سنترا ولا أوبترا

[ahmedbakry]

السلام عليكم

الحمد لله بعد ما استقريت على الاتنين دول قررت أختار وحدة منهم

بس عندى كم سؤال كدة للى جربهم أو للى يعرف عنهم


استهلاك البنزين لكل وحدة منهم

قطع الغيار وأسعارها وتوفرها

الصيانة برة وجوة التوكيل ايه أخبارها

نوع الفتيس (أذا كان اتوماتيك عادى ولا cvt)

متانة الصاج بتاع العربية

وأخيرا سعر اعادة البيع ايه نظامه


وشكرا مقدما

[moh19227]

الاوبترا ما هى الا عربيه صينى
السنترا اغلى بفرق كبير فمينفعش تقارن بينهم اصلا

[cadeau]

الاوبترا فئة و السنترا فئة تانية خالص .. انت بتقارن اثنيت لا يمكن يتقانوا ببعض

[tarekmomo]

سنترا طبعا فئه اعلى من الاوبترا
الاوبترا تتقارن مع الصنى

[borio1704]

السلام عليكم

الحمد لله بعد ما استقريت على الاتنين دول قررت أختار وحدة منهم

بس عندى كم سؤال كدة للى جربهم أو للى يعرف عنهم


استهلاك البنزين لكل وحدة منهم

قطع الغيار وأسعارها وتوفرها

الصيانة برة وجوة التوكيل ايه أخبارها

نوع الفتيس (أذا كان اتوماتيك عادى ولا cvt)

متانة الصاج بتاع العربية

وأخيرا سعر اعادة البيع ايه نظامه


وشكرا مقدما

أنا هجاوبك من وجهة نظري.. مع العلم بإني ما اتعاملتش مع أي واحدة فيهم


مبدأيا.. تقدر تعرف المعلومات الرسمية عنهم من هنا...

https://www.chevroletegypt.com/bypass/download/eg/Optra-my16.pdf

https://www.nissan-cdn.net/content/dam/Nissan/eg/brochures/NEW%20SENTRA.pdf

وعموما.. هما يعتبروا فعلا في فئة واحدة من ناحية الأبعاد والمواصفات...

إنما موضوع السعر مختلف لأن الأوبترا هي أصلا إنتاج شركة صينية اسمها باوجن.. والشركة دي أصلا شركة مشتركة بين جنرال موتورز وشركة SAIC الصينية

علشان كده جنرال موتورز أخدتها ونزلتها هنا باسم شيفروليه.

تقدر تعرف معلومات أكتر من هنا:

https://en.wikipedia.org/wiki/Baojun_630

نيجي للأسئلة:

استهلاك البنزين لكل وحدة منهم

ما أعتقدش فيه فرق كبير... وإن كان الفرق غالبا لصالح الأوبترا لإنها 1500 cc .. بس السنترا فتيسها CVT

قطع الغيار وأسعارها وتوفرها

ما عنديش فكرة بصراحة.. بس يفترض إن قطع غيار الأوبترا تكون أرخص لإنها صيني... إنما من ناحية توافرها... فغالبا السنترا هتكون متوفرة أكتر.. انت هنا بتتعامل مع يابانيين (المفروض).

الصيانة برة وجوة التوكيل ايه أخبارها

ناس كتير بتتكلم على إن التعامل مع توكيل منصور سيء جدا... والله أعلم.
معنديس فكرة عن الصيانة بره.. بس خلي بالك إن ده يعتمد على مدى انتشار العربية.

نوع الفتيس (أذا كان اتوماتيك عادى ولا cvt)

الفتيس في الأوبترا أوتوماتيك 6 سرعات... والفتيس في السنترا CVT...

والفتيس الـCVT عموما بيوفر شوية في البنزين.. بس اعتماديته عليها علامات استفهام.

متانة الصاج بتاع العربية

كل العربيات دلوقتي ما بتركزش على متانة الصاج في الحوادث البسيطة... إنما الأهم هو الحماية في الحوادث الكبيرة لا قدر الله..

رأيي تبعد عن كل عربيات شيفروليه في مصر في الحتة دي بالذات.

وأخيرا سعر اعادة البيع ايه نظامه

سعر إعادة البيع في أي عربية هو ترجمة لمدى انبساط ملاك العربية منها... وده بيدخل فيه كذا عامل:

1- كمية الأعطال (الاعتمادية)
2- مدى توافر قطع الغيار
3- سهولة الصيانة
4- حجم مبيعاتها في السوق.. كل ما اتباعت أكتر كل ما هتلاقي حاجتها بسهولة وكل الناس هتفهم فيها.

أتوقع إن سعر إعادة البيع لصالح النيسان.


أرجو إني أكون قدرت أفيدك.


وأقترح عليك كمان تدخل على الموضوع ده.. يمكن يسهل عليك الاختيار..

http://www.nilemotors.net/Nile/329150-a.html

...

[salam100100]

سعر إعادة البيع في أي عربية هو ترجمة لمدى انبساط ملاك العربية منها... وده بيدخل فيه كذا عامل:

1- كمية الأعطال (الاعتمادية)
2- مدى توافر قطع الغيار
3- سهولة الصيانة
4- حجم مبيعاتها في السوق.. كل ما اتباعت أكتر كل ما هتلاقي حاجتها بسهولة وكل الناس هتفهم فيها.


...

شكرا للمعلومات القيمه دى, حضرتك لخصت السوق المصرى وشريحه كبيره من المشتريين فالكلمتين دول

عندك عربيه زى............. هتعرفوا لوحدوكوا
فرامل مفيش
اتزان مفيش
مفيش اى عوامل امان زى ABS / Air bags
ضيقه
واطيه وبتحك فالمطبات
استهلاك بنزين عالى
اعطال مقبوله
صاج ورق

مع كل العيوب دى لكن عربيه ينطبق عليها النقاط الاربعه دول عشان كدا ناجحه
عرفتوا انا قصدى انهى عربيه :)

[amr011111]

شكرا للمعلومات القيمه دى, حضرتك لخصت السوق المصرى وشريحه كبيره من المشتريين فالكلمتين دول

عندك عربيه زى............. هتعرفوا لوحدوكوا
فرامل مفيش
اتزان مفيش
مفيش اى عوامل امان زى abs / air bags
ضيقه
واطيه وبتحك فالمطبات
استهلاك بنزين عالى
اعطال مقبوله
صاج ورق

مع كل العيوب دى لكن عربيه ينطبق عليها النقاط الاربعه دول عشان كدا ناجحه
عرفتوا انا قصدى انهى عربيه :)

منتشره من زمان

[borio1704]

شكرا للمعلومات القيمه دى, حضرتك لخصت السوق المصرى وشريحه كبيره من المشتريين فالكلمتين دول

عندك عربيه زى............. هتعرفوا لوحدوكوا
فرامل مفيش
اتزان مفيش
مفيش اى عوامل امان زى abs / air bags
ضيقه
واطيه وبتحك فالمطبات
استهلاك بنزين عالى
اعطال مقبوله
صاج ورق

مع كل العيوب دى لكن عربيه ينطبق عليها النقاط الاربعه دول عشان كدا ناجحه
عرفتوا انا قصدى انهى عربيه :)

يا فندم ده مش تلخيص للسوق المصري... ده تلخيص للسوق العالمي لإن دي وجهة نظر أي واحد بيشتري عربية مستعملة في أي مكان في الدنيا..

مين هيشتري عربية مستعملة علشان يستمتع بمشاكلها؟؟؟؟؟


الغرض الأساسي من أي عربية هو إنها تنقلنا من مكان للتاني... ولو ما عملتش الغرض ده يبقى العربية فشلت.

ده السبب الرئيسي إن العربيات الياباني والتويوتا بالذات سعر إعادة البيع بتاعها هو الأعلى بين كل السيارات على الإطلاق.

محدش جاب سيرة إمكانيات ميكانيكية.. ولا أوبشنز.. ولا عوامل أمان.. ولا أي حاجة من اللي العربية بتتباع علشانها وهي جديدة..

راحة البال = فلوس.


...