تيجو الجديدة

[khaledserag]

من فضلكم انا عايز اجيب عربية من اكتر من سنه و اخيرا استقريت على مقارنة بين بيجو 301 و بروتون بيرسونا و خلاص المفروض انى فى ابريل اخلص واحدة منهم و كنت بقارن بين دول و بس بعد ما كانوا اكتر من 10 عربيات
المهم من اسبوع رجعت للحيرة تانى لما ركبت مع واحد عربية كيا كارينز 2010 و كانت مبهرة بوسعها و ارتفاعها و خصوصا اننا عائلة 5 افراد و فكرت اجيبها مستعملة مع رفضى التام لفكرة المستعمل و بعدين شوفت التيجو الجديدة و عجبنى حجمها و قعدتها مع العلم اننا دايما رافض فكرة المستعمل
اسف للاطاله و ارجو المساعدة

[hugan]

اها التيجو الجديده
رائعه
وسيبك من اللي يقولك صيني وال كلام الواقع
عربيه تحفه جميع الكماليات
بفتيس اوتو ممتاز
تكيف تاتش
طاره مالتي
حساسات الخلف
كاتينه جنزير
لو مكانك ماترددش لحظه في اني اشتريها

[megaarts]

انا شوفت في اوتو ماك عربيه بريليانس جديده موديل v3 ممكن برضو تبص عليها لو بتفكر في التيجو

[khaledserag]

والله البريليانس حلوة بس التيجو معروفة و ماشية اكتر و اوبشن اعلى و اقل سعرا
ده اللى خلانى افكر فيها اكتر

[megaarts]

اصل بصراحه بحس البرليانس اعلي عربيه صيني من حيث الجوده

[Mohamed Desoky]

اصل بصراحه بحس البرليانس اعلي عربيه صيني من حيث الجوده

السلام عليكم ورحمة الله وبركاته مع احترامى لكلام حضرتك اعلى شركة صينيه وحاصله على موافقة الاتحاد الاوربى لتسيوق منتجاتها هيه شركة شيرى العالمية وهيا اول شركه صينيه واكثر مبيعات واكثرتطورا والتيجو والانفى الاثنين حاصلين على موافقة السلامه الاوربيه والتيجو اكثر انتشارا فى اوربا وامريكا اما فى مصر الان والان فقط ستصبح سيارات شيرى الاولى فى مصر مع وكيل قوى مثل غبور انا عندى عربيه شيرى a15 من 5 سنوات الحمد لله نعمه من الله وقبلها 16 عربيه ودى الوحيده اللى بنت حلال مش مزعلانى فى حاجه اللى عايز صينى يركب شيرى اضمن وشكرا

[megaarts]

كلام حضرتك معنديش فيه مشكله بس انا بتكلم علي العربيات الي في مصر وفي اعتقاد راسخ ان التجار والتوكيلات الي بتستورد من الصين بيستوردو ارخص حاجه بغض النظر عن الجوده
وعندك مثال العربيه الجيلي امجراند وكم الشكاوي منها وبرضو هي تابعه لغبور

[Mohamed Desoky]

كلام حضرتك معنديش فيه مشكله بس انا بتكلم علي العربيات الي في مصر وفي اعتقاد راسخ ان التجار والتوكيلات الي بتستورد من الصين بيستوردو ارخص حاجه بغض النظر عن الجوده
وعندك مثال العربيه الجيلي امجراند وكم الشكاوي منها وبرضو هي تابعه لغبور

السلام عليكم ورحمة الله وبركاته ومش الجيلى بس ضبف كمان المازدا 3 وفيها مشاكل وقطع غيار مش موجوده غير عند غبور حتى الهيونداى غبور شغال على الهندى مفيش كورى واللغز المحير الفيرنا غبور بيجيب مكوناتها منين مع ان المصنع الكورى وقف انتاجها من 2004 وغبور بينزل مو 2016 من اين تاتى الفيرنا وليه التمسك بلفيرنا مع انها لايوجد بها اى امان بلعكس الفيرنا نعش متحرك لاقدرالله اى حادث مهما كان بسيط العربيه حتة ورقه بجد خصاره فيها الفلوس وانا متفق معاك ان العيب مش فى المنتج الصينى لان فى عربيه بالف دولار ونفسها 10 الاف دولار طبعا البهوات فى مصر لازم يجيب اقل شئ ويبع باعلى سعر لان فى مصر لايوجد جهاز مواصفات الجوده زى ماانتى عارف اى زباله تدخل المهم دفع الرسوم الجمركية الموضوع كبير العيب فينا احنا المصريين مش المنتج الصينى اسف طولت عليك وشكرا

[megaarts]

والله يا اساذ محمد ده حال كل شئ في مصر و كل المستوردين في كل الانشطه مش بس العربيات الا من رحم ربي

[TIMODAX]

سعرها مش مبالغ فيه ؟ انا كمان بافكر فيها

[Mohamed Desoky]

سعرها مش مبالغ فيه ؟ انا كمان بافكر فيها

هو حضرتك بتتكلم عن ايه بظبط

[TIMODAX]

آسف الاختصار المخل بالمعني ☺

السؤال هو
هل سعر السياره مناسب لامكانياتها سياره صيني ليست رباعيه الدفع ام نتجه لتيريوس بلانينيوم )(مستعمله مثلا

[dr_haitham79]

بالنسبة للاختيار مابين تيجو جديدة وبين تيريوس بلاتينيوم مستعملة
حاجتين
الاولى ان الزيرو مهما كان بيغنيك عن نوعية مشاكل ممكن تكون مستخبية فى المستعمل على افتراض حسن نية البائع وعدم وجود غش..باختصار: كل فترة هتلاقى حاجة ادت واجبها وعايزة تتغير ..وبدون استعداد من حضرتك.

التانية:
الزيرو تقدر تشتريه كاش وتقسيط..المستعمل اغلبه كاش..
امكانية التقسيط فى الزيرو يخليه فى المتناول اكتر حتى لو كانو بنفس السعر.

وعموما التيجو عربية محترمة وماهياش سيئة ابدا بالمقارنة مع التيريوس.

[Mohamed Desoky]

بالنسبة للاختيار مابين تيجو جديدة وبين تيريوس بلاتينيوم مستعملة
حاجتين
الاولى ان الزيرو مهما كان بيغنيك عن نوعية مشاكل ممكن تكون مستخبية فى المستعمل على افتراض حسن نية البائع وعدم وجود غش..باختصار: كل فترة هتلاقى حاجة ادت واجبها وعايزة تتغير ..وبدون استعداد من حضرتك.

التانية:
الزيرو تقدر تشتريه كاش وتقسيط..المستعمل اغلبه كاش..
امكانية التقسيط فى الزيرو يخليه فى المتناول اكتر حتى لو كانو بنفس السعر.

وعموما التيجو عربية محترمة وماهياش سيئة ابدا بالمقارنة مع التيريوس.

السلام عليكم ورحمة الله وبركاته اتفق مع حضرتك فى كل كلمه وبلبلدى الزيرو ستر للغلبان المستعمل للاغنياء بس الناس مش واخده بالها ان الزيرو مهما كان هيرحمك 5 سنين من قرف الصنايعيه واهمالهم ونصبهم توكل على الله التيجو سمعتها كويسه والشيرى احسن شركة صينيه فى السيارات ربنا بوفقك