل

[Fawzy.Abdelnour]

انا معايا شارك و مراتي معاها توليدو.
شنطة الشارك فعلاً صغيره، تاخد شنطه من الكبار و شكراً.
اللي مش عاجبني فالتوليدو ان عفشتها ناشفه قوي.

[تامر النجار]

انا عندى فى فيصل مطبات بالهبل انهى عربية منهم تستحمل

[Fawzy.Abdelnour]

الاتنين يستحملو، بس انت مش هتستحمل العفشه بتاعت التولبدو.
هتحس انك فالملاهي.

[abo_salah]

الاتنين يستحملو، بس انت مش هتستحمل العفشه بتاعت التولبدو.
هتحس انك فالملاهي.

باشا ازاي عفشتها ناشفه ؟؟
اكيد في حل للموضوع ده , ولا ايه ؟
هو حضرتك في الجروب بتاع الفيس بوك للتوليدو ؟

[Fawzy.Abdelnour]

باشا ازاي عفشتها ناشفه ؟؟
اكيد في حل للموضوع ده , ولا ايه ؟
هو حضرتك في الجروب بتاع الفيس بوك للتوليدو ؟

ايه علاقة الجروب بالموضوع؟؟
انا بقارن عربيتين، و الاتنين معايا.
انا مش بعيب فالتوليدو، لأن العفشه مخلياها ثابته جداً علي السرعات العاليه، يعني احسن من الشارك فالسفر.
بس عفشتها فعلاً ناشفه و بحس اني فالملاهي لما الطريق يكون مكسر.
التوليدو 2015 اول فئه طريه سنه بسيطه عشان جنوط 15، انا معايا الفئه التانيه جنوط 16، دلوقتي مافيش غير جنوط 16 و دي منشفه العفشه اكتر.
و زي ماقولت مش بعيب فيها، دي ميزه و عيب.
زي الشارك كأن ماعندكش شنطه، بس مش مضايقاني لأني مش بسافر بيها، كل واحد و له اللي يريحه.
علي فكره انا ماجبتش سيرة الرينو عشان ماعرفش حاجه عنها الصراحه.