إعـــــــلان

Collapse

.

,
See more
See less

نيسان صني أعلى فئة ولا رينو لوجان أعلى فئة بالنافيجيتور ؟؟

Collapse
X
 
  • Filter
  • الوقت
  • Show
Clear All
new posts

  • نيسان صني أعلى فئة ولا رينو لوجان أعلى فئة بالنافيجيتور ؟؟

    انا خلاص كنت هجيب لوجان جديدة أعلى فئة بالنافيجيتور بس واحد قريبي جاب صني جديدة وبيشكر فيها جداً رغم إني كل ما اروح معرض وأسأل يقولولي ابعد عن الصني !! واصحابي كمان!!! مش فاهم ليه؟؟ يمكن علشان مشكلة الفرامل ؟؟ بس دي إتحلت خلاص على حد علمي
    ياترى فيه فرق كبير بينهم في الامور الهامة ؟؟

    الصني مفيهاش شاشة ونظام الملاحة نافيجيتور أما اللوجان ففيها..

    وبالنسبة للامور البسيطة فأنا شايف ان الصني من جوه واسعة جداً ماشاء الله لا قوة إلا بالله بالذت للي قاعد ورا لو كان طويل وفرد رجله للآخر مش هيلمس الكرسي الأمامي !!!! لا وكمان فيها فتحات تكييف للكنبة الخلفية .. والكرسي الأوسط في الكنبة الخلفية ممكن تحويله لمسند يد.. بس اللي غايظني فيها شكلها من بره.. حاسسها مبعجرة شوية خصوصاً من ورا.. اللوجان كمان شكلها معقول بس مش واو أوي يعني..وكمان الصني بحس ان حجمها كبير من بره وحاسس اني هحتاس في ركنتها !! بس كتالوجات مواصفات الاتنين مكتوب ان الصني طولها 4.42 م واللوجان 4.34 م يعني الفروق 8 سم بس !!!

    ياترى رأيكم ايه ؟؟؟

  • #2
    ربنا يوفقك في الاختيار

    Comment


    • #3
      الصني نموذج لصناعة السيئة ! صاج ضعيف و موتور تعبان - تفقيل هندي - جيربوكس زبالة و روح قسم نيسان و شوف مشاكل يتاعته في النسيان الجوك و القشقاي - ثبات في الضياع و مش عالية !
      اللوجان موتور و عفشة محترمين - صاج اقوي - تفقيل مغربي من مصنع بيصدر للعالم ! - خالي بالك من كلمة بيصدر للعالم يعني رينو عمالة إدارة جودة علشان العربية تتصدر للعالم - امكانيات افضل و راحة افضل صحيح قطع الغيار مش رخيصة و الصيانه لازم مع صنايعي محترم لكن مش غالية ! ( و أبقي شوف قطع غيار نسيان صني بكام و شوف عمالة أزاي )
      بأختصار عايز عربية لمدة 5-6 سنين هات اللوجان و حافظ عليها ! يا تروح التوكيل يا تروح مركز محترم ! غير كدة دور علي أي حاجة ثانية و عندي الصيني زي الشانجان انضف من الصني المصري

      Comment


      • #4
        بصراحه انا كنت متابع الموضوع و موش عايز ارد

        بس انا ما بحبش التحيز لعربيه بعد ما اشتريها .. و الانتقاد لاى عربيه اخرى مهما كانت

        النيسان صنى اعلى مبيعات فى مصر حسب ما قرأت فى المنتدى

        رينو بقى لها اسم بعد ما اشترت نيسان و اخذت التكنولوجيا و المواتير بتاعه نيسان

        الرينو لوجان دى .. هى موش اصلا داشيا .. يعنى حتى موش رينو ؟؟ و الله انا ما اعرف الماركه دى ( داشيا ) ظهرت امتى فى عالم العربيات و انهى بلد اللى عملتها ؟؟

        يعنى موش زى ميجان او فلوانس اللى واخدين مواتير نيسان صنى و نيسان سنترا

        العربيتين ( صنى و لوجان ) مستواهم متوسط .. لكل منهم عيوبها .. موش مقتنع بالصنى الجديد نسبيا .. و طبعا استحاله افكر فى لوجان ( موش قادر اهضمها )

        بس انا بدون تفكير .. لو خيرونى بين العربيتين دول ساختار الصنى

        موش حبا فى الصنى ( الصنى خلاص وقف انتاجها من نيسان على حد علمى ) .. لكن لان اسم رينو كان لي تجارب معه زمااااان زماااااان .. كل ما افتكرها شعر رأسى بيقف و ييجى لى قشعريره من العذاب اللى شوفته برغم مرور سنين طويله على التجربه المريره دى

        علما بان الصنى القديمه عربيه لا يعلى عليها .. يعنى جوهره .. موديلاتها القديمه 2007 و 2008 و 2009 قبل ما البصمه المصريه تتحط عليها بعد كده و يشيلوا منها ال abs و خلافه

        يعنى تحط الصنى القديمه 2008 او 2009 فى كفه .. و تحط الصنى الجديده و اللوجان على بعض فى كفه .. كفه الصنى القديم حتكون اقضل من الاتنين على بعض

        Comment


        • #5
          بس كتالوجات مواصفات الاتنين مكتوب ان الصني طولها 4.42 م واللوجان 4.34 م يعني الفروق 8 سم بس !!!
          اللى يهمك اكتر هو .. المسافه بين محاور العجلات ( بيسموها .. طول قاعده العجلات ) .. موش الطول الكلى .. دى مواصفه بتتكتب ضمن المواصفات .. لو موش مكتوبه فى البروشور العربى .. ابحث عنها فى المواصفات الاجنبيه

          المسافه بين محاور العجلات هى اللى بيتبنى عليها الصالون بتاع العربيه

          لو ال 8 سم دول كلهم موجودين فى طول المسافه بين محاور العجلات .. حتبقى العربيه واسعه جدا من جوه

          زمان كانت مسافه 270 سم دى بتعتبر للعربيات اكبر من المتوسطه زى الكامرى و الكرسيدا و غيرها .. و 255 سم او 260 سم للعربيات الاصغر زى الكورولا مثلا

          دلوقتى العربيات الحجم الصغير المحترمه زى الكورولا و السيفيك .. اصبحم بيعطوا نفس الطول ده 270 سم برغم ان العربيه صغيره .. موش حتلاقى المسافه الكبيره دى الا فى العربيات الصغيره المحترمه كرولا سيفيك مثلا و العربيات الاخرى المماثله فى الثمن

          لكن حتلاقى عربيات حديثه كتير طولها الخارجى كبير بتعطى المقاسات الداخليه القديمه و اقل منها كما .. مثال على ذلك الصنى ال 2008 الشكل القديم المسافه هى 256 سم برغم ان العربيه طولها الخارجى الكلى كبير ( لان شكل العربيه ده من سنه 2001 .. يعنى تصميم قديم )

          اعتقد النيسان صنى الجديد قاعده عجلاته اطول قليلا من النيسان القديم لان الصالون اوسع .. اعتقد ممكن تكون 260 سم .. انت ابحث عن المواصفه الكامله فى النت

          لو فلوسك تسمح .. و السنترا لسه سعرها معقول ؟؟ يبقى خليك فى السنترا .. احسن الف مره من الصنى و اللوجان

          Comment


          • #6
            النيساان صنى .. طول قاعده العجلات ( Wheel Base ) هو 260 سم
            Discover Nissan Sunny specifications in Egypt, including engine options, trims, and features. Compare versions to find the perfect Sunny for your family.


            اللوجان .. طول قاعده العجلات ( Wheel Base ) هو 263 سم
            على فكره اتأكد بنفسك من اللوجان لانى لا اتابع الرينو نهائى
            RENAULT Logan (2014 - 2016)

            و برضه انتبه ان احيانا فى عربيات بتكون قاعده عجلاتها طويله و لكن التابلوه بيكون عريض جدا بيأخذ كتير من المساحه الداخليه

            حسب المقاسات فى الرابطين اللوجان اوسع ب 3 سم و اطول ب 3 سم .. لكن اتأكد بعينك على الطبيعه .. ايهما اوسع فى الحقيقه فعليا ( لاحظ التابلوه .. سمك الكراسى .. سمك فرش الابواب .. و تنفيخه الابواب )

            Comment


            • #7
              شكرا جزيلا للجميع على الردود.. معلومات قيمة.. بس انا لسه برضو محتار.. صاحبي عمل صيانة ال ٥٠٠٠ للصني في التوكيل ودفع ٤٠٠ ج بسوواحد تاني عمل صيانة ال ١٠ الاف للسانديرو (اخت اللوجات) ودفع ١١٠٠ج يعني صيانة الصني ارخص بكتير.. وده صحيح كويس بس مخوفني برضو

              Comment


              • #8
                احتمال الصني ما غيرش زيت في صيانة ال 5000 و ده لوحده مش اقل من 400 جنيه من غير مصنعية و لا فلتر.
                https://t.me/pump_upp

                Comment


                • #9
                  1) رينو أشترت نسيان في 1999 بعدما كانت نسيان - رينو تمتلك 36 % من نيسان و نيسان تمتلك 15 % فقط من رينو لأن نيسان كانت علي وشك الأفلاس و كانت رينو و مازالت من اكبر شركان صناعة السيارات في اوروبا

                  2) داتشيا كانت شركة رومانية تأسست بمعاونة رينو ثم أشترتها رينو بالكامل https://ar.wikipedia.org/wiki/%D8%AF...B3%D9%8A%D8%A7 و بالتالي عربيات داتشيا تحمل علامة رينو و علامة داتشيا بل أن اللوجان نفسها كانت تباع بعلامة نيسان و لادا !
                  3) معبيات اللوجان عالية جدا عالميا و لها مصانع في 5 دولا

                  طب واحد حيقولك الصني معبياتها عالية ! و أية يعني ؟؟؟ عربية زبالة زي الفيرنا ما معبياتها عالية و برضة عربية زبالة ! كم عربية صني و لا فيرنا أتصدروا لدول تانية ؟ و لا واحدة لية لأنها عربيات مش مستوفية معايير الأمان و الجودة ! طب هما ناجحين في مصر لية ؟ لأن معظم الناس تحب تركب عربية ب3 تعريفة و مش عايز تصرف علي العربية و مستعدة توفر علي حساب إمانها و سلامتها و سلامة غيرهم ! و الدليل أن شركة نسيان اتحولت للنيابة بسبب العيب المشهور و المستمر في الفرامل ! تخيل عربيات زيرو تتقلب و تعمل حوادث علشان الفرامل و لسه في ناس مستعدة ترمي نفسها إلي التهلكة علشان توفر 200 و لا 300 جنية كل 10 ألف كم ! و يجي و يقولك دي ياباني و دي فتيس CVVT طب يا سيدي روح قسم نيسان و شوف عيوب النسيان تفقيل بره مش التفقيل المصري !

                  و عموما النصحية التوفير مش معناها تخاطر بحياتك !

                  Comment


                  • #10
                    بسم الله الرحمن الرحيم

                    الزملاء الأفاضل

                    1 - كنت قد نشرت سابقآ تحذير من اللوجان و كتبت تفصيليآ العيوب التى وجدتها عندما قدت السياره بنفسى حتى وصلت لأقصى سرعه بالمحرك و التى كانت 155 كم/ساعه (اللوجان التى كنت أقودها كانت مانيوال)

                    2 - تكررت حوادث كسر المقص فى اللوجان بدون أى أسباب . . فى بداية الأمر كنت رافض التصديق . . و لكن مع تكرار الحادث و بنفس التفاصيل (كسر المقص بدون أى تدخل خارجى) صدقت

                    3 - النيسان صنى آدائها منخفض و لا أراها تستحق ثمنها.

                    4 - أنصح صاحب السؤال بأن يفكر فى إختيارات أخرى

                    هدى الله الجميه لأرشد أمرهم و أقومه

                    السلام عليكم ورحمة الله و بركاته
                    [RIGHT][FONT=Palatino Linotype][COLOR=Navy]بوركت مصر فلا أرانى بالغآ حق المديح و إن جهدت سبيلى
                    يا مــصــر يرعــاك الله كــما يرعى تنزيله مـن عابــث و دخيل[/COLOR]
                    [/FONT][/RIGHT]

                    Comment

                    Working...
                    X