عربية جديدة بالقسط

[Ahmed0Raafat]

السلام عليكم ورحمة الله وبركاته
أعضاء المنتدى الكرام،
أنا قررت انى ان شاء الله هجيب عربية جديدة
وكنت عايز أعرف نصيحتكم بخصوص أفضل عربية ممكن أجيبها بالقسط تكون اوتوماتيك وتكون عربية عالية نسبيا وعفشتها تستحمل المطبات والاراضى الغير ممهدة وقطع غيارها متوفرة ورخيصة وشكلها مقبول يعنى نسبيا مع العلم ان دى هتكون اول عربية اسوقها قى شوارع جمهورية مصر العربية :d
"انا بفكر فى الفيرنا بس مش بالع شكلها الصراحة"
وشكرا،

[scientist9508]

بسم الله الرحمن الرحيم

أخى الفاضل

ستتلخص إجاباتى فى نقاط

1 - توقف إنتاج الفيرنا الأوتوماتيك من سنوات طويله

2 - الفيرنا لا يتوافر فيها سوى شرط قطع الغيار الرخيصه و الكثيره وباقى الشروط غير موجوده

3 - الشروط التى ذكرتها حضرتك لا تتوافر مجتمعه فى أى سياره

4 - السيارات الأقرب لشروط حضرتك هى السيارات الكوريه suv

5 - مثل كيا سبورتاج و هيونداى كريتا و لكنهما فى فئه سعريه بعيده تمامآ عن الفئه السعريه التى تنتمى لها الفيرنا

6 - إن إستطعت تعديل شروطك لزيادة عدد السيارات التى يمكن أن تقابل بعض متتلطباتك فسيكون ذلك أفضل

هداك الله لأرشد أمرك و أقومه

السلام عليكم ورحمة الله و بركاته

[megaarts]

بلاش الفيرنا لو عايز حاجه في نفس الفئه يبقي عندك اللوجان والافيو

[khaledserag]

انا زيك بالضبط و لفيت كتير و ملقتش عربية حلال فيها الفلوس لحد 150
و حاليا بفكر فى شيرى تيجو بتاعة غبور و لو مجبتهاش هسكت و مش هجيب