سيتي vs سبيد vs فلوينس vs استرا

[أحمد علاء]

السلام عليكم ورحمة الله
اليوم في حد عزيز علي سألني بخصوص إختيار لسيارة جديدة, ولإنشغالي الفترة الي فاتت وبعدي عن سوق السيارات حبيت اعرض السؤال على حضراتكم لترجيح احد تلك السيارات وفقا للعناصر التالية بالترتيب:
الإعتمادية - القيمة مقابل السعر - الصيانة ومركز الخدمة - سعر إعادة البيع
السيارات هي :
هوندا سيتي 2016 1.5A/T EX high line 230000LE
كيا سبيت 2016 1.6A/T high line 212900LE
رينو فولينس 2016 1.6A/T high line 207000LE
أوبل أسترا 2016 1.6A/T T/L 225000LE

يا ريت الي يقدر يفيد يوضح السبب للإختيار ولو حد عنده اختيارات اخرى في نفس الرنج وافضل يا ريت يقول
وجزاكم الله خيرا

[scientist9508]

على الرغم من بعض المشاكل التى ظهرت فيها مؤخرآ إلآ أننى أراها أفضل المعروضين . . . فلوينس

[hosamfares]

الاعتمادية :سيتي (بس هيقابل مشكلة بلالين مع الهايلاين و يتوقع انه هيغير الكاوتش و دي مشكلة مش في البيزلاين عشان الجنوط السبور low profile tires )
الاسترا اعتمادية بس صيانتها هتكون اغلى بكتير من السيتي
الفلوانس صيانة غالية و في عيوب في الشكل الحالي
السييد اعتمادية بس مش منتشرة لسه و مش مصفحة من تحت

قيمة مقابل المال : السيتي - الاسترا - السييد
التلاتة ممتازين
التوكيل : كيا و رينو ( فرينش موتورز عن تجربتي افضل و اريح من التوكيل ) ثم هوندا ثم منصور
سيتي اقتصادية من الدرجة الاولي كاستهلاك بنزين و مصاريف صيانة

و ممكن بقى اللي يحسم اختبار قيادة و سعر العربية و توفرها في ظل جنان الاسعار اللي احنا فيه

[hosamfares]

كان معايا فلوانس شكل قديم و حاليا سيتي هايلاين
لو عايز اي استفسار كلمني 01125144999
د.حسام عبد الغفار

[Hany Saad]

بغض النظر عن ان الأربع عربيات من نفس الفئة السعرية فى السوق المصرى و لكن هوندا سيتى لا تقارن بال ٣ الأخرين باعتبارها فئة اقل منهم كلهم ( sub compact) و هى تقفيل اندونيسى موجهه للأسواق النامية و تدخل فى مقارنة مع الكيا ريو و الهيونداى اكسنت و رينو سيمبول/كليو و تويوتا ياريس
المفروض تقارن اختها الكبرى الهوندا سيفيك مع رينو فلوانس مع كيا سييد/سيراتو مع اوبل استرا و تويوتا كورولا و كل هذه الفئة من ال compact cars

تحياتى

[TAMERMEGAHED]

كان معايا فلوانس شكل قديم و حاليا سيتي هايلاين
لو عايز اي استفسار كلمني 01125144999
د.حسام عبد الغفار

طيب ممكن تفيدينا ايه الفرق الى انت حاسه وهل كنت مبسوط اكتر بالفلوينس ولا السيتى رغم صغرها في المساحه عن الرينو

[Hisham_1]

متابع

[hosamfares]

طيب ممكن تفيدينا ايه الفرق الى انت حاسه وهل كنت مبسوط اكتر بالفلوينس ولا السيتى رغم صغرها في المساحه عن الرينو

انا من عشاق الفلوانس بس بعد ال 100 الف بدأت تزيد مصاريفها بس في اول 100 الف مكنش في اي مشاكل ( انا كان معايا الشكل القديم موديل 2011 ... مكنش فيها مشاكل نقص الزيت و قطمة الدركسيون اللي في الشكل الجديد )
السيتي اصغر بس بشكل غريب هي اوسع من الداخل و الشنطة كبيرة جدا ... معرفش عملوها ازاي ... التسارع افضل في السيتي ... استهلاك البنزين افضل في السيتي ... الموتور اقوى 118 حصان مقارنة ب 115 للفلوانس
الفرق اللي في صالح الفلوانس عفشتها انعم مش بتحس اوي بتفاصيل الطريق زي الهوندا ... ثباتها اعلى من الهوندا شوية ...
فالفيصل هو استخدامك و انك تجرب الاتنين ...
فانا حاليا مبسوط بالسيتي اكتر كصيانة و استهلاك بنزين و عملية اكتر ... و تسارع و قيادة رياضية
و اعتمادية اعلى لهوندا عن نيسان و رينو

ممكن ارجع تاني لفلوانس لو نزل منها جيل جديد مفيهوش عيوب الجيل الحالي

[homos99]

ممكن تحط الفورد فوكس في حساباتك محرك قوي جدا وعربية الماني 100% ومحترمة جدا عفشة وتكييف وموتور وفتيس قطع غيار واعادة بيع اعتقد قريبة من الاسترا لاكن الفوكس موتور اقوي بكتير جدا وسواقتها ممتعة.

بالتوفيق

[homos99]

انا جربت السيتي موديل 2015 لمدة شهر بصراحة عربية كويسة جدا داخل المدينة استهلاك بنزين وتكييف لاكن تسارع مش حلو و الموتور صوته بيعلي جامد وثباتها مش اوي.

[S O P H O S]

اميل للرينو او السيتي
وشايف حضرتك ذكرت اعتمادية ولم تضيف الكورولا