انا محتار اختار اى عربية -ممكن رأي اصحاب الخبرة

[melghany]

السلام عليكم اعضاء المنتدى الكرام

كل عام و انتم بخير و عيد سعيد عليكم

ممكن رأي اصحاب الخبرة يا جماعة انا محتار اختار اى عربية
موديل 2015 او 2016
xرينو - لوجان xمتسوبيشى - أتراج xشيفروليه - اوبترا - او لو حد عنده اقتارح تانى ...

مع العلم انى حبهدل العربية سواقة على الاقل 4 ساعات يومية متصلة الى 10ساعات مشاوير و لف
ايه رأي حضراتكم الافضل ايه

طبعا التقييم

- اعادة البيع
- اقتصادية اقل تكلفة صيانة و تشغيل
- الخدمة و جودتها
- توافر قطع الغيار و اسعار معقولة
- يعنى الحاجات العملية التجارية اهم عندى من الاماكنيات و خلافة

منتظر اقتراحتكم و مشاركتم

و شكرا ليكم

[melghany]

عيد سعيد عليكم

[melghany]

ممكن رأي اصحاب الخبرة

[م/أحمد عبد الفتاح]

الاوبترا هى اللى حاتحقق طلباتك وحاتستحمل اللف طول النهار علشان كده العربيات اللى بتتأجر فيها نسبة كبيرة اوبترا

[melghany]

شكرا لردك يا باشمهندس احمد


بس ايه حكاية انها صينى و مضروبة قريت فى المنتدى الكلام ده .. لو الامر ما اختلطش عليا

[S O P H O S]

لو في اوبترا شكل قديم مش الشكل الجديد

[salam100100]

عربيه للمرمطه (فرنساوى- يبانى-كورى)؟
كاعتماديه وكحب السوق المصرى ليها : يبانى ثم الكورى

لكن بما انك مختار اتراج, فانا لا انصح بها للمرمطه عشان مش منتشره و3سيليندر

فهلجا للكورى
الاوبترا لسه جديده منعرفش عنها حاجه كفايه

الفرنساوى استبعده لانها عربيات مش للبهدله- وسهل تبهدلها معاك بسرعه ومتعرفش تلمها

الدليل على كلامى فالعموم
عربيات الراليات والسبقات مبتلقيش فيهم فرنساوى

حط فى بالك مع المشاوير الكتير هيكون الصيانه كتير يعنى مصاريف
تغيير تيل على فترات قريبه زيها زى الزيت والفيلتر
ممكن كمان عفشه
حط اسعار قطع الغيار فالحسبان ذى محضرتك ذاكر