اشتري لانسر كريستالة ولا لانوس موديل حديث

[ahmed_bq]

انا واقع في حيرة واراء متضاربة ومحتاج رأيكم
اشتري عربية لانسر كريستالة موديل 98 او 99 وطبعا هتكون ماشية كتير وقطع غيارة غالية شوية بس يقال الغالي تمنه فيه يعني قطعة الغيار بتعيش

ولا اشتري لانوس موديل 2004 او 2005 تكون لسه شبه جديدة وحالتها ممتازة وقطع غيارها ارخص بس كوري وكده

ممكن تفيدوني مع ان الاتنين تقريبا سعرهم قريب من بعض
ممكن حد يقولي رايه وياريت الاسباب

[ahmed_bq]

ياريت لو سمحتم تفيدوني

[ahmed_bq]

ايه يا جماعة محدش عايز يساعدني ؟؟

[ihab]

من غير كلام طبعا الكريستالة احسن بكثير من اللانوس بس بشرط الحالة الجيدة للاثنين

[ahmed76]

اكيد لو نفس الموديل يبقى لانسر
لكن سؤال حضرتك محدد مع فارق 5 سنين يبقى لانوس طبعا
هستفيد ب 5 سنين فرق عمر العربيه
والكل عارف اللانوس عامله ازاى فى مصر

[ahmed_bq]

اكيد لو نفس الموديل يبقى لانسر
لكن سؤال حضرتك محدد مع فارق 5 سنين يبقى لانوس طبعا
هستفيد ب 5 سنين فرق عمر العربيه
والكل عارف اللانوس عامله ازاى فى مصر

كلام حضرتك سليم ان فرق عمر العربية بيفرق اومال انا متحير ليه
بس برضو لازم تحط في دماغك ان اللانسر ياباني والياباني معمر عن الكوري
وطبعا لو في نفس موديل السنه هيبقى فيه فرق في السعر كبير

بردو قطع غيار اللانوس ارخص والاتنين في اعادة البيع كويسين

طب هما يعملو كام اليومين دول لو قولنا لانسر حالتها ممتازة 98 99
ولو عربية لانوس موديل 2005 2006

[ahmed76]

uعلى العموم انا بقول لو انا هعمل كده
وحضرتك اكيد استشير باقى الاعضاء
واكيد اختلاف الرأى لا يفسد الود
ووشكرا

[ossamayk]

الموضوع يرجع لفكر حضرتك
عن نفسي أفضل أركب بنفس السعر ياباني وخاصة لانسر حتى لو كان الموديل أقل 7 سنين

[Abdm]

حضرتك طالما كلة قديم وما فيش زيرو يبقى الآفضل اللانسر شرط الحالة الجيدة
والله الموفق والمستعان

[Sehsss]

اكيد لو نفس الموديل يبقى لانسر
لكن سؤال حضرتك محدد مع فارق 5 سنين يبقى لانوس طبعا
هستفيد ب 5 سنين فرق عمر العربيه
والكل عارف اللانوس عامله ازاى فى مصر

[egyptiandiver]

Lanos

[momo_h]

يا باشا لو الكريستالة حالتها كويسة هتيبقى افضل من اللانوس طبعا بس لو حالتها تعبانة هتتعبك جدا وخصوصا ان معظم قطع غيار الكريستالة تقليد والاصلي بثمنه طبعا بس لو لقيته

[shaddadfalcon1]

لانوس طبعا
قرد بصحته ولا اسد بعافيه ولا مش عارف بيقولها ازاي

اللانوس اعتماديه ورخيصه وقطع غيار عند البقال والعيالي اللي في الشارع يفهمو فيها

[benmatar]

السلام عليكم
طبعا وبالتأكيد لانسر كريستالة أفضل مع مراعاة الحالة الجيدة.

[ahmed_bq]

على فكره انا صاحب الموضوع ده من زمااااااااااااااااااان اوي :) من اكتر من 3 سنين
وانا اشتريت كريستاله طبعا وهيا عربيه اصيلة اصيلة بكل معنى الكلمة وقطع غيارها ممتازه سعرا وجوده ... وقعدت معايا 3 سنين ولسه بايعها من شهر وغيرت للانسر بوما سوبر اكشن 1600 اوتوماتيك بقى وطبعا انا لانسراوي حتى النخاع واعتقد اني اكيد بردو لما اجي اغير دي هغير بردو للانسر يدينا ويديكو طولت العمر

مع الاعتذار للانوس لانها بردو فعلا عربية محترمة جدا جدا بس دي ازواق وانا في الركوبه حسيت بالكريستاله انها افرس بلغة التجار :) بس انا بختصار ساعت مكنت بشتري الكريستاله وكنت محتار كده ركبت كريستاله ونزلت منها وركبت لانوس في نفس الساعه واخترت الكريستاله ... الخلاصه جرب الاتنين والاتنين حلوين يعني اللي محتار محتار بين عربيه حلوه وعربيه احلى مش حلوه ووحشه

تقبلو تحياتي ....