محتاجة مساعدة من الناس الخبرة بالسيارات

[هندزادة]

السلام عليكم
انا متابعة المنتدى من فترة وبستفيد من رأي الناس هنا جدا بس محتارة جدا ومحتاجة مساعدتكوا في الاختيار ، انا اتعلمت السواقة قريب وبإذن الله عايزة اشتري عربية مستعملة سعرها مبيزدش عن أواخر التلاتينات كده ، بقارن بين الفيات أونو والسكودا فيليشيا بس مقلقني منهم موديلاتهم القديمة وممكن يتعبوني وأنا لسه مبتدأه وكمان بفكر في سوزوكي ألتو أو الماروتي بما إنهم موديلات أحدث ممكن أعطالها تكون أقل وإمكانياتها أحسن بس أغلى شوية وكمان محتاجة تكييف بس هل لما العربية بتكون 800 cc التكييف كفاءته بتكون مش كويسة وزي عدمه؟؟ يا ريت تنصحوني بالأنسب والأريح عشان تعبت من كتر التفكير وشكراً مقدماً لتعاونكوا

[S O P H O S]

السوزوكي افضل وانسب
لانها هتكون موديل حديث وصغيرة
افضل من القديم الي هيكون متهالك فالغالب

[هندزادة]

شكراُ للرد :) انا فعلاً أميل للسوزوكي

[amr011111]

سوزوكى لحداثة الموديل.

[J A G U A R]

سوزوكي اكيد أحسنلك واريحلك
والتكييف مع ماتور 800cc هيأثر مع سحب وعزم الماتور

[scientist9508]

بسم الله الرحمن الرحيم

الزميله الفاضله هند

أنا من ملاك السوزوكى ماروتى و أخبرك أنها سياره ممتازه لو عرفت كيفية التعامل مع السوزوكى بصفه عامه. أما عن تركيب مكيف هواء فى الماروتى فلا أنصحك بهذا أبدآ . . لا محرك الماروتى و لا ضفيرة الكهرباء تحتمل مكيف هواء . . أنا لا تواتينى الشجاعه لأركبه فى سيارتى و قد إشتريتها جديده فما بالك و أنت تفركين فى تركيبه فى سياره مستعمله.

الماروتى أو الألتو ستكون حل أفضل من باقى الإختيارات وأعطال أقل و لكن إنتقى بعنايه

هداك الله لأرشد أمرك و أقومه

السلام عليكم ورحمة الله و بركاته

[lancer06]

الماروتى كويسه لكن ليها عيوب
ضيقه وصاج ضعيف ومفيش مكيف
لكن فى المقابل اقتصاديه فى البنزين وقطع الغيار
دخلى فى الاختيار سبيرانزا a113
وبردو موديل حديث
مكيفه وواسعه وباور وشكل احلى
وصينى من هندى مرحناش بعيد

[m-sabry]

السوزوكي افضل طبعا ﻻن الموديل اﻻحدث افضل..
انا عندي ماروتي 2008 وماشاء الله ﻻ قوة اﻻ بالله مريحاني جدا.. بتشم البنزين.. التنك كله بيتفول ب 55ج او اقل ويقعد معاكي اسبوع مثﻻ !!
فيه ناس بيركبولها تكييف.. انا سألت محل وقالولي انهم بيغيروا حاجات فيها علشان تستحمل التكييف.. بس بيتكلف ممكن 2500 او 3000 مثﻻ
اﻻلتو فيها تكييف راكب فيها.. بس اغلى شوية
ربنا يوفقك للي فيه الخير ان شاء الله

[هندزادة]

ربنا يكرمك شكرا لردك

السوزوكي افضل طبعا ﻻن الموديل اﻻحدث افضل..
انا عندي ماروتي 2008 وماشاء الله ﻻ قوة اﻻ بالله مريحاني جدا.. بتشم البنزين.. التنك كله بيتفول ب 55ج او اقل ويقعد معاكي اسبوع مثﻻ !!
فيه ناس بيركبولها تكييف.. انا سألت محل وقالولي انهم بيغيروا حاجات فيها علشان تستحمل التكييف.. بس بيتكلف ممكن 2500 او 3000 مثﻻ
اﻻلتو فيها تكييف راكب فيها.. بس اغلى شوية
ربنا يوفقك للي فيه الخير ان شاء الله

[m-sabry]

ال سبيرانزا a113 كويسة برضو بس اغلى طبعا وكان ليا واحد صاحبي جايبها زيرو من كام سنة وباعها بالخسارة بعد ما اتخبطت علشان قعد شهور مش ﻻقي قطعة غيار (مش فاكر رفرف وﻻ ايه.. حاجة في الصاج كده) التوكيل كان بيقوله مش موجود !!!!!

[m-sabry]

ال سبيرانزا a113 كويسة برضو بس اغلى طبعا وكان ليا واحد صاحبي جايبها زيرو من كام سنة وباعها بالخسارة بعد ما اتخبطت علشان قعد شهور مش ﻻقي قطعة غيار (مش فاكر رفرف وﻻ ايه.. حاجة في الصاج كده) التوكيل كان بيقوله مش موجود !!!!!

نسيت اقولك.. بالنسبة للماروتي انا شخصيا مش خبير بس اصحابي الخبراء دايمل يقولولي اﻻفضل متركبش للعربية اوبشن مكنش نازل فيها ﻻنها مش مصممة لتحمله..
بس زي ما بقولك انا لما سألت بتاع التكييف قالي انه بيغيرلها حاجات كتير علشان تتحمل التكييف.. تقريبا حاجة اسمها السربنتينا وحاجات في الكهربا
..
لكن اللي انا مستغرب منه هو ان الماروتي فيها فتحات تكييف !! وزراير وبكر للتكييف !!! وبكرة ساقع/ساخن وبكرة سرعات مروحة تكييف !!!!!!
انا بتكلم على الماروتي 2008 اللي عندي.. فياترى ممكن تكون متصممة بحيث يكون فيها تكييف او تتحمل تركيب تكييف بس هما مثﻻ مبيركبوش تكييف لتقليل تكلفتها او علشان يضمنوا يبيعوا اﻻلتو ؟ اصل هي واﻻلتو تقريبا واحد مع فرق التكييف..
بصراحة مش عارف ومستغرب .. ياريت لو حد عنده معلومة يقولنا..

هي بصراحة عربية حلوة جدا جدا ..

[هندزادة]

شكرا لردك فعلا انا كنت بفكر برضه في اسبيرنزا a113 وكيا برايد الهاتشباك

الماروتى كويسه لكن ليها عيوب
ضيقه وصاج ضعيف ومفيش مكيف
لكن فى المقابل اقتصاديه فى البنزين وقطع الغيار
دخلى فى الاختيار سبيرانزا a113
وبردو موديل حديث
مكيفه وواسعه وباور وشكل احلى
وصينى من هندى مرحناش بعيد

[هندزادة]

شكراً لردودكم جميعاً .. ربنا يبارك فيكم .. بس معلش سؤال هي في سوزوكي ألتو 1100 cc بس موديل كام بالضبط ؟؟ افيدوني وجزاكم الله كل خير

[lancer06]

ال سبيرانزا a113 كويسة برضو بس اغلى طبعا وكان ليا واحد صاحبي جايبها زيرو من كام سنة وباعها بالخسارة بعد ما اتخبطت علشان قعد شهور مش ﻻقي قطعة غيار (مش فاكر رفرف وﻻ ايه.. حاجة في الصاج كده) التوكيل كان بيقوله مش موجود !!!!!

نسيت اقولك.. بالنسبة للماروتي انا شخصيا مش خبير بس اصحابي الخبراء دايمل يقولولي اﻻفضل متركبش للعربية اوبشن مكنش نازل فيها ﻻنها مش مصممة لتحمله..
بس زي ما بقولك انا لما سألت بتاع التكييف قالي انه بيغيرلها حاجات كتير علشان تتحمل التكييف.. تقريبا حاجة اسمها السربنتينا وحاجات في الكهربا
..
لكن اللي انا مستغرب منه هو ان الماروتي فيها فتحات تكييف !! وزراير وبكر للتكييف !!! وبكرة ساقع/ساخن وبكرة سرعات مروحة تكييف !!!!!!
انا بتكلم على الماروتي 2008 اللي عندي.. فياترى ممكن تكون متصممة بحيث يكون فيها تكييف او تتحمل تركيب تكييف بس هما مثﻻ مبيركبوش تكييف لتقليل تكلفتها او علشان يضمنوا يبيعوا اﻻلتو ؟ اصل هي واﻻلتو تقريبا واحد مع فرق التكييف..
بصراحة مش عارف ومستغرب .. ياريت لو حد عنده معلومة يقولنا..

هي بصراحة عربية حلوة جدا جدا ..

اسمحلى بمداخله
سبيرانزا a113 بتنزل مصر من ٢٠٠٧
اول اصدار ليها كان بيتجمع فى الصين ومن بدايه ٢٠٠٨ بدأو يجمعوها هنا فى مصر عربيه بقالها ٩ سنين وتجميعها هنا ازاى ميبقاش قى قطع غيار ؟؟؟