افيدوني

[mohamed_taha]

السلام عليكم

عايز اجيب عربيه في حدود ال 200 الف ( 200,000 ) انا مشواري كل يوم رايح جاي 140 كيلو متر من هضبه الاهرام للعبور و عايز عربيه اسريه عندي ولدين و بسافر في الصيف كتير تنصحوني بي ايه

ملحوظه : بلاش الصيني

[amr011111]

سنترا

[أحمد عثمان]

إلانترا hd مش ad
و نصيحة طالما إنت مشاويرك كتيرة خليك في العربية المهروسة في السوق و الي قطع غيارها موجودة باستمرار عشان متتزنقش على قطعة غيار مش موجودة لما تحتاجها, خصوصاً الاستيراد صعب أوي اليومين ول و مش كل الشركات بتوفر قطع الغيار.
و ربنا يوفقك.

[أحمد عثمان]

ولو حتجيب أي عربية إحرص دايماً إنك تجيب أعلى فئة فيها عشان تستمتع و ميبقاش نفسك في حاجة.
خصوصاً إن المبلغ اللى انت راصده للعربية معقول أوي و يجيبلك حاجات كويسة أوي.

[أحمد عثمان]

وممكن تفكر برضه في الكروز.
عربية محترمة و ضمن المبلغ بتاعك برضه.

[hanyyacot]

رينو فلوانس , عربية ثابتة اوى على الطريق , وواسعة فى الصالون و الشنطة , عالية عن الارض عشان المطبات فى الحدائق , عوامل امان ممتازة , فيها مثبت و محدد سرعة عشان السفر , استهلاك للبنزين ممتاز وموفرة , توكيلها من احسن التوكيلات الموجودة

[salam100100]

سكودا رابيد (اخت سيات توليدو)
سينترا

دول مجرد اسامى محتاجه بحث لمعرفه عيوبهم ومميزاتهم

[mohamed_taha]

شكرا ليكم كلكم

انا محتار جدا بين كذا حاجه بالترتيب

رينو داستر

ياريس

سنترا

فلوانس اول فئه

دايهتسو تريوس اول فئه

انا عارف انهم مختلفيين كليا بس كل حاجه فيهم فيها ميزه وعيب ومش عارف اقرر ولو في حاجه احسن يا ريت تساعدوني

وشاكر ليكم و لاهتمامكم

[salam100100]

ايه اخبار اللوجان معاك؟ بقالها 6 سنين عامله ايه؟

[mohamed_taha]

ايه اخبار اللوجان معاك؟ بقالها 6 سنين عامله ايه؟

تمام الحمد لله , انا جبتها في اواخر 2009 و مكانتش لسه منتشره وكان رهان مني عليها وكل الناس كانت متخوفه علشان مغربي و الاشاعات كانت كتير عليها بس بامانه كسبت الرهان وده اللي مخليني حاطط في اولوياتي الداستر

بس المشكله في قطع غيارها في التوكيل غاليه

[hanyyacot]

شكرا ليكم كلكم

انا محتار جدا بين كذا حاجه بالترتيب

رينو داستر

ياريس

سنترا

فلوانس اول فئه

دايهتسو تريوس اول فئه

انا عارف انهم مختلفيين كليا بس كل حاجه فيهم فيها ميزه وعيب ومش عارف اقرر ولو في حاجه احسن يا ريت تساعدوني

وشاكر ليكم و لاهتمامكم

الداستر مافيش منها اوتوماتيك ودى مشكلة , الياريس خفيفة , السنترا كويسة بس ماعرفش التقفيل المصرى عامل ايه فيها , اعتقد الفلوانس افضلهم

[salam100100]

تمام الحمد لله , انا جبتها في اواخر 2009 و مكانتش لسه منتشره وكان رهان مني عليها وكل الناس كانت متخوفه علشان مغربي و الاشاعات كانت كتير عليها بس بامانه كسبت الرهان وده اللي مخليني حاطط في اولوياتي الداستر

بس المشكله في قطع غيارها في التوكيل غاليه

كدا الفلوينس فعلا اقرب حاجه ليك- هى اغلى من الميزانيه لكن مش كتير, يمكن 15 الف
وهى منتشره اكتر من باقى العربيات اللى فالمقارنه