ب ٣٠٠ الف ايه أحسن اختيار ؟!!! أرجو المساعده

[Malqady]

السلام عليكم..
انا بقالي فتره طويله محتار وان كنت عارف اني بقارن مقارنه مش سليمه ميه في الميه

انا معايا ٣٠٠ الف وفعلا مش عارف ايه أحسن اختيار.. وبعد تدوير كتير دلوقتي الوضع

كعربيه سيدان معروض عليا عربيه فورد فيوجن ٢٠١٥ كسر زيرو ماشيه حوالي ٣٠ الف كيلو .. هل ده سعر معقول ؟ وناس كتير قلقوني من اللورد فيوجن وان قطع غيارها مش متوفرة وغاليه؟؟

الخيار التاني اني ابعد عن الفيوجن وأفكر في حاجه جديده .. ولو جديد في السيدان فا انا فعلا مش عارف ايه أحسن خيار.. لكن الحاجه الوحيدة اللي مقارنه حاليا مع الفيوجن سوبارو xv 2016 جديده اخر فئه او سبورتاج اول فئه .. ومش عارف الانسجينيا مشاكلها ايه

شكرًا مقدما :)

[ahmad--ezzat]

عايز تستثمر فلوسك..هات كرولا هاي لاين ولو انها متستهلش كل السعر ده
بس ماسكه سعرها واحتمال كبير جدا لو فكرت تبيع كمان ٤ سنين هتجيبلك اكتر ماشتريتها في ظل الهبل اللي احنا فيه ده

[Malqady]

ما هي المشكلة فعلا اني مستكتر عليها اوي تمنها.. في وقت من الأوقات كانت في خياراتي بس بأسعار تانيه خالص .. إنما امبارح لقيتها ب ٢٨٥ !!! كتير جدا عليها

وفعلا في حاله جنون في البلد !

[salam100100]

لو شراء العربيه ليس ضروره ملحه الان.........استثمر هذا المبلغ فى عقار
واسف لو بتكلم خارج الموضوع
العربيات الان (2016) متسويش ثمنها

[scientist9508]

لو شراء العربيه ليس ضروره ملحه الان.........استثمر هذا المبلغ فى عقار
واسف لو بتكلم خارج الموضوع
العربيات الان (2016) متسويش ثمنها

كلام صحيح جدآ و أنا أرى نفس هذا الرأى

[ahmed_eng2001]

اتفق مع رأى اللاعضاء الى قالوا انك ممكن تستثمر فلوسك فى حاجة تانية .... ده لو انت عاوز تستثمر فلوسك

اما لو لسع عاوز تشترى عربية ... ياريت حضرتك تسأل نفسك ... انت عاوز العربية فى ايه ؟! استخدامك فى العربية ايه ؟ الاوبشنز مهمة عندك اد ايه ؟! حتبيع العربية قريب و لا انت من النوع الى بيخلى العربية معاه ... و لا مش عارف لسة ؟! و اسألة كتير زى كدة .... و بعد ما تجاوب على الاسئلة دى ستجد ان الاختيارات مش كتير .... تبدأ تسأل من المرحلة دى
و ربنا يوفقك

[Colin Chapman]

ford fusion 2017

السلام عليكم..
انا بقالي فتره طويله محتار وان كنت عارف اني بقارن مقارنه مش سليمه ميه في الميه

انا معايا ٣٠٠ الف وفعلا مش عارف ايه أحسن اختيار.. وبعد تدوير كتير دلوقتي الوضع

كعربيه سيدان معروض عليا عربيه فورد فيوجن ٢٠١٥ كسر زيرو ماشيه حوالي ٣٠ الف كيلو .. هل ده سعر معقول ؟ وناس كتير قلقوني من اللورد فيوجن وان قطع غيارها مش متوفرة وغاليه؟؟

الخيار التاني اني ابعد عن الفيوجن وأفكر في حاجه جديده .. ولو جديد في السيدان فا انا فعلا مش عارف ايه أحسن خيار.. لكن الحاجه الوحيدة اللي مقارنه حاليا مع الفيوجن سوبارو xv 2016 جديده اخر فئه او سبورتاج اول فئه .. ومش عارف الانسجينيا مشاكلها ايه

شكرًا مقدما :)

بلاش الانسجينيا
ford fusion 2017

[Malqady]

الحقيقه انها ضرورة بس مش ملحه.. لأني معايا عربيه بس قدمت وتعباني جدا.. وانا بقالي سنه كل شويه أقول هغير واستنى .. الخوف ان العربيات تغلا أكتر والجنون ده يستمر وساعتها بردو هكون مضطر أغير .. للأسف فعلا كل الخيارات اللي قدامي بالسعر ده حاسسها متساويش تمنها
مع احترامي الشديد للكيا والهيونداي بس لما الاقي التوسان مثلا عشان اركب عربيه فيها شويه ابشنز بس توصل ٣٥٠ الف جنيه تقريبا !!

[Malqady]

انا فعلا بسبب اللف كتير اليومين اللي فاتوا حتى طموحي في العربيه قل كتير..
محتاج ايه.. محتاج عربيه قويه وشيك وأحس ان تمنها فيها .. مش فارق معايا اوي سيدان ولا suv

واعتقد ان الخيارات اللي قدامي وان كنت مش عارف اختار ما بينها

سوبارو اعلى فئهxv
توسان
ده ك اس يو ڤي
سيدان
فعلا رغم انها مكنتش من اختياراتي بس بدأت أفكر في الأوكتافيا

[أحمد عثمان]

الفيوجن أو الإنسجنيا.
عربيات ممتازة فعلاً.

[Hosam_Optrawy]

انا فعلا بسبب اللف كتير اليومين اللي فاتوا حتى طموحي في العربيه قل كتير..
محتاج ايه.. محتاج عربيه قويه وشيك وأحس ان تمنها فيها .. مش فارق معايا اوي سيدان ولا suv

واعتقد ان الخيارات اللي قدامي وان كنت مش عارف اختار ما بينها

سوبارو اعلى فئهxv
توسان
ده ك اس يو ڤي
سيدان
فعلا رغم انها مكنتش من اختياراتي بس بدأت أفكر في الأوكتافيا

300 الف في اوكتافيا حرام ماتستاهلش خالص السعر دا

وفى نفس الوقت الحاجات الأفضل زى الإنسيجنيا وال 508 والفيوجن ماينفعش تجيب فيها أول فئه ، عالأقل تانى فئه عشان ماتحسش ان ناقصك أوبشنز كتير

الانسيجنيا تانى فئه 320 الف ال 508 تانى فئه 340 الف الفيوجن تانى فئه 375 الف !!

خليك في السوبارو أعلى فئه 305 او تانى فئه 285

[S O P H O S]

لا سوبارو زيرو افضل
كرأي فقط

[tameem2010]

رايي الشخصي
لو عاوز سيدان شوف التويوتا كرولا... عربية زي الدهب وسعرها بيزيد يوم بعد يوم

لو عاوز كروس اوفر شوف القشقاي عربية سعرها حنين بالنسبه لكل الكروس اوفر والاوبشن بتاعها جميل وواسعه