أوبل موكا ..... ولا كيا سبورتاج

[Ayoob]

محتاج رأي حضراتكم في مقارنة أوبل موكا Top line تمنها ٢٩٠ الف .. بصراحة تقفيلها ممتاز وفيها ٤ اير باجز . فتحة سقف . سينسون امامي و خلفي . فرش جلد . لكن ينقصها الكاميرا الخلفية . سالت على بلد الصنع ، مندوب المبيعات قال تشيكي ، وواحد تاني قال كوري.
بس أنا خايف من توكيل أوبل .. سمعة منصور مش ولابد وخايف من التعامل معه

اتفرجت على الكيا سبورتاج ، ب ٢٩٠الف الفئة قبل ال. Top line ، اسمها. LX ، بس اعتقد السعر ده فيه اوفر بريس . مفيش كاميرا و الكراسي مش جلد
وبرضة أنا مش مقتنع بالكوري ،،، وميال للألماني طبعا
بصراحة حاجة محيرة ،،، آيه رأي حضراتكم ؟

[Hosam_Optrawy]

الموكا تقفيل كورى ، وحجمها أصغر من السبورتاج وتعتبر فئه أقل منها ، وتعليق خلفى Torsion-Beam بعكس السبورتاج Multi-Link ، دا غير ان المفروض هاينزل منها FaceLift في خلال الكام شهر الجايين



ميزة الموكا الوحيده ان موتورها أقوى

أما السبورتاج لو فئة LX F/O فدا سعرها الطبيعى ، هاتعرفها لو فيها سنسور وبلوتوث ومثبت سرعه ، اما لو مافيهاش يبقى كدا فيها اوفر برايس 10 الاف

[Ayoob]

شكرًا ياباشا على المعلومات المفيدة جدا ...
طيب آيه رأي حضرتك في الكيا سبورتاج .. بصراحة أنا متخوف منها ،،، من ناحية الثبات على الطريق ،ومن ناحية ال safety عموما،،

[borio1704]

الموكا دي ما تقدرش تعتبرها ألماني..

الشاسيه بتاعها هو نفسه شاسيه الأفيو.. ويبدو إنها نفس العفشة تقريبا...

تقدر تعتبرها أوبل كورسا عالية عن الأرض شويتين.

بالعكس.. أنا بعتبرها هي اللي أوفربرايس.

الكيا اسبورتاج أوسع وأعرض وعفشتها أفضل..

والأهم من كده.... العربيات الsuv مش مطلوب منها ثبات على الطريق... مش متصممة علشان كده

وما ينفعش تقارن ثبات أي عربية suv بعربية سيدان في نفس حجمها... هتخسر المقارنة بدون شك.


لو عايز تقارن الموكا.. تقدر تقارنها بهيونداي كريتا (والكريتا بردو أكبر)



أو بفورد إيكوسبورت




...

[melouk1]

انصحك تبص على فورد كوجا

[Hosam_Optrawy]

شكرًا ياباشا على المعلومات المفيدة جدا ...
طيب آيه رأي حضرتك في الكيا سبورتاج .. بصراحة أنا متخوف منها ،،، من ناحية الثبات على الطريق ،ومن ناحية ال safety عموما،،

الفئه دى من العربيات صعب تلاقى فيها ثبات عالى خصوصا لو قارنتها بالسيدان ، في ناس راكبه X3 ومش عاجبها الثبات :)

لو قلقان من السبورتاج ممكن تشوف ال XV ، السوبارو معروفه بالثبات وطبعا العربيه دفع كلى ، وفيها ESP بعكس السبورتاج مفيهاش غير في اعلى فئه ، والفئتين العاليين منها فيها 8 ايرباج اما السبورتاج اعلى فئه فيها 6 ايرباج والأقل فيها 2 فقط

ال XV كمان سعرها أرخص 265 و 285 و 305

عيوب السوبارو موتور أضعف وسحب أبطئ ، فتيس Lineartronic CVT خنيق في السحب ، شنطه أصغر

[Ayoob]

شكرًا على جميع الاّراء المفيدة ،،،،،
طيب آيه رأي حضراتكم في الفولكس تيجوان ، هي طبعا أغلى ووصلت دلوقتي ٣٧٠ الف للأسف الشديد ، لكن ألماني وتقفيلها ممتاز مع كماليات كثيرة مثل زينون وسقف بانوراما وانظمة ESC و EBDو ASR للاتزان والفرامل،،،، بالنسبة للفتيس ال DSG عرفت ان اللي فيها هو ٦ نقلات wet ،، حسب كلامهم انه مفيهوش مشاكل اللي راكب في الباسات،
ولكن أنا برضه متخوف من البنزين ٩٢ مع الماتور ال TSI

[S O P H O S]

فرأي ارجح الكيا