إعـــــــلان

Collapse

.

,
See more
See less

أرجو الإجابة: ليه بيقولوا عالافيو وحشة؟! انا كنت هشتريها ومستني أعرف السبب

Collapse
X
 
  • Filter
  • الوقت
  • Show
Clear All
new posts

  • أرجو الإجابة: ليه بيقولوا عالافيو وحشة؟! انا كنت هشتريها ومستني أعرف السبب

    السلام عليكم
    نفسي أفهم ليه بيقولوا عالافيو فاشلة؟؟؟ أنا بسأل بجد لأني كنت ناوي اجيبها بس محتار الناس ليه بيقولها عليها وحشة؟؟!!! ونفسي أعرف إجابة السؤال..
    انا شايف ان سعرها كويس وشكلها حلو جداً وواسعة من جوه وقطع غيارها رخيصة.. ياترى هيفرق معايا ان موتورها 8 صباب مش 16 ؟؟ ياترى ده بيفرق في حاجة وياترى هو ده السبب انكوا بتقولوا عليها وحشة؟ ولا لسبب تاني؟؟
    بيقولوا برضو عفشتها ناشفة.. طيب مهي السيراتو عربية فخمة بس برضو عفشتها ناشفة!!
    ياريت حد يرد عليا لأني عاوز اشتريها وخايف من السمعة الوحشة اللي مش عارف سببها ايه لحد دلوقتي

  • #2
    هي العربيه وبكل بساطه صيني ومنصور بيسوقها والتوكيل زفت علي كلام ناس حصل معهام مواقف فعليه من التوكيل وكا عربيه صيني ويكون ده سعرها علشان باسم منصور فا ده حرام الفرق بنها وبين نفس العربيه بس بتحمل العلامه التجاريه الي صنعه العربيه اكتر من ٢٥٠٠٠ جم يبقي حرام اشتريها وصدقني انا قراءة عنها تقارير وفي ناس في المنتدا هنا بيشتكو جدا وبيندمو انهم اشترو العربيه ديه
    الحمد لله علي نعمة الاسلام وكفا به نعمه
    اللهم ارني الحق حقا وارزقني اتباعه وارني الباطل باطلا وارزقني اجتنابه

    Comment


    • #3
      المشاركة الأصلية كتبت بواسطة mosaad mohsen مشاهدة المشاركة
      هي العربيه وبكل بساطه صيني ومنصور بيسوقها والتوكيل زفت علي كلام ناس حصل معهام مواقف فعليه من التوكيل وكا عربيه صيني ويكون ده سعرها علشان باسم منصور فا ده حرام الفرق بنها وبين نفس العربيه بس بتحمل العلامه التجاريه الي صنعه العربيه اكتر من ٢٥٠٠٠ جم يبقي حرام اشتريها وصدقني انا قراءة عنها تقارير وفي ناس في المنتدا هنا بيشتكو جدا وبيندمو انهم اشترو العربيه ديه
      كلام مظبوط واسمها الاصلى بايجون شركه صينيه جديده والمعلم منصور بيفرح المستهلك بعلامة شيفروليه يستورد اى زباله ويحط العلامه الامريكيه بتاعته بص منصور ده نصاب كبير طالمه صينى روح على غبور وشوف الانفى على الاقل شركه صينيه معروفه عالميا ومنتجاتها فى اوربا وامريكا وتوكيل اقوى واحد موجود غبور فى مصر يبقى غبور افضل على الاقل مش نصاب الشيرى صينى والجيلى صينى والهيونداى بتاعته هندى الراجل صريح مش نصاب سدقنى غبور احسن الوحشين لان مفيش توكيل فى مصر محترم خالص

      Comment


      • #4
        فى الخليج مشهور عنها ان مكينتها بتضرب و ان السيارات الكورى بعلامة شيفروليه هى من اسوأ السيارات التى تحمل تلك العلامة(افيو-ابيكا9
        خصوصا الابيكا
        حتى انا فى مصر اتعلمت على افيو مكينتها فيها مشكله
        تخيل بقى لو الاشاعات طلعت صح و العربية طلعت صينى
        و كمان اعتقد فرق السما من الارض بين السيراتو و الافيو و خبراء السيارات بالمنتدى يفيدونا
        [CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
        الإمام مالك* الموطأ.

        Comment


        • #5
          يانهار ابيض صيني ؟؟؟!!!
          شكرا جزيلاً للردود..

          Comment


          • #6
            الأفيو مش صينى الصينى هى الأوبترا الجديدة نيجى للأفيو علشان سؤال حضرتك هى مش وحشة هى عربية مدينة بكل المقاييس ابعادها compact جدا بحيث انها تسلك فى الزحمة وكذلك الركنة هتريحك اووى فى الحاجتين دول تكييفها مش وحش بالعكس لو مشحون بيسقع كويس جدا وفى المعظم الأوقات عمرى ما عملتها الا مرتين تعلى سرعة المروحة عن 2 الباور خفيف جدا ودى ميزة وعيب قطع الغيار الأصلى مش رخيص زى ما الناس ما بتقول وبرضو مش غالى بالنسبة لكونك بتعمل صيانة كل 10 الاف كم عيوبها بقى
            صاج ضعيف فى مناطق معينة - مش بتاعت جرى لو انت مش متعود عليها وبلاش تعدى بيها 120 كتير - الباور فى المناورات ممكن يخونك -
            خلاصة الكلام عايز عربية تمشى بيها جوه البلد وكذلك تسافر بيها انت واسرتك من غير جرى وفى نفس الوقت شنطة تعتبر واسعة يبقى هات الأفيو رغم انى انصحك تجيب شارك تانى فئة مستعملة نفس السعر تقريبا وفى الأخر القرار قرار حضرتك
            مقابلة جديدة للطنطاوية
            http://www.nilemotors.net/Nile/259689-a.html

            Comment


            • #7
              زي ما الاخ قال
              الاوبترا الجديده هي اي صيني
              الافيو ليست صيني وهي سياره معقول جدا.بالنسبه للفئه السعريه هيا احسن من:
              الفيرنا
              اللانوس
              الامجراند ( في كونها لها عيوب واهمها الصدأ) بعد سنه ونصف من شرائها
              يعني لو الفلوس المتاحه ماتجيبش غير دول وانت عايز زيرو هتكون هيا احسنهم

              Comment


              • #8
                شكرا على الردود.. هي فعلاً الأفضل في فئتها السعرية..

                Comment


                • #9
                  اول شئ الافيو مش صيني دي كوري تقفيل مصري
                  تاني حاجه في المجمل هي عربيه مش وحشه هي مناسبه جدا لشوارعنا وحجمها مناسب للركنات وصالونها مش ضيق
                  ميزيتها الحقيقيه ان قطع غيرها موجوده في كل مكان وباسعارونوعيات كتير وان الميكانيكا بتاعتها سهلة واي ميكانيكي يشتغل فيها بسهوله
                  اما عيوبها الاساسيه ان موتورها ضعيف شويه وعزمه بيقل جامد مع التكييف والعيب التاني الثبات وحش جدا بعد 120

                  Comment


                  • #10
                    واضح ان كل واحد بيدافع عن عربيته انها احسن عربيه فى العالم ؟طيب كلنا عرفنا ان الاوبترا صينى اسمها بايجون والميكروباص برده صينى اسمه n300 ؟عرفنا ان دول صينى خلاص ممكن حد يسبت ان الافيو كورى لان ببساطه مصنع دايو اتنقل من كوريا الى روسيا عام 2008 يبقى ازاى الاوبترا كورى دى بمل بساطه صناعه بلغارى ياريت محدش يقول كورى لان الكورى فعلا الكيا فقط وهيونداى اغلب مصانعها فى الصين والهند زى الفيرنا فرخة غبور الزهبيه كلها هنديه محرك وشاسيه وكله هندى ياجماعه مفيش حاجه دلوقتى كويسه فى السوق كله زى بعضه لوحد ركز هنلاقى اسعار العربيات الكيا اغلى من الهيونداى والاوبتر والافيو لان الكيا الوحيده اللى كورى والباقى اى كلام

                    Comment


                    • #11
                      المشاركة الأصلية كتبت بواسطة mohamed desoky مشاهدة المشاركة
                      واضح ان كل واحد بيدافع عن عربيته انها احسن عربيه فى العالم ؟طيب كلنا عرفنا ان الاوبترا صينى اسمها بايجون والميكروباص برده صينى اسمه n300 ؟عرفنا ان دول صينى خلاص ممكن حد يسبت ان الافيو كورى لان ببساطه مصنع دايو اتنقل من كوريا الى روسيا عام 2008 يبقى ازاى الاوبترا كورى دى بمل بساطه صناعه بلغارى ياريت محدش يقول كورى لان الكورى فعلا الكيا فقط وهيونداى اغلب مصانعها فى الصين والهند زى الفيرنا فرخة غبور الزهبيه كلها هنديه محرك وشاسيه وكله هندى ياجماعه مفيش حاجه دلوقتى كويسه فى السوق كله زى بعضه لوحد ركز هنلاقى اسعار العربيات الكيا اغلى من الهيونداى والاوبتر والافيو لان الكيا الوحيده اللى كورى والباقى اى كلام
                      الف شكر لرد حضرتك
                      بس انا ماعنديش افيو اصلا علشان ادافع عنها
                      ايا كانت الافيو كوري ولا لأ انا قلت لو انت عايز تجيب زيرو اوتو وآقصى الفلوس كده هيا احسن من الفيرنا واللانوس والامجراند.............
                      اعتقد مافيش عربيه ثانيه في الرينج ده اي حاجه ثانيه هتكون اعلى من كده بكتيير
                      بالتوفيق

                      Comment


                      • #12
                        المشاركة الأصلية كتبت بواسطة رامي مصطفى مشاهدة المشاركة
                        الف شكر لرد حضرتك
                        بس انا ماعنديش افيو اصلا علشان ادافع عنها
                        ايا كانت الافيو كوري ولا لأ انا قلت لو انت عايز تجيب زيرو اوتو وآقصى الفلوس كده هيا احسن من الفيرنا واللانوس والامجراند.............
                        اعتقد مافيش عربيه ثانيه في الرينج ده اي حاجه ثانيه هتكون اعلى من كده بكتيير
                        بالتوفيق
                        كل عام وانتى بخير صديقى رامى انتى عارف ان مهمتنا نقول ايه الافضل فى السوق وبننقل تجارب وخبرات لبعض وبنقول النصيحه لوجه الله وبس ؟ انتى عارف موضوع فيتيس النيسان الجوك الفيتيس الاوتو بيبوظ بسرعه والتوكيل بيتهرب من المسئوليه ودى نيسان يعنى اسم كبير ؟علشان كده لازم اللى يشترى عربيه اوتوماتيك يشترى ماركات كبيره زى الالمانى واليابانى ؟كلنا بنحب الاوتوماتيك ونفسنا فيه بس حرام ادفع كتير فى عربيه وبعد سنه او اتنين اغير فيتيس بكام الف ج ؟ وابقى زبون فى التوكيل وكل مده كام الف ج لحد ماوصل لتمن عربيه غاليه يابانى او المانى يبقى خلينى من اولها احسن واركب منول اى عربيه هتمشى لكن اوتوماتيك لازم عربيه محترمه وشكرا

                        Comment


                        • #13
                          ربنا يباركلك والف شكر على النصيحه.بس علشان تجيب الماني اقل حاجه ١٧٠ الف ومش منتشره التوليدو.يبأى الالماني فوق ٢٠٠٠الف!!!!!!!!
                          كل سنه وحضرتك طيب

                          Comment


                          • #14
                            العربيه صينى اسمها baojun 630 موديل 2011 ومحطوط عليها علامه شيفروليه ونازله على انها 2016
                            وتسال الدعم بتاع شيفروليه يقولك اصلها تصنيع جنرال موتورز الصين

                            Comment


                            • #15
                              وبلاش ايمجراند ادخل على موقع اولكس هتلاقى مصر كلها بتبيعها بخسارة

                              Comment

                              Working...
                              X