للاهمية .. مقارنة بين الافيو - اللوجان - الصنى

[Mfarouk40]

احلي شباب..

محتار ومحتاج اعرف العربية الاحسن بين الافيو واللوجان والصنى..

انا هاجيب زيرو فا ياربت تفيدونى من اول المواصفات لحد البنزين واعادة البيع وكل حاجهز

وشكرا مقدما

[dr_haitham79]

اولا ربنا يكرمك ويوفقك فى الاختيار
ثانيا انا مش مالك لأى من التلات سيارات لكن لو فى مكان حضرتك احصر اختيارى بين الصنى واللوجان
وانا شخصيا اميل للوجان
الصنى كويسة بس لو فعلا استهلاكها للبنزين لسه عالى: يبقي اللوجان اولى.

[salam100100]

الافيو تتميز فى سهوله الصيانه وتوافر قطع الغيار خارج التوكيل وانها ارخصهم

اللوجان والصنى متقاربين جدا وظهر على الساحه الاوبترا مكمنافس
اللوجان تجميع مغربى
اما الصنى والاوبترا تجميع مصرى

للاسف انا ملقتش حد يجاوبنى على الاسئله دى ويكون جرب الثلاث عربيات (اوبترا- لوجان- صنى)
ويكون جربهم كفايه عشان يعرف يحكم عليهم ويكون محايد فتقيمه

حاول تسال ملاك العربيات دى على الحقيقه (على الطبيعه) وحاول تكون صوره ومقارنه ليهم
انت هتتعب شويه عشان اللى بتطلبه ملوش اجابات واضحه وصريحه, كلها هتكون تناقل معلومات- فى منها معلومات اكيده وفى منها غير دقيقه يتخللها اشاعات الى حد كبير
كل مالك لموديل معين هيكون بيقنعك ان عربيته افضل من التانيه , فى حين هو ممكن يكون مركبش العربيه التانيه

بحصوص الصنى:

http://www.nilemotors.net/Nile/475523-2015.html

اما باقى العربيات هسيب ملاكهم يكلموك عنها
اهم حاجه انك تشترى العربيه اللى مقتنع بيها
ويارب نلاقى حد يكون محايد وحكيم فى مساعدتنا

[Mohamed Desoky]

ربنا يوفقك النيسان صنى افضل انا ركبت التلاته كسائق وليس مالك الاجابه الوحيده النيسان الصنى افضل ؟ده مجرد راى شخصى وخبرت سائق ؟