معايا لادا 2107 موديل2007 ابيعها واجيب فولفو السبعينات

[abokoko]

معايا لادا. 2107 موديل 2007م
و. ممكن ابيعها و بثمنها تقريبا
اجيب فولفو السبعينات

هل امشي في الخطوات
ولا بلاش





تم تعديل العنوان ليتناسب مع المحتوى
م.ع 7

[hanyyacot]

انا مانصحكش بكده ابدا , الموديل الحديث افضل فى كل حاجة حتى لو لادا , فولفو السبعينات دى هتلاقى تكنولوجيا عتيقة وكل حاجة فيهال حالتها تبقى متهالكة , عايز تعلى شوية شوف حاجة موديلها حديث شوية.

[abokoko]

اللادا قطع غيار متوفره و اي ميكانيكي بيشتغل فيها
لكن بتطلب الاصلاح دايما
ورغم اعطالها الهايفا. لكن ملل الاعطال المتكرره بيضايق
كمان هي من غير كماليات و ناشفه كركوبه و كسواقه

[hanyyacot]

اللادا قطع غيار متوفره و اي ميكانيكي بيشتغل فيها
لكن بتطلب الاصلاح دايما
ورغم اعطالها الهايفا. لكن ملل الاعطال المتكرره بيضايق
كمان هي من غير كماليات و ناشفه كركوبه و كسواقه

طيب ماهى فولفو السبعينات مافهاش كماليات طبعا وناشفة ك ركوبة و سواقة , واكيد هتلاقى ليها اعطال كتير بسبب الزمن , انت رينج سعرك كام طيب ؟

[دعبدالرحيم]

كمل علي سعرها واشتري لانوس

[abokoko]

اللانوس فوق الاربعين
و انا عايز حاجه بسعر اللادازتقريبا
يعني في حدود الثلاثين

و في بالي الانواع الغير منتشره مكن اسعارها تبقي منخفضه

[A7medelfe2y]

زود 5000 واركب سويفت او اكسيل

[lad]

هتتعبك اوى في قطع الغيار

[Mohamed Desoky]

الفولفو عربيه انا من عشقها مفيش اقوى منها ملاكى خالص المشكله فى الفولفو قطع غيارها كلها استيراد لان مصنع السويد نقل الى الصين قلعة الصناعه حاليا فى العالم ومفيش للموديلات القديمه قطع غيار خالص غير توفق ليها لو تقدر وحببها اشترى لانها عربيه قويه مش هتخاف من اى حد فى السكه لو انتى غاوى عربيات جامده وخلى بالك الموتور لازم يكون 2500 cc ده اقل حاجه فى الفولفو علشان يقدر يجر جبل الحديد ده كله

[kokololososo]

مثلك يا أبو كوكو عايز أجيب فولقو بعد ال504 بس مانيوال تمانينات
وتكون 2500 سي سي