اوبترا ٢٠١٧ هاى لاين ولا صني الشكل الجديد سوبر صالون

[linux1man]

السلام عليكم ورحمة الله وبركاته

كل عام وانتم بخير جميعاً , أعاد الله عليكم الايام الكريمة بالخير واليمن والبركات
حالياً محتار ما بين سيارتين

نيو اوبترا ٢٠١٧ مع العلم انى عارف انها صينى تقفيل مصرى بس كل اللى اشتراها بيشكر فيها جداً
و النبسان صني سوبر صالون

الاتنين فى نفس السعر تقريباً وأنا فى حيرة من امرى بعد مرور حوالى ٦ سنين على سرقة سيارتى
فى الوقت الحالى محتاج عربية فى الحدود دي و بعد لف كتير حسيت ان دول افضل خيارين بعد استبعاد الاليزيه لارتفاع سعرها ل ١٦٠ الف حالياً وبقت اكتر من الميزانيه

محتاج ارائكم و نصائحكم

وشكراً

[scientist9508]

بسم الله الرحمن الرحيم

الزميل المحترم linux1man

كلامك صحيح فيما يخص الأوبترا الجديده . . هذه السياره صينية التصميم و التصنيع بالكامل و لا علاقة لشيفروليه بها تمامآ. هذه السياره ماركة باوجن و إسم الموديل 630 يمكنك تعلم المزيد عن هذه السياره من الرابط الآتى

https://en.wikipedia.org/wiki/Baojun_630

و مع كل ذلط إلا أن كل من إشترى هذه السياره يشكر فيها شكرآ وفيرآ . . . و عندى رأى و وجهة نظر خاصه بى . .أنا أرى أن النسخه المصرى أفضل من الصينى و ذلك لأن بها رفاهيات ممتعه جدآ جدآ ليست موجوده فى النسخه الصينى . . أما عن التقفيل فلا توجد فروق ضخمه و كبيره بين التقفيل الصينى و التقفيل المصرى.

النيسان صنى (النسخه الجديده المعدله) إختيار موفق أيضآ . . . و أرى أن السيارتين متساويتين فى كثير من عناصر المقارنه.

1 - كلاهما لهما وكيل فاشل . . إلا أن نيسان تتفوق على الأوبترا فى وجود مركز خدمه خارج الوكيل و ذلك لأنها قديمه فى السوق بخلاف الأوبترا فهى حديثه

2 - أرى أن الرفاهيات الممتعه فى الأوبترا المصرى أكثر من الصنى

3 - إن كنت ستشترى الصنى فأنصحك أن تشترى أعلى فئه فيها لأن الفئات الأدنى قليله فى الرفاهيات و شكل التابلوه فيها قديم و سقيم

أنصحك بأن تجلس داخل كلاهما و تنظر فى لتتبين فى أيهما شعرت براحه أكبر

هداك الله لأرشد أمرك و أقومه

السلام عليكم و رحمة الله و بركاته

[abo_salah]

انا لو مكانك هاجيب الصني
معروفه ومنتشره في مصر م في 100000 مركز صيانه ليها
منتشره اكتر من الاوبترا
فيها ريحه الياباني
يعني مكونات ياباني وتقفيل مصري اعتقد
الملاحظه الوحيده اللي علي الصني ان الصاج بتاعها خفيف ...
يعني لو حد فكر يريح علي العربيه هاتلاقي الصاج مطبق
الاوبترا انشف بكتير منها
بس انا اشتري الصني عشان انعم
واوبشن كويس
وصالون اوسع بكتييير
والصيانه بتاعتها اعتقد اسهل
بالنسبه للصيانه انا كنت روحت مره فرع ابو رواش في صيانه 5 الاف كم للشكل الجديد 2016
بصراحه الناس محترمين جددااااااا هناك وفوق الوصف
والمكان جميل جدا
والتعامل مع العميل باحترام
وحضرتك بتقدر تشوف العربيه طول فتره الصيانه وتتابع مع المهندس

ممكن حضرتك تكون شايف ان الاوبترا احسن عشان اوبشن اعلي ...
بس لو بصيت للي منتشر في البلد .. الصني اكتر بكتييير

[m-sabry]

السلام عليكم وكل عام وانتم خبير..كل الاحترام للاخوة الاعضاء وآراءهم المحترمة.. بس انا عاوز انقل لك تجربتي الشخصية والاختيار لك:

انا قضيت شهرين محتار زيك و بدور على عربية في حدود 150 الف تقريباً وبقارن وأدور وأسأل وزهقت الناس هنا في المنتدى وزهقت أصحابي وجيراني من كتر الأسئلة علشان اعرف الفرق التفصيلي بين النيسان صني (أعلى فئة) والرينو لوجان (أعلى فئة بالنافيجيتور) والشيري تيجو وشيفروليه اوبترا الجديدة.. وفي النهاية انا شخصياً اخترت الاوبترا الجديدة (التجميع المصري مش المستوردة من الصين).. الحجز من التوكيل أفضل لأن سعرها الحالي 140 الف وإستلام خلال 45 يوم (والحقيقة خلال اسبوعين تلاتة ان شاء الله) وهتكون موديل 2017.. ممكن تزود 5 آلاف وتستلمها فوري من اي موزع لكن هتكون موديل2016 ..

العربية دي غلبت الكل من وجهة نظري وعندي أسبابي.. انا اعرف اللي اشترى الصني والستيب واي (اللي هي نسخة من اللوجان) وبيندموا ومنهم اللي بيدور يبيعها بعد شراءها باسبوعين !!! فيه طبعاً ناس مبسوطين منهم وبيشكروا كمان لكن إقرأ المقارنة دي اللي تعتبر خلاصة مجهود شهرين مني ويارب تفيدك وربنا يوفقك لأفضل اختيار حتى لو كان حاجة تانية..

مقارنة بين النيسان صني (أعلى فئة) ورينو لوجان (أعلى فئة بالنافيجيتو) وشيفروليه اوبترا الجديدة (اللي بدأ تجميعا في مصر في ابريل 2016 تقريبا)

بالنسبة للصني أعلى فئة:

مزاياها:
سمارت كي (مفتاح ذكي) يعني تدور العربية من زرار start/stop engine والمفتاح في الميدالية في جيبك
- طي المرايات الجانبية كهربائيا (بس دي ميزة وعيب لان لو سايس قفلهالك بإيده هيكسرها او يبوظها وتبقى مصيبة)
- تكييف تاتش
- صالون واسع جداً (بس باقي العربيات مش ضيقة.. مش فارقة كتير يعني)
- فتحة تكييف للكنبة الخلفية بمروحة سرعتين (بس تكييف الصني اساسا ضعيف)
- زجاج فاميه خلفي (بس موجود برضو في الاوبترا)
- مسند يد بالكنبة الخلفية: الكرسي الاوسط يمكن طيه ليتحول لمسند يد به حامل لكوبين من المشروبات (بس ده موجود في الاوبترا ومش موجود في اللوجان)
- قطع الغيار الاساسية منتشرة وسعرها معقول لان العربية بقالها سنين في السوق (بس فيه طبعاً تغيير بسيط.. الفوانيس شكلها اتغير مثلاً)


عيوبها:
- صاجها ورق (كل العربيات صاجها ضعيف صحيح بس الصني أضعفهم على الاطلاق... سمك الصاج حاجة تقرف)
- صحيح بيقولوا ان مشكلة الطنابير والفرامل بتاعة 2015 اتحلت بس بسمع ان فيه ناس تانية ظهرت عندهم والله اعلم
- أسوأ توكيل في العالم من وجهة نظري.. (كل التوكيلات ممكن تستهبل في تصليح عيب صناعة لشخص معين .. عربية او اتنين او عشرة مثلاً لكن توكيل نيسان كان بيستهبل في أسطول كامل من العربيات اللي كان فيها مشكلة الفرامل وكانوا بيتهربوا من المسئولية ومش عاوزين يعترفوا بالمشكلة).. حتى نيسان قشقاي الجديدة فيها مشكلة في الفتيس ومش سائلين في العملاء .. من الآخر اكتر توكيل عليه أحكام وسوابق وقضايا في المحاكم وحماية المستلهك.. واكتر توكيل معموله جروبات للمتضريين منه للمطالبة بحقهم..
شكلها لسه وحش من ورا (حسنوا شكلها من ادام بس لسه وحش من ورا..تحسها واخدة شالوت) بس دي طبعاً أزواق

بالنسبة للوجان:
مزاياها:
- موتورها 1600 (الاوبترا والصني موتورهم 1500.. بس قوة موتورهم والعزم تقريبا هو هو.. فرق بسيط اوي .. بالعكس المواتير ال 1500 يمكن توفر شوية في البنزين)
- فيها مثبت ومحدد سرعة (وده هيريحيك اوي في السفر.. اما لو مكنتش بتسافر كتير مش هيفرق معاك.. خصوصاً انه بيفصل اول ما تدوس على الفرامل او البنزين.. وهتحتاج تشغله تاني ساعتها).. باختصار يعني مش مهم اوي في القيادة داخل المدن.. ده حتى الدادائري بتاعنا مش هتقدر تشغله عليه
- أكبر شنطة 510 لتر (لكن الفرق مش كبير... الصني 490 والاوبترا 480.. يعني تقريبا زي بعض)
- جودة عالية (لكن هتتفاجيء لما تقارنها بالاوبترا.. إنبهارك بيها هيروح وهتلاقي الاوتبرا جنبها جوهرة بتلمع.. زي ما تقارن الدهب بالماس.. اللوجان حلوة بس الاوبترا تحفة)
فيها كاسيت بشاشة ونافيجيتور (دي اعلى فئة..بس اي عربية ممكن في المستقبل تركبلها كاسيت فيه نافيجيتور عادي يعني)
- عالية عن الارض (لكن ده يعتبر ميزة وعيب لأنها مش عربية كبيرة suv لا دي عربية صغيرة سيدان وارتفاعها هيقلل من ثباتها.. رغم ان اللي معاهم مش بيتشتكوا من ثباتها لكن بالعقل كده الارتفاع مبالغ فيه فعلاً وكان المقصود انها تبقى مناسبة لمصر وده فعلاً شيء كويس في السرعة البطيئة لكن فعلاً بيأثر على الثبات على السرعات العالية لأن حجم العربية صغير.. وفيه ناس بعد ما بتجيبها بتعدل العربية علشان توطيها شوية!! هتلاقي النت مليان مواضيع عن كده)

عيوبها:
- فتيسها 4 سرعات (صوته بيعلى على السرعات العالية لأن الفتيس جاب الرابع ومفيش غيارات تاني) اما الاوبترا ففتيسها 6 سرعات
- سحبها وحش لحد 60 كم/ساعة.. واعرف ناس بتحاول تبيعها علشان كده!!
- مفيهاش سمارت كي زي الصني (بس بصراحة تغور الصني بمشاكلها)
- مفيهاش زجاج فاميه (مش هتفرق مع البعض) لكن الاوبترا والصني فيهم زجاج فاميه خلفي
- مفيهاش فتحة سقف (الأوبترا فيها فتحة سقف وكمان التحكم فيها الكترونياً)
- مفيهاش مسند يد بالكنبة الخلفية

بالنسبة للاوبترا الجديدة (التقفيل المصري):
مزاياها:
- فئة واحدة هاي لاين فيها تقريبا معظم الاوبشنز اللي في أعلى فئة من كل العربيات المنافسة (مش عاملينها فئات لإستغلال المشتري ورفع السعر مقابل بعض الكماليات تحت اسم فئة اولى وتانية وتالتة.. إلخ)
- فخمة جداً من الداخل والخارج: شكل خارجي رائع وتقفيل وعزل ممتاز وفرش جلد وتابلوه فخم فعلاً (تحس إنك راكب نسخة من الكروز)
- فيها فتيس 6 سرعات (وده بيوفر بنزين ويخلي صوت الموتور منخفض حتى على السرعات العالية)
- موتورها صحيح 1500 بس قوته 110 حصان وعزمه شديد زيه زي مواتير ال 1600 (يعني هيوفر بنزين وكمان بنقس القوة)
- فيها فتحة سقف والتحكم فيها الكتروني كمان (والاوبشن ده تحفة بجد..بيحسسك بالفخامة)
- تكييفها أفضل من اللوجان والصني
- شنطتها كبيرة (تقريبا 480 لتر)
- مسند يد بالكنبة الخلفية: الكرسي الاوسط يمكن طيه ليتحول لمسند يد به حامل لكوبين من المشروبات (بس ده موجود في الصني ومش موجود في اللوجان)

عيوبها:
- البعض بيعتبر من عيوبها ان معظم مكوناتها مصنوعة في مصنع جينيرال موتورز بالصين وبعضها مصري وبعضها كوري.. وبتتجمع في مصر.. لكن أقسم بالله انا لما ركبتها حسيت بفرق شاسع في الفخامة بينها وبين اللوجان اللي تقفيلها مغربي.. والله قلت لنفسي هشتريها حتى لو كانت صيني صيني ماركة جاكي شان او بينج بونج :) .. أركب اللوجان واركب الاوبترا وانت تفهم انا اقصد ايه.. مش هتصدق فرق الفخامة والرفاهية.
- مفيهاش مثبت سرعة (بس ده برضو مش موجود في الصني.. ومش مهم غير في السفر.. واعرف ناس كتير عندهم ومش بيستخدموه اساسا)
باختصار هتلاقي فيها كل ما تتخيله من مواصفات وكماليات وبأفضل سعر وجودة عالية لم أكن انا شخصياً أتوقعها لحد ما شفتها بعيني..

بس أقولك فكرة أحسن وان شاء الله هتدعيلي لو عملت الفكرة دي؟؟ روح الشيخ زايد.. على المحور من بره.. بعد هايبر وان على طول.. هتلاقي توكيلات نيسان ورينو وشيفروليه.. التلاتة لازقين في بعض !!! .. ادخلهم واحد واحد واركب الصني واللوجان وخلي الأوبترا للآخر علشان هتنبهر !! مش هتصدق نفسك... هتحس بفخامة وجودة واوبشنز عالية جداً ..

انا بعد ما كنت هجيب اللوجان خلاص لما شفت الاوبترا وركبت الاتنين ورا بعض زي ما بقولك حسيت ان مفيش وجه للمقارنة.. حسيت ان اللوجان (اللي كنت شايفها عربية تحفة وفاكر انها فخمة) لما ركبت الاوبترا بعدها بنص دقيقة حسيت ان اللوجان جنبها عاملة زي اللانوس !!!!
انا نفسي انبهرت ومكنتش مصدق الفخامة والاوبشنز العالية.. فتحة سقف الكترونية وفتيس 6 سرعات وزجاج فاميه... تحس انك راكب نسخة من الكروز... وب 140 ألف بس.. بس خلي بالك ان سعرها غلي من 8 ايام بعد ما كان 137.. بسبب زيادة الطلب عليها..
وزي ما اللوجان ملت الشوارع الفترة اللي فاتت هتشوف الايام الجاية الاوبترا هتعمل ايه... بدأت فعلاً تغرق الشوارع..
صدقني انا قبل ما اشوفها قلت لنفسي اكيد مش هجيبها دي صيني بس بعد ما شفتها وقعدت في اللوجان قبلها وبعدين قعدت فيها (توكيل رينو وشيفروليه لازقين في بعض في الشيخ زايد) قلت لنفسي انا هجيب العربية دي حتى لو كانت مش شيفروليه (حتى لو كانت ماركة صيني صيني ماركة جاكي شان او بينج بونج مثلاً).. بس يارب ألحق قبل ما سعرها يغلى تاني..

وبصفة عامة إلحق اشتري بسرعة لأن الأسعار غالبا هتغلى قبل نهاية رمضان..كل السيارات.. وده خبر شبه اكيد والله اعلم..

وأخيراً متنساش ان العربية اللي مناسبة لشخص ممكن متكونش مناسبة لشخص آخر (شاب غير رب أسرة..إلخ) علشان كده انصحك بالإستخارة وإستشارة آخرين..

ملحوظة أخيرة: انا فكرت أعصر نفسي واطلع 15 او 20 الف كمان (كده كده انا سالف فلوس) واشوف عربية تانية بس لقيت العربيات اللي في السعر ده برضو مش هتفرق كتير.. هتزنقني فلوس وكمان مش هتكون أعلى فئة وهيكون ناقصها أوبشنز مهمة.. فقلت ملهاش لزمة خليني في اللي على ادي ..سعرها كويس وهاي لاين فيها كل الاوبشنز..

الرد على موضوع ان الاوبترا صيني:
معظم الشركات متعددة الجنسيات (Multinationals) في العالم كله لجأت في السنين الأخيرة لفتح مصانع في الصين بهدف تقليل تكلفة التصنيع والإستفادة من توافر الأيدي العاملة الرخصية و التكنولوجيا.. بص لجيب حضرتك هتلاقي فيه موبايل سامسونج.. سامسونج مثلاً فتحت مصنع في الصين وبقت تنتج من هناك.. بس طبعاً عندهم إدارت للرقابة على الجودة Quality Control وتأكيد الجودة Quality Assurance للحفاظ على سمعة العلامة التجارية.. علشان كده كتير مننا بيشتري موبايلات سامسونج وغيرها ومبيهتمش هي مصنوعة فين وده بسبب ثقته في اسم سامسونج..

ولو جينا للحق بأه ففيه شركات صيني صرف (صيني صيني يعني مش مالتي ناشيونال) منتجاتها أفضل من الشركات العالمية المنافسة... زي شركة هواوي للموبايلات مثلاً. موبايلات وتابلت هواوي أفضل 100 مرة من سامسونج...

يعني من الآخر المشكلة مش ان المنتج صيني ولا اوروبي... المشكلة في الجودة والرقابة على الجودة والرقابة على الواردات واننا في بلد زي مصر محتاجين بجد نحط ونفعل مواصفات جودة لازم تكون في العربيات المستوردة وإلا يتم رفض دخولها البلاد (لو كانت تأثر على سلامة الركاب) اما لو فرق الجودة في أمور غير هامة او كماليات فممكن السماح بيها بهدف وجود تنوع وكل واحد يشتري اللي على اد فلوسه (طالما مش حاجة خطيرة تأثر على السلامة)

ده رأيي الشخصي في موضوع صيني ده.. بس بصراحة مكنتش مقتنع بيه اوي قبل ما اشوف الاوبترا الجديدة.. كان وجهة نظري عن الصيني ان معظمها عربيات رديئة.. لحد ما شفت الاوبترا الجديدة وحسيت بالجودة العالية والفخامة اللي بجد خليتني أعيد النظر وأتأكد ان الكويس موجود والوحش موجود.. حتى اللي مش صيني فيه منه الكويس والوحش.

اوخيراً أنصحك كمان لازم تقرأ الموضوع ده هيفيدك اوي ان شاء الله:
http://www.nilemotors.net/Nile/329150-a.html (عايز تشتري عربية ومحتار؟؟؟؟ تعالى أقوللك إزاي تختار)

وربنا يكتبلك اللي فيه الخير
تحياتي

[linux1man]

بسم الله الرحمن الرحيم

الزميل المحترم linux1man

كلامك صحيح فيما يخص الأوبترا الجديده . . هذه السياره صينية التصميم و التصنيع بالكامل و لا علاقة لشيفروليه بها تمامآ. هذه السياره ماركة باوجن و إسم الموديل 630 يمكنك تعلم المزيد عن هذه السياره من الرابط الآتى

https://en.wikipedia.org/wiki/baojun_630

و مع كل ذلط إلا أن كل من إشترى هذه السياره يشكر فيها شكرآ وفيرآ . . . و عندى رأى و وجهة نظر خاصه بى . .أنا أرى أن النسخه المصرى أفضل من الصينى و ذلك لأن بها رفاهيات ممتعه جدآ جدآ ليست موجوده فى النسخه الصينى . . أما عن التقفيل فلا توجد فروق ضخمه و كبيره بين التقفيل الصينى و التقفيل المصرى.

النيسان صنى (النسخه الجديده المعدله) إختيار موفق أيضآ . . . و أرى أن السيارتين متساويتين فى كثير من عناصر المقارنه.

1 - كلاهما لهما وكيل فاشل . . إلا أن نيسان تتفوق على الأوبترا فى وجود مركز خدمه خارج الوكيل و ذلك لأنها قديمه فى السوق بخلاف الأوبترا فهى حديثه

2 - أرى أن الرفاهيات الممتعه فى الأوبترا المصرى أكثر من الصنى

3 - إن كنت ستشترى الصنى فأنصحك أن تشترى أعلى فئه فيها لأن الفئات الأدنى قليله فى الرفاهيات و شكل التابلوه فيها قديم و سقيم

أنصحك بأن تجلس داخل كلاهما و تنظر فى لتتبين فى أيهما شعرت براحه أكبر

هداك الله لأرشد أمرك و أقومه

السلام عليكم و رحمة الله و بركاته

الخوف كل الخوف من التوكيل بس للاسف مع الزيادة التى لا تصدق فى الاسعار وضعونا فى موقف لا نحسد عليه
اتذكر من عام كان مبلغ ال ١٥٠ الف متاح العديد من السيارات التى اصبح الان اسعارها فوق ال ٢٥٠ الف

السؤال الاهم هل هقدر استغنى عن منصور فى حال حصل اى مشكلة لا فدر الله ولا لاء

شكراً

[m-sabry]

تكملة للمقارنة نسيت أقول الآتي:

من مزايا الاوبترا أيضاً:
- الاوبترا فيها نظام الثبات/الاتزان الالكتروني esp (بالإضافة طبعاً لنظام منع إنغلاق الفرامل abs ونظام توزيع قوة الفرامل ebd الموجودين في باقي العربيات) مش متأكد بصراحة اذا كان موجود برضو في النيسان صني ولا لأ.. بس على حد علمي انه مش موجود في اللوجان

- اكبر خزان وقود بسعة 54 لتر (اللوجان 50 والصني 41)

- 6 سماعات للكاسيت مش 4

-فيها فتحة usb (لشحن الموبايل) في ظهر مسند اليد الأمامي (بحيث يستخدمه اللي قاعدين في الكنبة الخلفية)

- أقصى عزم للموتور 146 نيوتن وقوته 110 حصان رغم انه 1500 سي سي (أقصى عزم لموتور اللوجان ال 1600 سي سي هو 148 نيوتن وقوته برضو 110 حصان والنيسان ال 1500 سي سي هو 134 نيوتن وقوته 108 حصان) يعني بيدي نفس قوة موتور اللوجان ويوفر في البنزين

- نظام باور الدركسيون الكتروني في الاوبترا والصني (بس بصراحة انا مش متأكد من المعلومة دي) أما اللوجان هيدروليك (وده أكيد شفته بعيني) - بس بصراحة برضو انا مش حاسس انها مشكلة اوي لكن العالم كله بيغير من الهيدروليك للالكتروني

من مزايا اللوجان:
كاسيت اللوجان فيه بلوتوث.. والاوبترا مفيهوش. بس طبعاً كاسيت الاوبترا فيه فتحات usb و aux.. وان كان انا عندي في العربية كاسيت بلوتوث ونادراً ما بستخدمه.. عادة بستخدم الهيد فونز بتاعة الموبايل نفسه.. بس دي طبعاً أزواق

من عيوب الصني:
- الأكثر استهلاكاً للوقود

[linux1man]

انا لو مكانك هاجيب الصني
معروفه ومنتشره في مصر م في 100000 مركز صيانه ليها
منتشره اكتر من الاوبترا
فيها ريحه الياباني
يعني مكونات ياباني وتقفيل مصري اعتقد
الملاحظه الوحيده اللي علي الصني ان الصاج بتاعها خفيف ...
يعني لو حد فكر يريح علي العربيه هاتلاقي الصاج مطبق
الاوبترا انشف بكتير منها
بس انا اشتري الصني عشان انعم
واوبشن كويس
وصالون اوسع بكتييير
والصيانه بتاعتها اعتقد اسهل
بالنسبه للصيانه انا كنت روحت مره فرع ابو رواش في صيانه 5 الاف كم للشكل الجديد 2016
بصراحه الناس محترمين جددااااااا هناك وفوق الوصف
والمكان جميل جدا
والتعامل مع العميل باحترام
وحضرتك بتقدر تشوف العربيه طول فتره الصيانه وتتابع مع المهندس

ممكن حضرتك تكون شايف ان الاوبترا احسن عشان اوبشن اعلي ...
بس لو بصيت للي منتشر في البلد .. الصني اكتر بكتييير

فكر المنتشر افضل وقعني فى مأزق الفرنا من قبل و اخشى تكرار نفس التجربة
لكن انا فى مربع مغلق لارتفاع الاسعار وقلة السيارات المقارنه

واشكرك على المساعدة كل عام وانت بخير

[linux1man]

:y_hi_3[1]: السلام عليكم وكل عام وانتم خبير..كل الاحترام للاخوة الاعضاء وآراءهم المحترمة.. بس انا عاوز انقل لك تجربتي الشخصية والاختيار لك:

انا قضيت شهرين محتار زيك و بدور على عربية في حدود 150 الف تقريباً وبقارن وأدور وأسأل وزهقت الناس هنا في المنتدى وزهقت أصحابي وجيراني من كتر الأسئلة علشان اعرف الفرق التفصيلي بين النيسان صني (أعلى فئة) والرينو لوجان (أعلى فئة بالنافيجيتور) والشيري تيجو وشيفروليه اوبترا الجديدة.. وفي النهاية انا شخصياً اخترت الاوبترا الجديدة (التجميع المصري مش المستوردة من الصين).. الحجز من التوكيل أفضل لأن سعرها الحالي 140 الف وإستلام خلال 45 يوم (والحقيقة خلال اسبوعين تلاتة ان شاء الله) وهتكون موديل 2017.. ممكن تزود 5 آلاف وتستلمها فوري من اي موزع لكن هتكون موديل2016 ..

العربية دي غلبت الكل من وجهة نظري وعندي أسبابي.. انا اعرف اللي اشترى الصني والستيب واي (اللي هي نسخة من اللوجان) وبيندموا ومنهم اللي بيدور يبيعها بعد شراءها باسبوعين !!! فيه طبعاً ناس مبسوطين منهم وبيشكروا كمان لكن إقرأ المقارنة دي اللي تعتبر خلاصة مجهود شهرين مني ويارب تفيدك وربنا يوفقك لأفضل اختيار حتى لو كان حاجة تانية..

مقارنة بين النيسان صني (أعلى فئة) ورينو لوجان (أعلى فئة بالنافيجيتو) وشيفروليه اوبترا الجديدة (اللي بدأ تجميعا في مصر في ابريل 2016 تقريبا)

بالنسبة للصني أعلى فئة:

مزاياها:
سمارت كي (مفتاح ذكي) يعني تدور العربية من زرار start/stop engine والمفتاح في الميدالية في جيبك
- طي المرايات الجانبية كهربائيا (بس دي ميزة وعيب لان لو سايس قفلهالك بإيده هيكسرها او يبوظها وتبقى مصيبة)
- تكييف تاتش
- صالون واسع جداً (بس باقي العربيات مش ضيقة.. مش فارقة كتير يعني)
- فتحة تكييف للكنبة الخلفية بمروحة سرعتين (بس تكييف الصني اساسا ضعيف)
- زجاج فاميه خلفي (بس موجود برضو في الاوبترا)
- مسند يد بالكنبة الخلفية: الكرسي الاوسط يمكن طيه ليتحول لمسند يد به حامل لكوبين من المشروبات (بس ده موجود في الاوبترا ومش موجود في اللوجان)
- قطع الغيار الاساسية منتشرة وسعرها معقول لان العربية بقالها سنين في السوق (بس فيه طبعاً تغيير بسيط.. الفوانيس شكلها اتغير مثلاً)


عيوبها:
- صاجها ورق (كل العربيات صاجها ضعيف صحيح بس الصني أضعفهم على الاطلاق... سمك الصاج حاجة تقرف)
- صحيح بيقولوا ان مشكلة الطنابير والفرامل بتاعة 2015 اتحلت بس بسمع ان فيه ناس تانية ظهرت عندهم والله اعلم
- أسوأ توكيل في العالم من وجهة نظري.. (كل التوكيلات ممكن تستهبل في تصليح عيب صناعة لشخص معين .. عربية او اتنين او عشرة مثلاً لكن توكيل نيسان كان بيستهبل في أسطول كامل من العربيات اللي كان فيها مشكلة الفرامل وكانوا بيتهربوا من المسئولية ومش عاوزين يعترفوا بالمشكلة).. حتى نيسان قشقاي الجديدة فيها مشكلة في الفتيس ومش سائلين في العملاء .. من الآخر اكتر توكيل عليه أحكام وسوابق وقضايا في المحاكم وحماية المستلهك.. واكتر توكيل معموله جروبات للمتضريين منه للمطالبة بحقهم..
شكلها لسه وحش من ورا (حسنوا شكلها من ادام بس لسه وحش من ورا..تحسها واخدة شالوت) بس دي طبعاً أزواق

بالنسبة للوجان:
مزاياها:
- موتورها 1600 (الاوبترا والصني موتورهم 1500.. بس قوة موتورهم والعزم تقريبا هو هو.. فرق بسيط اوي .. بالعكس المواتير ال 1500 يمكن توفر شوية في البنزين)
- فيها مثبت ومحدد سرعة (وده هيريحيك اوي في السفر.. اما لو مكنتش بتسافر كتير مش هيفرق معاك.. خصوصاً انه بيفصل اول ما تدوس على الفرامل او البنزين.. وهتحتاج تشغله تاني ساعتها).. باختصار يعني مش مهم اوي في القيادة داخل المدن.. ده حتى الدادائري بتاعنا مش هتقدر تشغله عليه
- أكبر شنطة 510 لتر (لكن الفرق مش كبير... الصني 490 والاوبترا 480.. يعني تقريبا زي بعض)
- جودة عالية (لكن هتتفاجيء لما تقارنها بالاوبترا.. إنبهارك بيها هيروح وهتلاقي الاوتبرا جنبها جوهرة بتلمع.. زي ما تقارن الدهب بالماس.. اللوجان حلوة بس الاوبترا تحفة)
فيها كاسيت بشاشة ونافيجيتور (دي اعلى فئة..بس اي عربية ممكن في المستقبل تركبلها كاسيت فيه نافيجيتور عادي يعني)
- عالية عن الارض (لكن ده يعتبر ميزة وعيب لأنها مش عربية كبيرة suv لا دي عربية صغيرة سيدان وارتفاعها هيقلل من ثباتها.. رغم ان اللي معاهم مش بيتشتكوا من ثباتها لكن بالعقل كده الارتفاع مبالغ فيه فعلاً وكان المقصود انها تبقى مناسبة لمصر وده فعلاً شيء كويس في السرعة البطيئة لكن فعلاً بيأثر على الثبات على السرعات العالية لأن حجم العربية صغير.. وفيه ناس بعد ما بتجيبها بتعدل العربية علشان توطيها شوية!! هتلاقي النت مليان مواضيع عن كده)

عيوبها:
- فتيسها 4 سرعات (صوته بيعلى على السرعات العالية لأن الفتيس جاب الرابع ومفيش غيارات تاني) اما الاوبترا ففتيسها 6 سرعات
- سحبها وحش لحد 60 كم/ساعة.. واعرف ناس بتحاول تبيعها علشان كده!!
- مفيهاش سمارت كي زي الصني (بس بصراحة تغور الصني بمشاكلها)
- مفيهاش زجاج فاميه (مش هتفرق مع البعض) لكن الاوبترا والصني فيهم زجاج فاميه خلفي
- مفيهاش فتحة سقف (الأوبترا فيها فتحة سقف وكمان التحكم فيها الكترونياً)
- مفيهاش مسند يد بالكنبة الخلفية

بالنسبة للاوبترا الجديدة (التقفيل المصري):
مزاياها:
- فئة واحدة هاي لاين فيها تقريبا معظم الاوبشنز اللي في أعلى فئة من كل العربيات المنافسة (مش عاملينها فئات لإستغلال المشتري ورفع السعر مقابل بعض الكماليات تحت اسم فئة اولى وتانية وتالتة.. إلخ)
- فخمة جداً من الداخل والخارج: شكل خارجي رائع وتقفيل وعزل ممتاز وفرش جلد وتابلوه فخم فعلاً (تحس إنك راكب نسخة من الكروز)
- فيها فتيس 6 سرعات (وده بيوفر بنزين ويخلي صوت الموتور منخفض حتى على السرعات العالية)
- موتورها صحيح 1500 بس قوته 110 حصان وعزمه شديد زيه زي مواتير ال 1600 (يعني هيوفر بنزين وكمان بنقس القوة)
- فيها فتحة سقف والتحكم فيها الكتروني كمان (والاوبشن ده تحفة بجد..بيحسسك بالفخامة)
- تكييفها أفضل من اللوجان والصني
- شنطتها كبيرة (تقريبا 480 لتر)
- مسند يد بالكنبة الخلفية: الكرسي الاوسط يمكن طيه ليتحول لمسند يد به حامل لكوبين من المشروبات (بس ده موجود في الصني ومش موجود في اللوجان)

عيوبها:
- البعض بيعتبر من عيوبها ان معظم مكوناتها مصنوعة في مصنع جينيرال موتورز بالصين وبعضها مصري وبعضها كوري.. وبتتجمع في مصر.. لكن أقسم بالله انا لما ركبتها حسيت بفرق شاسع في الفخامة بينها وبين اللوجان اللي تقفيلها مغربي.. والله قلت لنفسي هشتريها حتى لو كانت صيني صيني ماركة جاكي شان او بينج بونج :) .. أركب اللوجان واركب الاوبترا وانت تفهم انا اقصد ايه.. مش هتصدق فرق الفخامة والرفاهية.
- مفيهاش مثبت سرعة (بس ده برضو مش موجود في الصني.. ومش مهم غير في السفر.. واعرف ناس كتير عندهم ومش بيستخدموه اساسا)
باختصار هتلاقي فيها كل ما تتخيله من مواصفات وكماليات وبأفضل سعر وجودة عالية لم أكن انا شخصياً أتوقعها لحد ما شفتها بعيني..

بس أقولك فكرة أحسن وان شاء الله هتدعيلي لو عملت الفكرة دي؟؟ روح الشيخ زايد.. على المحور من بره.. بعد هايبر وان على طول.. هتلاقي توكيلات نيسان ورينو وشيفروليه.. التلاتة لازقين في بعض !!! .. ادخلهم واحد واحد واركب الصني واللوجان وخلي الأوبترا للآخر علشان هتنبهر !! مش هتصدق نفسك... هتحس بفخامة وجودة واوبشنز عالية جداً ..

انا بعد ما كنت هجيب اللوجان خلاص لما شفت الاوبترا وركبت الاتنين ورا بعض زي ما بقولك حسيت ان مفيش وجه للمقارنة.. حسيت ان اللوجان (اللي كنت شايفها عربية تحفة وفاكر انها فخمة) لما ركبت الاوبترا بعدها بنص دقيقة حسيت ان اللوجان جنبها عاملة زي اللانوس !!!!
انا نفسي انبهرت ومكنتش مصدق الفخامة والاوبشنز العالية.. فتحة سقف الكترونية وفتيس 6 سرعات وزجاج فاميه... تحس انك راكب نسخة من الكروز... وب 140 ألف بس.. بس خلي بالك ان سعرها غلي من 8 ايام بعد ما كان 137.. بسبب زيادة الطلب عليها..
وزي ما اللوجان ملت الشوارع الفترة اللي فاتت هتشوف الايام الجاية الاوبترا هتعمل ايه... بدأت فعلاً تغرق الشوارع..
صدقني انا قبل ما اشوفها قلت لنفسي اكيد مش هجيبها دي صيني بس بعد ما شفتها وقعدت في اللوجان قبلها وبعدين قعدت فيها (توكيل رينو وشيفروليه لازقين في بعض في الشيخ زايد) قلت لنفسي انا هجيب العربية دي حتى لو كانت مش شيفروليه (حتى لو كانت ماركة صيني صيني ماركة جاكي شان او بينج بونج مثلاً).. بس يارب ألحق قبل ما سعرها يغلى تاني..

وبصفة عامة إلحق اشتري بسرعة لأن الأسعار غالبا هتغلى قبل نهاية رمضان..كل السيارات.. وده خبر شبه اكيد والله اعلم..

وأخيراً متنساش ان العربية اللي مناسبة لشخص ممكن متكونش مناسبة لشخص آخر (شاب غير رب أسرة..إلخ) علشان كده انصحك بالإستخارة وإستشارة آخرين..

ملحوظة أخيرة: انا فكرت أعصر نفسي واطلع 15 او 20 الف كمان (كده كده انا سالف فلوس) واشوف عربية تانية بس لقيت العربيات اللي في السعر ده برضو مش هتفرق كتير.. هتزنقني فلوس وكمان مش هتكون أعلى فئة وهيكون ناقصها أوبشنز مهمة.. فقلت ملهاش لزمة خليني في اللي على ادي ..سعرها كويس وهاي لاين فيها كل الاوبشنز..

الرد على موضوع ان الاوبترا صيني:
معظم الشركات متعددة الجنسيات (multinationals) في العالم كله لجأت في السنين الأخيرة لفتح مصانع في الصين بهدف تقليل تكلفة التصنيع والإستفادة من توافر الأيدي العاملة الرخصية و التكنولوجيا.. بص لجيب حضرتك هتلاقي فيه موبايل سامسونج.. سامسونج مثلاً فتحت مصنع في الصين وبقت تنتج من هناك.. بس طبعاً عندهم إدارت للرقابة على الجودة quality control وتأكيد الجودة quality assurance للحفاظ على سمعة العلامة التجارية.. علشان كده كتير مننا بيشتري موبايلات سامسونج وغيرها ومبيهتمش هي مصنوعة فين وده بسبب ثقته في اسم سامسونج..

ولو جينا للحق بأه ففيه شركات صيني صرف (صيني صيني يعني مش مالتي ناشيونال) منتجاتها أفضل من الشركات العالمية المنافسة... زي شركة هواوي للموبايلات مثلاً. موبايلات وتابلت هواوي أفضل 100 مرة من سامسونج...

يعني من الآخر المشكلة مش ان المنتج صيني ولا اوروبي... المشكلة في الجودة والرقابة على الجودة والرقابة على الواردات واننا في بلد زي مصر محتاجين بجد نحط ونفعل مواصفات جودة لازم تكون في العربيات المستوردة وإلا يتم رفض دخولها البلاد (لو كانت تأثر على سلامة الركاب) اما لو فرق الجودة في أمور غير هامة او كماليات فممكن السماح بيها بهدف وجود تنوع وكل واحد يشتري اللي على اد فلوسه (طالما مش حاجة خطيرة تأثر على السلامة)

ده رأيي الشخصي في موضوع صيني ده.. بس بصراحة مكنتش مقتنع بيه اوي قبل ما اشوف الاوبترا الجديدة.. كان وجهة نظري عن الصيني ان معظمها عربيات رديئة.. لحد ما شفت الاوبترا الجديدة وحسيت بالجودة العالية والفخامة اللي بجد خليتني أعيد النظر وأتأكد ان الكويس موجود والوحش موجود.. حتى اللي مش صيني فيه منه الكويس والوحش.

اوخيراً أنصحك كمان لازم تقرأ الموضوع ده هيفيدك اوي ان شاء الله:
http://www.nilemotors.net/nile/329150-a.html (عايز تشتري عربية ومحتار؟؟؟؟ تعالى أقوللك إزاي تختار)

وربنا يكتبلك اللي فيه الخير
تحياتي

كلام لا يعلى عليه بس نسيت تذكر ان توكيل منصور سيء جداً وهذا ما اخشاه :(
بالفعل شوفت اليوم اكتر من عربية نيو اوبترا و ابتدت تنتشر و بالفعل بدأت اميل للقرار دا
على اول الاسبوع الجاى ان شاء الله بعد الاجازات اكون وصلت لقرار واحجز

ربنا ييسر الحال و اشكرك جزيل الشكر على المشاركة المثمرة جداً
وان شاء الله تستلم العربية فى اسرع وقت .. ربنا يديك خيرها ويكفيك شرها ويباركلك فيها ويحفظك ويحفظها

كل عام وانتم جميعاً بخير

[m-sabry]

كل عام وحضرتك بخير.. والاعضاء الكرام
انا طبعاً مش بعملها دعاية لكن انا فعلاً ابنهرت بيها وحبيت أنقل للأعضاء تجربتي الشخصية... خصوصاً إني قعدت شهرين أقارن... ولو كنت اخدت قراري بدري اسبوع كنت وفرت 3000 جنيه (اشتريتها بعد ارتفاع سعرها مؤخراً) .. لكن الحمد لله على كل شيء

وأخيراً أحب اقول للزملاء الأعضاء المحترمين انا مش بهاجم اللوجان لأي سبب.. هي فيها برضو أوبشنز كويسة جداً لكن انا فضلت الاوبترا... وغيري فضل الصني.. انا بس حطيت الفروقات بينهم وكل واحد يختار اللي يناسبه

انا مثلا فضلت فتحة السقف والفتيس 6 سرعات والزجاج الفاميه في الاوبترا على مثبت السرعة في اللوجان واستبعدت لصني كمان لان شكلها مش عاجبني اوي ولاسباب اخرى طبعا انا كاتبها..

ربنا يوفق الجميع للخير

[m-sabry]

بصراحة انا استبعدت تقييم التوكيلات من مقارنتي.. صحيح بسمع عن منصور كلام مش حلو وشفت اللي راح صيانة نيسان وبيقول المعاملة كويسة اوي فعلاً بس يافرحتي بالمعاملة الكويسة والعربيات فيها مشاكل.. واللوجان برضو توكيلهم بيتقال عليه كلام زي اخواته..
فقلت لنفسي بم اني عايش في بلد مفيش فيها مستهلك بياخد حقه.. وكل اللي بناخده بس شوية ابتسامات واحنا داخلين التوكيل..لكن وقت الجد ولما يكون فيه مشكلة حقيقية بيظهر الوش الحقيقي وتلاقي معاملة زبالة او كلام حلو بدون حل حقيقي.. فقررت استبعد سمعة التوكيل من حساباتي بصراحة.. خصوصاً اني اعرف كذا حد معاه الافيو ومحدش بيشتكي من التوكيل.. وربنا يستر علينا كلنا

[linux1man]

بصراحة انا استبعدت تقييم التوكيلات من مقارنتي.. صحيح بسمع عن منصور كلام مش حلو وشفت اللي راح صيانة نيسان وبيقول المعاملة كويسة اوي فعلاً بس يافرحتي بالمعاملة الكويسة والعربيات فيها مشاكل.. واللوجان برضو توكيلهم بيتقال عليه كلام زي اخواته..
فقلت لنفسي بم اني عايش في بلد مفيش فيها مستهلك بياخد حقه.. وكل اللي بناخده بس شوية ابتسامات واحنا داخلين التوكيل..لكن وقت الجد ولما يكون فيه مشكلة حقيقية بيظهر الوش الحقيقي وتلاقي معاملة زبالة او كلام حلو بدون حل حقيقي.. فقررت استبعد سمعة التوكيل من حساباتي بصراحة.. خصوصاً اني اعرف كذا حد معاه الافيو ومحدش بيشتكي من التوكيل.. وربنا يستر علينا كلنا

هو لو فيه بديل للتوكيل اكيد كنا نتغاضى عنه
وبما ان السيارة تجميع مصري اعتقد قطع الغيار هتكون حكر على منصور بس ودي النقطة اللى مخوفاني
مع اقتناعى بالعربية اللى بيزيد يوم عن التانى لكن هننتظر الايام البسيطة اللى جاية

و حابب استفسر الالوان المتاحة ايه بما ان حضرتك حجزت ؟

[S O P H O S]

طب ما تزود بدل الاوبترا وتجيب الكروز نقلة نوعية
مجرد رأي ..