اشتري رينو لوجان و لا نيسان سنترا

[sameh elrefaey]

السلام عليكم و رحمة الله و بركاته
انا جديد في المنتدى
و كنت عاوز اشتري عربيه جديده
و بصراحه محتار جدا انا كنت استقريت على رينو لوجان
لكن لاقيت في ناس بتشكر في نيسان سنترا و بالذات بعد ما بدأت تقفل في مصر و سعرها نزل شويه
فيا ريت حد يفيدني و يساعدني علشان اقدر اخد القرار
و شكرا جزيلا لكم

[Dr.zamalkawey]

ده فئه ودى فئه تانيه خالص بس للاسف السنترا سعرهااااا ناااار اليومين دول مانزلتش ولا حاجه

[amr khater]

سنترا اكبر ويباني واتزان احسن

[bluemail]

عليكم السلام،
انزل اتفرج علي العربيتين وانت هتختار لوحدك،
بالتاكيد نيسان سنترا
مبروك مقدما

[tasaka]

سنترا طبعا .. بس سعرها عالى دلوقتى

[tarekmomo]

يا راجل حرام عيك السنترا افضل وفئه اعلى من اللوجان واشيك

[tito32]

عيب تسال سؤال زى ده اكيدا السنترا طبعا

[mohbasyouni]

السنترااحسن

[Ahmed Tarek 00]

الاتنين أوحش من بعض اوهروووب ياويلد

[fadymedhat]

السينترا اكيد......بس فى فرق فلوس كبير...

[amr011111]

السنترا اعلى من اللوجان بفئتين عالاقل

[AhmedATeek]

سنترا

السنترا بدون ادني شك انا جبتها لما كانت تايلاندي عربية في منتهي الجمال والشياكة والوسع والاتزان لدرجة ان كان في ناس بعربيات فخمة بتوقفني تسالني عليها لانها كانت غريبة اول مانزلت وماكانتش منتشرة ابدا وتقريبا انا اول حد اشتراها في الاسكندرية وبالنسبة لصيانتها ماتقلقش خالص بدأت تتوفر لها قطع الغيار واول ٣ سنين هتبقي في الضمان مش هتحتاج الا قطع استهلاكية وغيار زيت انا لسة عامل صيانة ال ١٥ الف ب ٥٠٠ جنية وياسلام لو اللون الاسود بتحس انك راكب عربية فخمة من الي نعرفهم