هشتري كيا ريو هاتشباك مستعملة ساعدوني الله يخليكم

[KarezmA]

السلام عليكم ياجماعه انا قررت اشتري سيارة
كيا ريو هاتشباك مستعملة وادامي سيارة
عدد الكيلومترات بتاعتها 65 الف
وسيارة 16 الف

والفرق فى السعر مش كبير بس انا ميال للون الى عدادها 65 الف ياريت حد يفيدني وينصحني
ويقولي اعمل ايه عشان انا محتار وخايف انخدع

[gade2]

سيبك من اللون
قارن بين حالة العربيتين لو الاتنين زى بعض يبقى بص على ال ك متر بعدين الكماليات واخيرا اللون

[Mohamed Desoky]

كيا ريو موديل كام ياريت توضح تفاصيل اكتر العربيه مو كام نوع ايه بلاش الرموزدى علشان تستفيد من الزملاء

[KarezmA]

فى واحده حاليا ماشية 30 الف موديل 2015 ب 140 الف
والتانيه ماشية 80 الف موديل 2013 ب 127 الف

والبايعين مخلصين الصيانة للاخر مظبوط حسب كلامهم يعني صيانة العربية تمام فى الاتنين
اختار انهي فيهم؟؟؟؟

والاتنين جميع الكماليات مع فرق فى ان الى ماشيه 80 الف استعمال حريمي ولونها ابيض ومفهوش اي خدوش ومغيرلها فرش جلد وضايف 2 دي في دي فى المخادع

والى ماشيه 30 الف لونها اسود وتعتبر برضه حالتها محترمه مفهاش خدوش

[bluemail]

اتوكل علي الله في الاولي اللي ماشية 30 الف
بس حاول تهز السعر شوية
مبروك مقدما

[Mohamed Desoky]

كل احترامى ليكم بس 140 الف مبلغ كبير ويخليك تركب زيرو يبقى ليه اركب مستعمل طالمه معايه اركب عربيه انا اول واحد استخدمها وبعد 5 سنين لما تزهق منها بعها نصيحه اركب زيرو ربنا يوفقك

[KarezmA]

اتوكل علي الله في الاولي اللي ماشية 30 الف
بس حاول تهز السعر شوية
مبروك مقدما

اهز السعر ده عارضها اصلا ب 144 انت تعرف دلوقتي بيعرضو الريو على 150 بسبب الاسعار والدولار حتى بتوع المستعمل بيهيصو ويغلو هما كمان بس انت ليه قولتلي على الى ماشيه 30 الف

[KarezmA]

كل احترامى ليكم بس 140 الف مبلغ كبير ويخليك تركب زيرو يبقى ليه اركب مستعمل طالمه معايه اركب عربيه انا اول واحد استخدمها وبعد 5 سنين لما تزهق منها بعها نصيحه اركب زيرو ربنا يوفقك

الزيرو على فكرة ملهوش قيمة ولو انا نفذت كلامك وجبت حاجه ب 140 زيرو يبقى هركب عربية اقل فى الامكانيات اوعا تفكر فى موضوع الزيرو ده وتفتكره له الافضلية

[Mohamed Desoky]

الزيرو على فكرة ملهوش قيمة ولو انا نفذت كلامك وجبت حاجه ب 140 زيرو يبقى هركب عربية اقل فى الامكانيات اوعا تفكر فى موضوع الزيرو ده وتفتكره له الافضلية

كلامك مظبوط المستعمل احسن من الزيرو ربنا يوفقك

[رامي مصطفى]

كلامك مظبوط المستعمل احسن من الزيرو ربنا يوفقك

ههههههههه
رد جميييل كلمه ونصف
معلش هوا مش قصده هوا قصده الزيرو ب ١٤٠الف اخره هتجيب بيكانتو ده الامجراند بأت ب ١١١.٥ الف تخيل!!!!!
ممكن باقي النصيحه يجيب زيرو زي ايه ب ١٤٠ الف اوتو؟

[volociximab]

سيبي من كلام البايع ظبطت العرية و ماعرفش ايه
فحص فحص محترمه خصوصا على الاساسيات.موتور فتيس شاسيه

[KarezmA]

ههههههههه
رد جميييل كلمه ونصف
معلش هوا مش قصده هوا قصده الزيرو ب ١٤٠الف اخره هتجيب بيكانتو ده الامجراند بأت ب ١١١.٥ الف تخيل!!!!!
ممكن باقي النصيحه يجيب زيرو زي ايه ب ١٤٠ الف اوتو؟

دي نقطة ان 140 جديد تجيب بيكانتو حريمي النقطة التانية انه مأقنعنيش الجديد افضل فى ايه
الموضوع مش زي ما بنشتري تلاجه ولا مروحه العربية المستعملة مترخصه اي عيب فيها عدا على المشتري الاول وصححه عملها صيانه غير انه ممكن تلاقي مشتري عاملها تأمين هتستفاد انت بكل الى عمله وقصادك عربية نضيفه تتغسل غسلة واحده وتلاقيها بتلمع زي الزيرو + هتكون عربية امكانياتها عاليه بسعر الزيرو هو ميعرفش ان الزيرو التوب لاين فى الريو وصل 190

[KarezmA]

سيبي من كلام البايع ظبطت العرية و ماعرفش ايه
فحص فحص محترمه خصوصا على الاساسيات.موتور فتيس شاسيه

طب ايه رايك فى موضوع الكيلومترات الى قطعتها العربية ما دام الصيانة تم عملها بانتظام
معايا فى ان الكيلو مترات ملهاش قيمة ولا ليها قيمة؟؟

[شريف الطوخي]

السلام عليكم . يا جماعة ارجو الرد .معروض على عربية اكسارا 2002 اتوماتيك.صاحبها راجل محترم كلمني عليها وآخره في السعر 44000ج وبيقولي مش محتاجة إي مصاريف وتعامله 185000كم اتوكل علي الله واشتريها .ولا ادفع 70الف مقدمه العربيه زيرو ومصاريف الصيانة بتاعة المستعمل أدفعها أقساط الزيرو .ارجو الرد بسرعة لأن شغلي واقف لأني بعت عربيتي .ومش عارف اشتغل من غيره .للعلم أنا كنت راكب اكسارا اتوماتيك 2002.
وبصراحه أنا بحب الاكسارا بس خايف لأن عشان اوقف عربيتي القديمة صرفت كثير .
ارجو الرد .

[KarezmA]

السلام عليكم . يا جماعة ارجو الرد .معروض على عربية اكسارا 2002 اتوماتيك.صاحبها راجل محترم كلمني عليها وآخره في السعر 44000ج وبيقولي مش محتاجة إي مصاريف وتعامله 185000كم اتوكل علي الله واشتريها .ولا ادفع 70الف مقدمه العربيه زيرو ومصاريف الصيانة بتاعة المستعمل أدفعها أقساط الزيرو .ارجو الرد بسرعة لأن شغلي واقف لأني بعت عربيتي .ومش عارف اشتغل من غيره .للعلم أنا كنت راكب اكسارا اتوماتيك 2002.
وبصراحه أنا بحب الاكسارا بس خايف لأن عشان اوقف عربيتي القديمة صرفت كثير .
ارجو الرد .

ياريت تعمل موضوع افضل لوحدك وبالنسبة لطلبك لا مصاريف الصيانة عمرها ما هتكون زي الاقساط الاقساط اكبر اكيد انما انت تعمل فحص شامل على المستعملة عشان تعرف كل الى تم فيها والى محتاجاه واي صيانة او عمره بترجعلك العربية زيرو المكنة عمرها ما تعيب عربية (من الاخر ياباشا الى بيشترو زيرو فلوسهم كتير او مش فاهمين)