ساعدوني الله يكرمكم ...انا حيران جدا

[voovle]

السلام عليكم ..ارجو من كل الاعضاء الكرام مساعدتي في اتخاذ قرار ..انا معايا فيات 131 فابريكه دواخل ومخذلتنيش ..وجه وقت انها تتشد...لكن مع عجله الزمن كله بيقولي متصرفش وزود وغير...عموما هي اتمنت ب 20 وممكن ازود من 15 ل 20 فوق تمنها...احتياجاتي سياره لاسره...تكون نوعا عاليه عن الارض لان بيركب معايا 2 او 3 وفيه مطبات ريفيه محترمه...ولو روحت بيها مصيف او سافرت تسعفني ...قطع غيار تمنهامتوسط ومتوفره واستهلاك بنزين معقول.. بيدور في راسي

1- شد عربيتك 131 وهتبقى كويسه وخدمه شاقه (بس لا تكيييف ولا راحه فالقعده وعفا عليها الزمن..وحرام فيها المصاريف)
2 - ستروين zx ولكن خايف منها لان الفرنساوي بيعقد بسبب مشاكل الكهربا وبيسخن و و و
3 = لانوس...قالولي بلاعه بنزين ولو طريقك نص نص هتدمر عفشتها
4- لا مش هتلحق لانوس...هات اكسيل احسن...سويفت احسن..
5 = لا لا لا...هات شاهين (هي هي ال 131!!)
6= هات اوبل 95 ...(معرفش عنها حاجه ولما حاولت اطالع يا يشكرو فيها يا يقولو بلاش)

اعمل ايه؟؟...ارجوكم....اعمل ايه؟ ولو فيه اي بدايل انصحوني بيها او رجحولي اختيار..وشكرا لسعه صدركم ووقتكم الغالي

[abokoko]

انت بتقول ال131 لم تخذلك
بالتالي عربيتك وانت عارفها لو هتتشد بمبلغ معقول انت الكسبان لانك مش عارف اللي هتشتريها خباياها ايه واكيد اللي باعها لك سايب فيها شغل يتعمل

لو هتصرف جامد يبقي بيعها وانت الكسبان لان مهما تصرف العربيه لها توب مس بتزيد عنه

خمسين الف ممكن تلاقي تويتا منتصف التسعينات بشرط الحالة
وممكن تلاقي حاجات تانية بس الاهم الحالة

[voovle]

انت بتقول ال131 لم تخذلك
بالتالي عربيتك وانت عارفها لو هتتشد بمبلغ معقول انت الكسبان لانك مش عارف اللي هتشتريها خباياها ايه واكيد اللي باعها لك سايب فيها شغل يتعمل

لو هتصرف جامد يبقي بيعها وانت الكسبان لان مهما تصرف العربيه لها توب مس بتزيد عنه

خمسين الف ممكن تلاقي تويتا منتصف التسعينات بشرط الحالة
وممكن تلاقي حاجات تانية بس الاهم الحالة

شكرا لاهتمام حضرتك بالرد
هي مبدئيا هتصرف من 5 ل 6 شامل كاوتش جديد وكذا حاجه تانيه ...ولظروف الشغل مش هقدر اعتمد ع قطع الغيار الصيني والمستورد وانت عارف التركي وغيره ولع نار..ازود فوقيهم واغير وكفايه عليها كده ولا اشدها وكل دي مصاريف مش هترفع تمنها قدام وبعد كام سنه ارجع اقول مبقتش مرغوبه وياريتني؟....وعندك حق في عربيات ليها مستوى معين لو صرفت اكتر مش هتحس الفرق الملموس وبترمي في الارض..

[amr011111]

طالما ال 131 كويسه معاك. شدها وهتبقى عارف ان اساسياتها سليمه. بقية العربيات المقترحه كلها مستعمله وعقبال ما توقفها على حيلها وتعرف اللى فيها هتكون صرفت عليها اكتر من اللى هتشد بيه عربيتك

[voovle]

طالما ال 131 كويسه معاك. شدها وهتبقى عارف ان اساسياتها سليمه. بقية العربيات المقترحه كلها مستعمله وعقبال ما توقفها على حيلها وتعرف اللى فيها هتكون صرفت عليها اكتر من اللى هتشد بيه عربيتك

قولت كده قالولي انت مجنون ..هههههه...فكره اني اشدها ملحه جدا...بس الاصدقاء المقربيين شايفين اني اهرب من الشد و افترا الصنايعيه واجيب حاله ممتازه واوحدث عمرا...شكرا لنصيحتك واهتمامك ..هحاول اقارن تاني في بالي بينها وهي مشدوده وبين اي بديل وتوافر اسعار غيار البديل او اسعارها الكام سنه الجايين...وربنا يهديني لاختيار صائب

[م أحمد]

لو عايز تركب كرسى مرسيدس فى عربيتك ال 131 موديل جديد او قديم ممكن و تبقى كدة تغلبت على مشكلة الراحلة اثناء القيادة و دى حاجة مهمة جدا و الاكتر منها لازم تاخد راحتك فى القعدة حتى لو كرسى وحش...مش لازم تغير عربية علشان جوز كراسىب 600 او 800 جنيه

النقلة التانية اللى ممكن عربية تتفوق فيها على ال 131 هى التكييف و دا سهل يتركب عندك و اشهر واحد المراكبى فى جسر السويس و هيتكلف فى حدود 3 آلاف

لو عملت الحاجتين دول النقلة اللى بعدها ان شاء الله هتكون عربية اوتوماتيك

فى ميزة مهمة جدا لل131 و هى انها تشتغل بنزين 80 و عربية ابعادها حلوة مش ضخمة وواسعة و عالية عن الارض

[tarekmomo]

سويفت 95
هيونداى اكسنت 98

[tarekmomo]

سويفت 95
اكسنت 98

[tarekmomo]

بص ال131 حتى بعد ما هتصرف عليها ال5000 برده لو جيت تبيعها هتجيبلك ال20000

[salam100100]

مستعمل فى حدود 40000 غالبا مش هتلاقى حاجه حالتها كويسه وهيكون فيها مصاريف على الاقل 3000 جنيه وحاجات مستخبيه تانى
لو ضامن ال131 لو اتشدت هتعد معاك سنتين تانى اعمل كدا (دوره تبريد- كاربيراتير- مارش- دينامو- حاله الموتور طبعا وشنابر- علبه دركسيون) غير كدا الباقى كله سهل يتلم زى العفشه واسطوانه الدبرياج وسمكره- شكمان- طقم كهرباء

لو مش ضامن شده برده وحط فى بالك تذود وتوصل ل55000 على الاقل وتجيب لانوس