نيسان صنى-رينو لوجان-شيفورليه افيو واوبترا

[وطني مصري]

السلام عليكم
انا كنت ناوي اجيب زيرو لاكن للاسف بسبب الغلاء الفاحش الي بيحصل فمحصلش نصيب
حاليا انا ناوي انزل السوق واجيب عربيه مستعمله
فانا قريت ان
النسيان صنى والشيفورليه اوبترا يعتبر قريبين من بعض
والرينو والافيو برضه يعتبر قريبين من بعض
لاكن سؤالي هنا
هل الافضليه للموديل الاحدث ولا الجوده
يعني اجيب رينو 2010 ولا نيسان 2003

[msalx]

انا زيك ومتابع معاك :)

[SroMolla]

متابع جداااااااااااااا

[SroMolla]

شوف يا اخى الحبيب ,,
انا أصلا داخل في الصفحة هنا علشان نفس سؤالك لذلك هحاول افكر معاك بصوت عالى
لما ان الرأى الأول و اليد العليا للامكانيات المادية فانا هاتكلم على أساس ميزانية 65 الف تقريبا او اقل من اكثر...
==================================
اللوجان
فرنسى قطع غيار غالية نسبيا ثبات مناسب و ليس جيدا , سوقها ابتدى يتوسع في مصر جدا موخرا لكن مازالت صعبة في إعادة البيع ,,
الافيو :
معشوقة الجماهير ,, الجماهير اللى بتحب بعينيها ,, يعنى شكل رائع كماليات ممتازة اتساع مناسب قطع غيار متداولة جدا عند البقالين بخمسين قرش ,, اتزان و ثبات زبالة سهلة في إعادة البيع لذا هي الاختيار الثانى بالنسبة لى .
الاوبترا ماعنديش عنها اى معلومات لانى مادورتش على أساس ان الحالة الكويسة منها اعلى من امكانياتى
النيسان
اختيار منافس قوى جداااااااااا بالنسبة لى ,, ياباني , قوة ثبات اتزان جمال ,,,, لكن موديل قديم نسبيا
اختيارى الأول الان هو هيونداى نيو اكسينت فيها من كل المميزات السالف ذكرها لكن منتظر حد يكون اعلى خبرة و اكثر علما يفيدنى في اختيارى ده

[scientist9508]

الأفيو سياره فاشله فى كل شىء . . الرينو ممكن تكون سياره مناسبه للميزانيه لكن مشاكلها كثيره أيضآ . . لذلك أرى أن أفضلهم يكون أوبترا

[S O P H O S]

فكل الاختيارات الي فوق دي
الاوبترا

[m-sabry]

الأفيو سياره فاشله فى كل شىء . . الرينو ممكن تكون سياره مناسبه للميزانيه لكن مشاكلها كثيره أيضآ . . لذلك أرى أن أفضلهم يكون أوبترا

نفسي أفهم ليه بتقولوا عالافيو فاشلة؟؟؟ أنا بسأل بجد لأني كنت ناوي اجيبها بس محتار الناس ليه بيقولها عليها وحشة؟؟!!! ونفس أعرف إجابة السؤال..
انا شايف ان سعرها كويس وشكلها حلو جداً وواسعة من جوه وقطع غيارها رخيصة.. ياترى هيفرق معايا ان موتورها 8 صباب مش 16 ؟؟ ياترى ده بيفرق في حاجة وياترى هو ده السبب انكوا بتقولوا عليها وحشة؟ ولا لسبب تاني؟؟
بيقولوا برضو عفشتها ناشفة.. طيب مهي السيراتو عربية فخمة بس برضو عفشتها ناشفة!!
ياريت حد يرد عليا لأني عاوز اشتريها وخايف من السمعة الوحشة اللي مش عارف سببها ايه لحد دلوقتي

[mostafagaber]

متابع ولو اني شايف الافيو هيا الافضل بالنسبه للسعر واعاده البيع