مساعدة فى الاختيار نسيان ام كيا أو هيونداى

[Driver88]

السلام عليكم, انا فى قمة الحيرة بين كيا سيراتو اعلى فئة و نيسان قشقاى الفئة الثانية, انا عارف انى بقارن فئتين مختلفتين تماما ( سيدان ب كروس اوفر) و عارف برضو دى كورى و دى يابانى لكن دول فعلا اكتر عربيتين عاجبنى. النيسان تزيد 30 الف عن الكيا و السيارتين تقريبا نفس الاوبشنس و الكماليات. المطلوب من حضراتكم ذكر رأيكم فى السيارتين و ايهما افضل من وجهة نظركم من حيث الماتور - السحب - الاعتمادية - الثبات و اخيرا التوكيل و الصيانة و اى سيارة تتفوق على الاخرى؟ و للعلم انى كنت بفكر فى الهيونداى الانترا ad الجديدة لتدخل فى المقارنة. ارجو المساعدة.
شكرا لحضراتكم.

[Elmatriex]

انا ارشح النيسان لانها موتور تربو وتكنولوجيا اعلى من السيراتو والفتيس cvt كمان لا جدال على اعتمادية اليابانى كمان ثباتها حلو جدا بناء على اراء الناس فى العربية دى وممكن تخش على قسم نيسان وهناك هيفيدوك اكتر وبالنسبة للتوكيل معنديش اى خلفية عنه

[Driver88]

شكرا لسرعة الرد و فى انتظار رد باقى الاعضاء.

[megaarts]

طبعا لا مجال للمقارنه القشقاي وانت مغمض لاسباب كتيره اوي
عربيه عاليه عشان شوارعنا الجميله
فيتيس cvt
سعر معقول بالنسبه للارقام الي بنسمعها اليومين دول
غير ان السيراتو هينزلها فيس ليفت قريب وسعرها مبالغ فيه جدا

[mohamedkandel]

قشقاي طبعا تتفوق في كل حاجه انت هتظلم السيراتوا بالمقارنه دي

[Driver88]

معكم حق و أنا كمان ميال للقشقاى أكثر. شكرا للمساعدة.