فيات تمبرا ولا أكسيل

[HADEDA]

محتاج رأيكو بمقارنه وافية بين الفيات تمبرا وهيونداى أكسيل من حيث الصيانة وقطع الغيار ومدى توافرهالأن الاتنين فى نفس السعر تقريبا ومحتار جدا فى الإختيار
ملحوظه انا طالع من ١٣١ وعايز حاجه ناعمه ومكيفه فى حدود٣٠٠٠٠

[rotanamasoud]

انا معايا تمبرا لو محتاج اى سؤال معاك
بصفه عامه
عربيه واسعه جدا قدام وورا وشنطه وثابته وقويه وتقدر تجيب منها باوبشن حتى فتحه سقف
قطع غيارها عاديه وموجوده مفيش مشكله فيها (الاسكاتره هى اللى غاليه شويه 300 استعمال و1200 جديده على ما اتذكر)

[Mohamed Desoky]

السلام عليكم ورحمة الله وبركاته التمبرا افضل من الاكسيل

[J A G U A R]

الاسعار مش غاليه ومتقاربه
التيمبرا لو سليمه اكيد افضل

[HADEDA]

انا معايا تمبرا لو محتاج اى سؤال معاك
بصفه عامه
عربيه واسعه جدا قدام وورا وشنطه وثابته وقويه وتقدر تجيب منها باوبشن حتى فتحه سقف
قطع غيارها عاديه وموجوده مفيش مشكله فيها (الاسكاتره هى اللى غاليه شويه 300 استعمال و1200 جديده على ما اتذكر)

الحاجة الوحيدة أللى مقلقانى موضوع قطع الغيار سواء فى توافرها او سعرها يعنى مرة سمعت من واحد إنه مش لاقى وش فانوس أمامى وحساس الكرنك غالى شوية على العكس الأكسيل قطع غيارها محدش اشتكى منها هل الكلام ده صحيح؟؟

[rotanamasoud]

الحاجة الوحيدة أللى مقلقانى موضوع قطع الغيار سواء فى توافرها او سعرها يعنى مرة سمعت من واحد إنه مش لاقى وش فانوس أمامى وحساس الكرنك غالى شوية على العكس الأكسيل قطع غيارها محدش اشتكى منها هل الكلام ده صحيح؟؟

مفيش اى مشكله فى قطع الغيار انا قولتلك على اللى فيها غالى وهو الاسكاتره غير كده كل حاجه اسعارها عاديه ده عن تجربه مش بالسمع

[رامي مصطفى]

لو الاثنين نفس الحاله التيمبرا احسن بمرااااحل اجمل عربيه ركبتها بدون مبالغه كانت احسن من اللانوس ٢٠١٣ اللي جبتها بعدها.
بس تأكد من توافر قطع الغيار حواليك واسأل بنفسك عن اسعار الحاجات الاساسيه.بس تأكد من ان التكييف سليم لان لو فيه مشكله هيطلع عينك ومش هايتصلح لو قالك سليم وعايز شحن بس سيبك منها.واكشف عليها كويس.
الاكسيل تتفوق في سرعة اعادة البيع

بالتوفيق

[رامي مصطفى]

نسيت حاجه مهمه جدا
لو التكييف تاتش زراير يعني مش بكرات لازم تشغل التكييف وتجرب كل الزراير ضروري

[tasaka]

الاثنين كويسين

بس دى فيات و دى هونداى

عن نفسى .. افضل الاكسيل بمراحل لان قطع غياره معمره .. و العربيه ممتازه جدا و بسيطه بدون تعقيدات

الفيات كل شهرين ثلاثه عايز تغيير قطع غيار

[HADEDA]

نسيت حاجه مهمه جدا
لو التكييف تاتش زراير يعني مش بكرات لازم تشغل التكييف وتجرب كل الزراير ضروري

تمام متشكر جدا على النصايح والاراء المحترمة أنا فعلا اقتنعت بالتمبرا
وكده بقى نبدأ رحلة البحث عن حاجة نضيفة ولو حد قدامة حاجه حلوة يقولى