نيسان سنترا ولا بروتون جين 2 ولا سكودا رابيد

[omar fouad]

السلام عليكم انا محتار بين التلات عربيات ( نيسان سنترا - بروتون جين 2 - سكودا رابيد )
مع العلم اني هشترى زيرو معايا في حدود 160000 لحد 170000 يا ريت تفيدونى مين الاحسن فيهم ويا ريت كمان مواصفات وسعر اعلى فئة في كل عربية وشكراً

[hanyyacot]

بالترتيب كده سكودا رابيد - سنترا - جين 2 , بس الجين 2 سعر اقل من الاتنين بفرق كبير بحوالى 20 الف ج فرق , ف لو عايز توفر الفرق ده هات الجين 2 عربية كويسة و امان وثبات على الطريق بس اوبشنز اقل , لو عايز عربية تقفيل اوروبى وامان برضه ولكن انتشار اقل يبقى هات الرابيد هتلاقى سعرها حوالى 170 الف , لو عايز تخليك فى الوسط و عربية تقفيل مصرى لكن كماليات اكتر و واسعه يبقى هات السنترا

[omar fouad]

بالترتيب كده سكودا رابيد - سنترا - جين 2 , بس الجين 2 سعر اقل من الاتنين بفرق كبير بحوالى 20 الف ج فرق , ف لو عايز توفر الفرق ده هات الجين 2 عربية كويسة و امان وثبات على الطريق بس اوبشنز اقل , لو عايز عربية تقفيل اوروبى وامان برضه ولكن انتشار اقل يبقى هات الرابيد هتلاقى سعرها حوالى 170 الف , لو عايز تخليك فى الوسط و عربية تقفيل مصرى لكن كماليات اكتر و واسعه يبقى هات السنترا

الف شكر ليك
ان شاء الله هجيب السنترا

[ahmad--ezzat]

سنترا افضلهم

[scientist9508]

بسم الله الرحمن الرحيم

أخى الفاضل

1 - سنترا جديده و إن كانت البيانات الهندسيه لها رائعه فلا تزال السياره جديده و قيد التجربه الفعليه . . أضف لما سبق أن مراكز صيانة مودرن موتورز ستنسيك كل مميزات السنترا

2 - لم تحظى سكودا رابيد بإعجاب من إشتروها . . . و على الرغم من سعرها الممتاز (بالنسبه سكودا) إلا أنه لا يوجد إقبال على شرائها

3 - جين 2 سياره ممتازه حازت على شهادات تقدير من كل ملاكها فى مقابل أن تتحمل عيوبها و التى تتمثل فى بطء الوكيل و عيوب التقفيل و صغر حجم خزان الوقود.

رأى الشخصى كالآتى:

1 - إن أردت المغامره فإشترى السنترا و أدعو الله أن يلهمك الصبر على مراكز صيانة مودرن موتروز

2 - إن أردت الحل الوسط فإشترى جين 2

3 - لا أرى سبب مقنع يجعلك تشترى الرابيد

مع إنى أرى أن جين 2 أفضلهم إلا أننى أدعوك لأن تصلى صلاة الإستخاره

السلام عليكم و رحمة الله و بركاته

[ahmad--ezzat]

بسم الله الرحمن الرحيم

أخى الفاضل

1 - سنترا جديده و إن كانت البيانات الهندسيه لها رائعه فلا تزال السياره جديده و قيد التجربه الفعليه . . أضف لما سبق أن مراكز صيانة مودرن موتورز ستنسيك كل مميزات السنترا

2 - لم تحظى سكودا رابيد بإعجاب من إشتروها . . . و على الرغم من سعرها الممتاز (بالنسبه سكودا) إلا أنه لا يوجد إقبال على شرائها

3 - جين 2 سياره ممتازه حازت على شهادات تقدير من كل ملاكها فى مقابل أن تتحمل عيوبها و التى تتمثل فى بطء الوكيل و عيوب التقفيل و صغر حجم خزان الوقود.

رأى الشخصى كالآتى:

1 - إن أردت المغامره فإشترى السنترا و أدعو الله أن يلهمك الصبر على مراكز صيانة مودرن موتروز

2 - إن أردت الحل الوسط فإشترى جين 2

3 - لا أرى سبب مقنع يجعلك تشترى الرابيد

مع إنى أرى أن جين 2 أفضلهم إلا أننى أدعوك لأن تصلى صلاة الإستخاره

السلام عليكم و رحمة الله و بركاته

حضرتك لو جربت الجين ٢
ايه رايك في النعومه بتاعت العربيه
لان في ناس اشتكت من النقطه دي مع ان العربيه تعتبر حديثه

[mohamedkandel]

السنترا عربية ممتازة وسعرها مقبول علي مواصفاتها

[zeekas15]

التقفيل المصرى غير محبذ "سنترا " وعدم الانتشار غير محبذ بردوا " رابيد"

[omar fouad]

دلوقتي انا سألت علي سنترا في معرض الابيض اللي في اول فيصل وقالى 187000 حاسس انها غالية ولا ايه رايكم

[omar fouad]

التقفيل المصرى غير محبذ "سنترا " وعدم الانتشار غير محبذ بردوا " رابيد"

يعني اشوف الجين 2؟

[رامي مصطفى]

يعني اشوف الجين 2؟

ربنا يبارك في الاختيار ولا تنسى صلاة الاستخاره
والاهم السرعه العربيات كل يوم بسعر

[mohamedkandel]

التقفيل المصرى غير محبذ "سنترا " وعدم الانتشار غير محبذ بردوا " رابيد"

مش شرط مثلا مرسيدس تقفيل مصري هل وحشة ..... طبعا التقفيل المصري مش هيكون ممتاز لكنه جيد في السنترا ومحترم والدليل العربيه بتنتشر بسرعه وعليها طلب كبير

[mohamedkandel]

دلوقتي انا سألت علي سنترا في معرض الابيض اللي في اول فيصل وقالى 187000 حاسس انها غالية ولا ايه رايكم

فعلا سعر الهاي لاين دلوقتي وصل للحدود دي وده دليل علي اقبال الناس عليها العربيه من شهر كانت ب 172 وقبلها بشهر كمان ب 163 والسعر بيعلي باستمرار .... اهم شئ انك تصلي استخارة الاول

[msami2k]

لو عاوز عربية عملية تركبها ... عليك وعلى الجين تو
مفيهاش فشخرة، وثبات كويس ، واوبشن ظريف، وأعطال قليلة معروفة متكررة
توكيل سيء بس قديمة بقالها عشر سنين فكل حاجة معروفة وموجودة
.
.
لو بتدور على أوبشن عالي ومنظرة ... متروحش للجين 2

[scientist9508]

حضرتك لو جربت الجين ٢
ايه رايك في النعومه بتاعت العربيه
لان في ناس اشتكت من النقطه دي مع ان العربيه تعتبر حديثه

هذا كلام صحيح . . . خشونه العفشه هو الوجه الآخر للثبات . . . أنصحك ألا تبحث عن الكمال لأنك لن تجده إلا عند العمالقه الكبار فى عالم السيارات (سوبارو و أودى و مرسيدس و . . . إلخ)