هيونداي سولاريس و بيجو ٣٠١

[ramyg]

السلام عليكم..
ده مش اول مرة اطلب مقارنة بين ٣٠١ و عربية تانية ، اشكركم دوما على الافادة.

المرة ده انا فعليا جاهز للشراء (قرار كان مؤجل لاسباب خاصة ) و لكن زيادات الاسعار الاخيرة خلتني اعيد تفكيري في بيجو.

دلوقتي السعر الرسمي للعربيتين مقارب جدا بيجو هاي لاين ١٤٥٠٠٠ ، سولاريس ١٤٣٠٠٠

العربيتين فيهم طارة متعددة ، بلوتوث ، اير باجز ،فرامل اي بي اس و اي بي دي... المساحة الداخلية جيدة في الاتنين و ان كان البيجو اوسع قليلا

مزايا البيجو على السولاريس:
جودة التقفيل و الخامات اعلى ، حساسات ركن خلفية ، موتور ١٦٠٠، ١١٥ حصان.
٣ نجوم في اختبارات الامان الاوروبية، الصاج اقوى

مزايا السولاريس:
اعادة بيع اسرع لاسم هيونداي (مع ان العربية لسة ماشفتهاش في الشارع)
موتور ١٤٠٠، ١٠٥ حصان .. مناسب للمدينة و اوفر في استهلاك البنزين. عربية اسهل في الصيانة من بيجو..


انا فعلا محتار مش قادر اقرر ، الزيادات المتوقعة للاسعار السنين القادمة خلتني اهتم اكتر باعادة البيع. مع اني ناوي اشتري عربية تقعد معايا خمس سنين على الاقل ان شاء الله..

شكرا

[wagiherian]

بصراحة أنا رأيي تجيب البيجو 301 ..... علي الأقل بعد كام سنة وهي معاك بتبقي برضوا برونقها
ليها شياكة وفخامة وصاجها محمل .... وكمان مساحة شنطتها مميزة جدااااا
أنصحك بيها

[megaarts]

نصيحه سيبك من الولاريس لو عايز هيونداي خليك في الاكسنت احسن لاسباب كتيره
اولا السولاريس مجرد فيس ليفت للاكسنت
ثانيا تقفيل روسي مش كوري 100 % زي الاكسنت
ثالثا باور ستيرنج زيت مش كهرباء
من الاخر لو هتركب كوري الفئه دي خليك في الاكسنت او الريو