كورولا ولا أوكتافيا ولا هيونداي كريتا؟

[أحمد الحبشي]

السلام عليكم ..
أفتوني يا جماعة الخير بين التلاتة دول ؟
تويوتا كورولا - اسكودا اوكتافيا - هيونداي كريتا
وايه رأيكم في نيسان القاشقاي الجديدة ؟
وشكراً

[adel1212]

الاربعة جامدين
القاشقاي
تويوتا كورولا
اسكودا اوكتافيا
هيونداي كريتا
بالترتيب
تمنياتي بالتوفيق في الاختيار

[أحمد الحبشي]

الاربعة جامدين
القاشقاي
تويوتا كورولا
اسكودا اوكتافيا
هيونداي كريتا
بالترتيب
تمنياتي بالتوفيق في الاختيار

هو القاشقاي 1.2 سلندر مش قليل على حجمها؟ :d

[أحمد الحبشي]

uup

[adel1212]

هو القاشقاي 1.2 سلندر مش قليل على حجمها؟ :d

طبعا قليل و لكن سحبتها تشبة سحبت الاوكتافيا و يمكن تتفوق (جربتها مرة واحده للحظات قليلة و عجبتى سحبتها)
و لا تنسى انه تربو
تحياتي

[borio1704]

حدد الأول شكل العربية اللي محتاجها... سيدان ولا SUV؟؟؟؟

السيدان -زي الكورولا والأوكتافيا - عربيات واطية على الأرض... ركابها ما يزيدوش عن 5... سعة الشنطة بتاعتها محدودة نسبيا... ثباتها على الطريق كويس نسبيا.

الـSUV - زي الكريتا والقشقاي - عالية عن الأرض... ركابها ممكن يكونوا أكتر من 5 ... مساحة الشنطة بتاعتها كبيرة لو نزلت الكنب عالأرض... ثباتها على الطريق أقل بدون شك...


انت محتاج إيه في الكلام ده.. حدد الأول.. الموضوع مش مجرد فلوس وخلاص.

عدي على الموضوع ده كمان.. إن شاء الله يساعدك

http://www.nilemotors.net/Nile/329150-a.html


...

[azhk]

كورولا سباره اعتماديه وفلوسها فيها

[man1974]

لو بتغير عربيات كثير، خليلك في الكورولا، حاجه ليك وللسوق

[أحمد الحبشي]

تسلموا يا رجالة مقصرتوش

[أحمد الحبشي]

حدد الأول شكل العربية اللي محتاجها... سيدان ولا suv؟؟؟؟

السيدان -زي الكورولا والأوكتافيا - عربيات واطية على الأرض... ركابها ما يزيدوش عن 5... سعة الشنطة بتاعتها محدودة نسبيا... ثباتها على الطريق كويس نسبيا.

الـsuv - زي الكريتا والقشقاي - عالية عن الأرض... ركابها ممكن يكونوا أكتر من 5 ... مساحة الشنطة بتاعتها كبيرة لو نزلت الكنب عالأرض... ثباتها على الطريق أقل بدون شك...


انت محتاج إيه في الكلام ده.. حدد الأول.. الموضوع مش مجرد فلوس وخلاص.

عدي على الموضوع ده كمان.. إن شاء الله يساعدك

http://www.nilemotors.net/nile/329150-a.html


...

بالنسبة للشكل الاتنين مقبولين .. السيارة عائلية ل5 أفراد فدا شغال ودا شغال
أنا كنت عايز أعرف مين الأفضل من حيث قطع الغيار والصيانة واستهلاك البنزين وإعادة البيع برضو
أنا ميال شوية للكورولا بصراحة بس خايف
وجزاك الله خير على المجهود

[aw2100]

الأوكتافيا افضل بدون نقاش

[borio1704]

بالنسبة للشكل الاتنين مقبولين .. السيارة عائلية ل5 أفراد فدا شغال ودا شغال
أنا كنت عايز أعرف مين الأفضل من حيث قطع الغيار والصيانة واستهلاك البنزين وإعادة البيع برضو
أنا ميال شوية للكورولا بصراحة بس خايف
وجزاك الله خير على المجهود

ما دام مش فارق معاك طريقة الاستخدام... يبقى خليك في السيدان..

من ناحية المقارنة بالنسبة لقطع الغيار والصيانة واستهلاك البنزين وإعادة البيع... فدول كده الكورولا مكتسحة فيهم...

لسبب بسيط...

الكورولا من أكتر السيارات اعتمادية في العالم. .. بمعنى إن أعطالها قليلة جدا جدا... وبالتالي مش هتحتاج قطع غيار أصلا... مع العلم بإن قطع غيار تويوتا الأصلية غالية .. يمكن من أغلى قطع الغيار في السوق...
بس إن شاء الله مش هتحتاجها... ده غير إن البدائل بتاعتها متاحة.. يعني ممكن جدا تلاقي قطع غيار ياباني من نفس المصنع اللي عمل قطعة الغيار الأصلية.. ولكن مش عليها لوجو تويوتا... ده لوحده بينزل السعر بنسبة 50% تقريبا... ده غير قطع الغيار التقليد .

إسعر عادة البيع لأي عرببة تويوتا يكاد يكون هو الأعلى في العالم في كل عربياتها... وده بسبب إن اللي بيشتري عربية مستعنلة مش عايز وجع دماغ... ودي ميزة التويوتا الأولى. .

اتكل على الله.. الكورولا عربية منتازة


...