مش عارفه اختار..لانوس 1 97 وللا مازدا 98 ..

[dr.smdo]

لو سمحتم انا ادامي عربيتين لانوس واحد 97 و مازدا 98 ..الاتنين اتوماتيك.
الاتنين حالتهم كويسه..والسعر متقارب.
بس ناس نصحتني بالكوري ع اعتبار اني هاشتري مستعمل وقطع غياره رخيصه و ناس قالتلي لا الياباني احسن واثبت..
انا محتاره و مش عارفه اختار ..لو سمحتم ارجو الافاده
شكرررا..
فيدوني بسرعه..جزاكم الله خير

[A7medelfe2y]

لو مكانك هخليني في الي ماشي في السوق بتاعنا
هختار لانوس

[dr.smdo]

طيب..ايه عيوب المازدا..؟ وشكرا علي رد حضرتك..

[azhk]

المازدا عربيه ممتازه والعربيه دى كانت معايا اول ماسافرت الامارات وكانت موديل 96 وسافرت بيها لمكة مسافة 2000 كم مرة واحدة الكلام ده كان سنة 2006 عربيه قويه بس مشكلتها فى حاجتين اولا الكهرباء الخاصة بها معقده زيها زى كل المازدا ثانيا ملهاش سوق فى مصر ونادرا لما تتشاف فى الشوارع وده حيتعبك جدا لما تضورى على قطع الغيار والميكانيكيه اللى يفهموا فيها فاشترى نفسك ولو اللانوس نظيفه هاتيها الموديل ده كويس ومكتش بيه مشاكل

[volociximab]

المازدا قوية بس مشكلتها الصيانة و قطع ابغيار فى منطقتى
و اعرف واحد لما عربيته تعطل بيشيلها على سطحة عشان يوديها لورشه على بعد ١٠٠ كيلو
لو الصيانة و قطع الغيار متوفرين يبقي مازدا غير كده يبقي لانوس

[dr.smdo]

شكرا علي الردود..جزاكم الله خير