لانسر شارك ولا بروتون جين 2

[eng.7055]

السلام عليكم يا شباب..
ممكن حد يدلني من أهل الخبره أيهما أفضل لانسر شارك أم بروتون جين 2.. وخصوصا رأيكم من كفاءة العفشه من حيث الارتفاع عن الأرض والحك في المطبات في حالة ركاب في الخلف.

ولو في اي موضوع مقارنه شامل بين الاتنين دول تحطولي رابط الموضوع لو سمحتم.

ولكم جزيل الشكر

[S O P H O S]

افضل الشارك بصراحة

[eng.7055]

هل تفضيل حضرتك للشارك عن تجربه ولا علشان شكلها

[megaarts]

الشارك هتبقي افضل من حيث الانتشار وسعر اعاده البيع وتوافر قطع الغيار بالرغم من قلتها لكن افضل من البروتون

[eng.7055]

طيب هل في واحده منهم اعلى على الارض من التانيه؟
ولو في حاجه غير الاتنين دول عفشتها اعلى عن الارض حضرتك تنصحني بيها؟

[د.هشام]

الشارك من أعلى العربيات السيدان عن الارض : 16.5 سم
الجين أوطى من الشارك تقريبا ب2 سم، بس مبتحكش في المطبات.
كمقارنة بين العربيات الجين تتفوق في بودي أقوى
بالنسبة للشارك تتفوق في موتور اقوى، تقفيل احسن، صالون اوسع، وأكثر اعتمادية

[hugan]

الشارك اكيد افضل بمراحل

[scientist9508]

بسم الله الرحمن الرحيم

الزميل الفاضل طالب النصح الرشيد

أرى أن لكل مميزات و عيوب

الشارك

1 - يجمع من إمتلك الشارك و من لم يمتلكها بأن آدائها قوى
2 - و لا يشكك أحد فى أن الشارك أكثر هدوء و سكون من البروتون

البروتون

1 - كل من إمتلك هذه الرائعه و كل من حظى بقيادتها شهد لها بأن لها ثبات ينافس به الألمانى
2 - قوة محركها هى أول ما تلاحظه فور بداية قيادتك لها

و لكن

1 - قطع غيار الشارك أغلى من البروتون
2 - تستطيع إجراء صيانات و تصليحات البروتون خارج التوكيل (إن أحببت) أما الشارك فلا أظن أن ذلك ممكن
3 - سعر إعادة البيع للشارك أفضل من البروتون

هناك عامل أخير يهمله كثير من الناس . . وهو العامل النفسى . . السياره التى تعشقها عينك . . السياره التى تشعر بالسعاده عندما تكون بداخلها . . لا نفع و لا جدوى أن تشترى سياره و أنت تتمنى لو أنك إشتريت غيرها

هداك الله لأرشد أمرك وأقومه

السلام عليكم ورحمة الله و بركاته

[juba8]

هل الاثنين نفس السعر؟؟؟؟؟؟

[foad amin]

البروتون
انا جربت الاتنين

[hanyyacot]

الاتنين يتميزوا بالقوة و الاعتمادية , الشارك صالون اوسع شوية , ثبات الجين 2 احسن بشويتين , صاج الجين 2 امتن كتير , الخامات الداخلية للاتنين مش اوى وان كانت خامات الشارك اسوأ , بس زى ما زميل لينا علق , هل لالاتنين ب نفس السعر , اعتقد فى فرق حوالى 25000 للشارك و لو فى فرق بينهم ماعتقدش انه يستاهل الرقم ده . يعنى ممكن توفر فلوس وتجيب الجين 2 بنفس كفاءة الشارك