خلاص انا فعلا زهقت ... محتار بينهم أختار !!!!

[wildeagle]

مساء الخير عليكم أحلا منتدى .... امبارح انا رحت أتوماك و للأسف المعرض كان سيء للغاية من حيث التنوع في السيارات يعني لو رحنا معرض سيارات كبير شوية كنا حنلاقي عدد سيارات و انواع اكتر كتير معروضة ده بخلاف طبعا سياسة لم تسعر العربية أو لا نعلم عن سعرها و طبعا في أنتظار تحقيق أعلى مكاسب من تذبذب سعر السيد دولار مع انهم دافعين ثمن الشحنة القادمة و اللي بعدها بالأسعار القديمة عامة بأختصار لا يوجد عربات suv او كروس أوفر ينفع تبص لها إلا السبورتاج و التوسان ..... و دول اللي أستقريت عليهم .. بالطبع في قشقاي و بعض السيارات الصينية زي v5 و sx55 " سنوفا .و السوبارو xv.. المهم حتى القشقاي اللي مش عليها جمارك و توكيلها مش راضي يخفض سعرها إلى سعرها الحقيقي مش راضي برضه يعلن سعرها .... خلاصة الهري ده أنه فعلا مفيش في السوق المصري من حيث توافر قطع الغيار و إعادة سعر البيع و الأعتمادية إلى حد ما سوى سبورتاج و التوسان .... ممكن تساعدوني و نختار واحدة منهم .... الفئة الثالثة سبورتاج ب 280 و هو نفس سعر التوسان بس الفئة التانية .....

[merosss]

الكيا افضل عشان توكيلها افضل شوية من غبور .....وهما الاتنين دفع امامى لو عايز حاجة رباعة فى ال سزوكى الفيتارا الجديدة وال سوباروا ال xv بس كل شكل واوبشن وسعر اقل كتير من الكيا والهيونداى بس دفع رباعى

[aymanabdelwhab]

السوبارو xv
هتنبسط منها اوي .. عربيه محترمه وبنت ناس

[man1974]

العربتين ممتازين من وجهة نظري

عيب الإسبوتاج، الشكل الحالي مش عاجبني و دي أزواق
عيب التوسان، البديل الهندي كريتا، اللي شبهه بالظبط ولكن بسعر أقل، والكريتا الجديدة هتأثر على إعادة بيع التوسان في المستقبل، ويمكن تحتل مكانها في الفئة دي. أنا شوفت في الإسماعيلية لغاية النهاردة 3 عربيات كريتا وواحدة تواسان بس

وعلى فكر كل العربيات اللي حضرتها ذكرتها دي عربايت ممتازة، ولكن الفرق بس في البياع اللي ببيع العربية وخير مثال
شوف التيجو كانت مع ابو الفتوح بكام ومع غبور هتبقى بكام

وربنا يهديك على اللي فيه الخير ليك

[ahmedk7]

شوف فورد؟ فى kuga ومنزلين عربية جديدة escape

فورد ثبات اعلى و امان اكتر بس اسعارمش عارف بس ممكن قريب من الى انت كتبه فى kuga

[hugan]

التيجو الجديده رائعه بسعر ممتاز
١٤٠ الف فيها كل حاجه

[dr.mero90]

مش هافتي طبعا ف وجود الخبراء اللي هنا
بس
ايا كان نوع العربيه اللي هتختارها ربنا يكفيك رها و يديك خيرها يا رب انت و اي حد سايق و ماشي علي طريق يا رب
اتمني تتقبل مروري

[wildeagle]

السبورتاج زادت أمس 8000 جنيه يعني بقت ي 288000 ..... مع إن الدولار نزل في عطاء البنك 7 قروش ... و كذلك التوسان الفئة التانية زادت 4000 جنيه أصبحت 280500 .... ممكن أعرف تفسير للزيادة دي....انا مش فاهم السوق شغال إزاي .... بالنسبة للفورد كوجا .. الفئة التانية أصبحت ب 332 الف و الفئة الثالثة ب 269 .... أما السوبارو فهي صغيرة الحجم مقارنة بهم و سعر إعادة البيع سيء للغاية ...

[memo_p910]

شوف الفيات 500 x مستوى اعلى من كل دول

[Mohamed Desoky]

التيجو بقت بضمان غبور و140 وحلوه وقويه

[wildeagle]

شوف فورد؟ فى kuga ومنزلين عربية جديدة escape

فورد ثبات اعلى و امان اكتر بس اسعارمش عارف بس ممكن قريب من الى انت كتبه فى kuga

شكرا لمرورك ... انا كنت حاجز كوجا الفئة التانية ي 283 بس لما سعرها زاد و بقت ب 332 صرفت نظر طبعا .. لأنها برضة مش بتاعة السوق المصري و سعر أعادة البيع سيء جدا و طبعا العربية سعرها قرب من أعمامها " مرسيدس... بي أم أكس وان... أودي ... إلخ يعني من الأخر صفقة غير رابحة بالمره و الأداء بتاعها عن تجربة لا يختلف عن أقرانها في السوق .... :)

[wildeagle]

شوف الفيات 500 x مستوى اعلى من كل دول

شكرا لمرورك ... انا شفتها بس حجمها صغير و انا محتاج حاجة أكبر من كده.... :)

[borio1704]

الاسبورتاج والتوسان في الأصل عربية واحدة.. وبالتالي عيوبهم ومميزاتهم الميكانيكية والكهربية واحدة.. وقطع غيارهم مشتركة.

دور على التوكيل المريح... وكمان دور على راحتك النفسية...

لازم تقعد جوه كل واحدة وتشوف انت مستريح نفسيا وعمليا في أنهي واحدة فيهم...

وشوف الموضوع ده يمكن يساعدك

http://www.nilemotors.net/Nile/329150-a.html


...

[criminalshemo]

شوف الفيات 500 x مستوى اعلى من كل دول

ايه مميزات الفيات 500x لو سمحت ؟؟
وبالنسبة للمقارنة انا دايخة زي حضرتك بالظبط بس انا شايفة ان الاحسن سوبارو XV او فيات 500x او أوبل موكا ودوّل اللي بقارن بينهم افضل من الاتنين اللي حضرتك حاطتتهم
وربنا يوفقنا الخير

[wildeagle]

مساء الخير على أجمل منتدى سيارات على العنكبوتية .... :) ... بعد قرأة و متابعة الريفيوهات و المقارنات المحلية و الدولية ... :) تم بحمد الله تعالي أختيار السبورتاج الئة الثالثة .... و مبدئيا حصلت لنيو سبورىاج على سكور ريفيو 8.8 بمتوسط سكور في كل item ... 9-10 ... و لم يعيبها إلا أستهلاك الوقود و الذي لا يختلف كثيرا عن التوسان بمتوسط سكور 7.8 ..., و عليه تم أختيار السبورتاج لما يلي :-
1. شكل جديد لن يتغير قبل فترة .... كذلك التوسان
2. أوبشنز أعلى مقارنة بالتوسان " نفس السعر و ليس الفئة" .... يوجد بصمة + كاميرا خلفية + شاشة كييرة + ستارت ستوب أنجين..الخ.. في الفئة الثالثة ب 288 و لا توحد هذه الكماليات في التوسان الفئة الثانية ... لنفس لسعر تقريبا
3. وكيل مريح نسبيا .... أنتشار مركز الخدمة أكثر
4. سعر أعادة البيع ... أفضل " بناء على بعض الريفيوهات"...
5. و أخير الأتنين أخوااااااااات..... :)....

تحياتي للجميع