اشتري لوجان هاي لاين بالنافجيشن ولا بيجو 301

[dr marco]

يا جماعة دلوقتي العربيتين دول في نفس الرينج

اللوجان هاي لاين بالنافجيشن 130000
البيجو 301 اوتوماتيك بيز لاين ب 132000
البيجو الهاي لاين ب 145000

حاجة تحير بجد اللوجان منتشرة اكتر واعادة البيع وقطع الغيار لصالحها والتوكيل كمان والاوبشنز اكتر كمان
البيجو مكنة افضل واقوى وخامات افضل بس قطع الغيار والتوكيل واعادة البيع كل دا سئ


افيدوني من فضلكم

[عقرب عجوز]

مين قالك ان البيجو قطع غيرها وتوكيلها سي
الاسد الفرنسي يا جدعاااان ركوبة بمعني الكلمة
اتكل علي الله فالبيجو

[bluemail]

وجهة نظر، اللوجان ، كماليات اعلي، قطع غيار ارخص، اعادة بيع احسن كتير

[hanyyacot]

ممكن بس اضيف وجهة نظر مختلفة ؟ مادام وصلت ل 145 الف ماتجيب لانسر شارك هاتجمع بين قوة الموتور و الاداء اللى عاجباك فى البيجو , وبين الانتشار و اعادة البيع اللى عاجباك فى اللوجان , وعربية اعتماديتها عالية , يعيبها قلة الكماليات و دى حاجات ممكن تكملها فى اى وقت

[hugan]

ممكن بس اضيف وجهة نظر مختلفة ؟ مادام وصلت ل 145 الف ماتجيب لانسر شارك هاتجمع بين قوة الموتور و الاداء اللى عاجباك فى البيجو , وبين الانتشار و اعادة البيع اللى عاجباك فى اللوجان , وعربية اعتماديتها عالية , يعيبها قلة الكماليات و دى حاجات ممكن تكملها فى اى وقت

+111111111

[م أحمد]

العربيات بقت زى الرز من كل الماركات فى ظل البيع بالتقسيط .... و موضوع البيع عن طريق الانترنت عمل ثورة فى مفهوم إعادة البيع اللى لسا ناس كتير متمسكة بيها خاصة اللى بيبيع عن طريق الميكانيكى اللى جنبه او التاجر او ينزل السوق....القصد ان النقطة دى لا تقلق ان شاء الله خاصة لو العربية متحافظ عليها من اى ماركة

يا راجل دا فى عربية 605 لو كنت شفتها او سمعت عنها اتصلت بصاحبها بعد يومين من الاعلان قال لى اتباعت..." بس كانت حالة محترمة"

[dr marco]

يا جماعه انا عارف ان الشارك احلي من الاتنين من حيص الاعتمادية وكدا بس يعيبها ان بالمبلغ دا هتبقي فاضية بدون اي اوبشن وقطع غيارها تعتبر اغلي نسبيا

[dr marco]

وكمان في النيسان سنترا الي ماتورها اقوي بكتير من الشارك بس يعيبها تقفيل 141000 مصري وقله انتشار

[dr marco]

مين قالك ان البيجو قطع غيرها وتوكيلها سي
الاسد الفرنسي يا جدعاااان ركوبة بمعني الكلمة
اتكل علي الله فالبيجو

قطع غيار المقصود ببيها توافر قطع الغيار ف السوق خارج التوكيل وفي الصعيد لاني من الصعيد

[عقرب عجوز]

غريب امركم ايها المصريون بتفكرو تبيعو قبل متشترو
دة انت هتجيب زيرو بتفكر فالبيع من دلوقتي طب وافر فلوسك وهات حاجة كسر زيرو وريح دماغك
وبخصوص اختيارك لازم تحدد انت عاوز آية مالعربية قبل متشتري وطبعا مفيش عربية فيها كل حاجة اومال هينزلك موديلات جديدة ازاي ويبيعلك
كماليات كتير ،، قطع غيار غالية
ماتور وسحب محترم ،، توكيل زفت
عربية اقتصادية وعائلية ،، تقفيل عادي
هتلاقي في كل خرابة عفريت متحولش تشتت نفسك علي الفاضي
وربنا يكتبلك الاحسن ليك وبالتوفيق