مساعده فى شراء سياره فى حدود 85 الف جنيه

[ahmedshehata]

السلام عليكم ورحمة الله وبركاته
انا عايز اشترى عربيه فى حدود 85 الف جنيه
كان معايا فيرنا موديل 2008 وبعتها ودلوقتى بدور على عربيه فى حدود 85 الف جنيه
استخدامى للسياره داخل المدن بشكل كبير وبسافر قليل اوى العربيه انا هسوقها ومعايا والدى
مستنى اقتراحات حضراتكم

[dr_haitham79]

لكل استخدام ..العربية الامثل
وحضرتك بتقول داخل المدينة اغلب الوقت
يبقي السيارات ذات السي سي القليل هتبقى افضل
1300 وتحت
لتقليل استهلاك البنزين
ممكن ياريس
سيريون
بومة
ولو مش محتاج عربية عائلية يبقي ممكن حتى هاتش باك
وكل ده موديل حديث

وممكن تفكر تجيب لانوس او فيرنا تانى ماشية تحت 30 الف كيلو
وتحطلها غاز طبيعي

احسن من ده كله من وجهة نظرى :
تحط حوالى 70 الف كمقدم لزيرو
وتعين 10 على جنب تغطى اقساط اول سنة لحد ما تظبط الدخل الداخل والخارج لتغطية سنتين قسط بعدها مثلا
وتبقى اشتريت دماغك تماما كام سنة من متاعب محتملة للمستعمل لعدم الخبرة فى الشرا لمعظمنا فى الاول.

[S O P H O S]

ياريس