مطلوب مقارنة بين السنترا والكروز والالنترا hd

[Eng.Mina]

انا ان شاء الله ناوي اغير الفيرنا بعربية زيرو وقدامي ال 3 اختيارات دول قريبين من بعض في السعر .
انا يهمني في المقام الاول الاعتمادية وقلة الاعطال ويليها توافر قطع الغيار داخل وخارج التوكيل وسهولة الصيانة وياريت اعرف مين فيهم الافضل في السحب و احسنهم في استهلاك البنزين .
ياريت اسمع آرائكم وشكرا

[فتح الباب]

بص مره كده على شيفرولية اوبترا الشكل الجديد وقولنا رأيك فيها ايه هى صينى بس تحفه

[Eng.Mina]

شفتها بس محبتهاش . انا استقريت علي ال 3 دول . حد يقدر يفيدني ؟؟

[scientist9508]

بناءآ على الشروط التى ذكرتها فى طلبك . . . فإن إلانترا hd هى التى تتوافر فيها كل شروطك و طلباتك مجتمعه . . هى الوحيده التى تستطيع إجراء صياناتها خارج الوكيل و أنت مطمئن

[hugan]

النترا
وممكن تدخل معانا السيراتو
يليها سنترا

[Eng.Mina]

النترا
وممكن تدخل معانا السيراتو
يليها سنترا

شكرا لرد حضرتك هي السيراتو بقي تمنها معدي اوي وقريب من الالنترا AD صراحة الالنترا hd تقفيلها حاسه اقل من السنترا بكتير بس انا واثق في اعتماديتها رغم اني سقت السنترا عربية سواقتها حلوة جدا وناعمة وعزلها حلو متحسش خالص انها تقفيل مصري انا كل اللي قالقني منها الفتيس ال cvt وصيانته لو حصل فيه حاجة و مراكز صيانة نيسان اللي في شكاوي من بعضها

[Eng.Mina]

بناءآ على الشروط التى ذكرتها فى طلبك . . . فإن إلانترا hd هى التى تتوافر فيها كل شروطك و طلباتك مجتمعه . . هى الوحيده التى تستطيع إجراء صياناتها خارج الوكيل و أنت مطمئن

شكرا لرد حضرتك الالنترا اعتمادية اكيد بس للاسف غبور شكله حيدمرها من قبل ماتنتنشر انا كل مسأل علي سعرها الاقيها زادت رغم ان انتشارها يعتبر زيرو الي الان ده انا بقيت بشوف الالنترا ال AD في الشارع و ال hd مشوفتهاش نهائي الي الان

[hugan]

شكرا لرد حضرتك هي السيراتو بقي تمنها معدي اوي وقريب من الالنترا AD صراحة الالنترا hd تقفيلها حاسه اقل من السنترا بكتير بس انا واثق في اعتماديتها رغم اني سقت السنترا عربية سواقتها حلوة جدا وناعمة وعزلها حلو متحسش خالص انها تقفيل مصري انا كل اللي قالقني منها الفتيس ال cvt وصيانته لو حصل فيه حاجة و مراكز صيانة نيسان اللي في شكاوي من بعضها

اها معلش فهمت خطاء
كده شخصيا هافضل السنترا علي الالنتراhd
خاصه ان الالنتراhd الجديده شخصيا مقتنع انها صيني صرف وماتصدقش حد يقولك انها كوري

[bluemail]

السنترا افضل بكتير
انت كنت راكب فيرنا، علشان تحس انك اتنقلت لمستوى اعلي يبقي تركب سنترا
لو هتقارن من ناحية الصيانه ورخص قطع الغيار هيكون النترا اتش دي
لكن في كل اوجة المقارنه الاخري السنترا افضل
بالتوفيق

[arabian-eagle]

انا سقت السنترا والكروز. استأجرت سنترا أسبوعين 2014 وكروز أسبوع 2015.
الكروز أريح في السياقة خصوصا الفترات الطويلة واستهلاك البنزين أقل. السنترا مكيفها أفضل من الكروز وأعتقد أنها أوسع من الداخل.
الكروز كشكل من الداخل أفضل ونظامها الصوتي احسن بكثير من السنترا.
انا لو خيرت بين السنترا والكروز أختار الكروز بس الخيار النهائي لك اكيد

[Eng.Mina]

شكرا ليكوا جدا . انا خلاص بقيت شبه مقتنع بالسنترا وربنا يعمل اللي فيه الخير

[mohamedkandel]

السنترا افضل باذن الله