سيراتو و لا النترا و لا فلوانس و لا شارك

[Kerolos Refaat]

لو سمحت انا عايز اشترى عربية بس محتار بين الاربع عربيات دول ياريت تفيدونى اية احسن عربية فيهم من ناحية الماتور و الثبات و الاعتمادية

[aw2100]

انا بافضل الفلوانس بس قطع غيار نار ومعقدة يعنى تصليحها توكيل وبس لكن الأكثر قطع غيار وسهلة الصيانة الشارك

[Refaei mohamed]

اعتقد لانسر شارك افضلهم من ناحية قطع الغيار والصناعه ياباني واعادة البيع اسهل مع ميزة مهمة جداً انها مرتفعة عن الارض وده مهم جداً بالنسبة للمشي في شوارع مصر ولكن يوجد بها عيب واحد من وجهة نظري الشنطة صغيرة مقارنة بغيرها

[A7medelfe2y]

الاول كنت مقتنع بالشارك اكتر منهم كلهم
بس اما ركبت السيراتو كتير دخلت دماغي وعجبتني اكتر من الشارك

[scientist9508]

لو سمحت انا عايز اشترى عربية بس محتار بين الاربع عربيات دول ياريت تفيدونى اية احسن عربية فيهم من ناحية

الماتور

كل السيارات موضع المقارنه تمتلك محركات قويه

و الثبات

فلوينس و شارك ثم فى مرتبه أقل تأتى الإلانترا و تخرج السيراتو من المنافسه فى هذه النقطه

و الاعتمادية

الشارك و الإلانترا و السيراتو فى المرتبه الأولى و فى المرتبه الثانيه الفلوينس

[د.قاسم]

الشارك ممتازة فى السفر متوسطة جوا البلد
السيراتو متوسطة فى السفر ممتازة جوا البلد
سفر كتير شارك
جوا البلد نعومه ورفاهية سيراتو

[hanyyacot]

لو سمحت انا عايز اشترى عربية بس محتار بين الاربع عربيات دول ياريت تفيدونى اية احسن عربية فيهم من ناحية الماتور و الثبات و الاعتمادية

الفلوانس افضلهم وهاتديلك كل احتياجاتك و هى فيها احسن حاجة من كل عربية من دول , يعنى فيها ثبات احسن من ثبات الشارك وكمان عالية عن الارض زى الشارك , ووسع صالون وشنطة زى الالنترا, وشياكة وتصميم جميل زى السيراتو , وموتور وفتيس يابانى من نيسان وتوفير بنزين عالى اوى , وتوكيل محترم او افضل من الباقيين , الفلوانس اعتماديتها عالية جدا وعن تجربة .

[Mohamed elnhas]

ضم للمقارنه مازدا 3 وشوفها عند غبور