رينو لوجان أم جراند i10

[gurdy]

السلام عليكم

أنا عايز أشتري عربية أتوماتيك في حدود 140,000 جنيه.

حالياً أنا محتار جدأ بين:-
1- رينو لوجان أتوماتيك أول فئة وسعرها 141,000 جنيه.
2- جراند i10 سيدان فول أوبشن وسعرها 135,000 جنيه.

تنصحوني بايه؟؟؟

[salam100100]

انصح بالاكثر انتشارا
للاسباب الاتيه:
سرعه وسهوله فالبيع- سعر اعاده بيع معقول جدا
توقع انها تعيش اكثر فالشارع المصرى عن العربيات النادره

انا مركبتش العربيتين- انا بقول كلام فالعموم

[المستقبل احلى]

انصح بالاكثر انتشارا
للاسباب الاتيه:
سرعه وسهوله فالبيع- سعر اعاده بيع معقول جدا
توقع انها تعيش اكثر فالشارع المصرى عن العربيات النادره

انا مركبتش العربيتين- انا بقول كلام فالعموم

يزنق نفسه فى علبة كبريت علشان سعر اعادة البيع وهو اصلا الناس بتشترى العربيات علشان تبيعها

باشا اللوجان واى عربية الصانع بتاعها عاملها علشان تعيش، بهدلة العربية بتبقى سوء استخدام او عربية مش مخدومة صح زى الصينى الصانع بتاعها عاملها وهو عارف انه موفر فى كل حاجة وحاطة الحاجة الاسوأ علشان العربية تطلع رخيصة

واى عربية نضيفة وحالتها كويسة بتمسك سعر

فالمصنع اللى بيعمل الفلوانس والداستر هيفشل فى اللوجان

اشترى اللوجان طبعا وسيبك من ال 126 اللى اسمها i10

والله اعلم

[مهندس احمد F]

السلام عليكم

انا اشتريت جراند اي تن في مارس 3016 هاف اوبشنز
لو هانقارن بينها وبين اللوجان
اللوجان صاج ورق
عزل ضعيف
موتور صوته عالي زاي الجرار الزراعي .
الجراند صاج محمل وقوي
موتور ناعم وصوت منخفض
عفشه ناشفه وبحس بالمطبات
تكييف قوي جدا
سحب متوسط
استهلاك متوسط للبنزين
الكراسي الاماميه قعدتها سيئئئئئئه للغايه ودا سبب اني بفكر ابيعها لان ضهري اتقطم من تصميم الكراسي العجيب .
انا من طبعي بحب الف شويه في الشوارع لما بكون زهقان . اقسم بالله من يوم ماشتريتها مش عارف اتمشي بيها خالص لاني مش عارف اقعد . قعدتها مش مريحه خاااالص . ومافيش مسند لليد فبحس اني قاعد متذنب او متكدر علي الكرسي
والدتي واخويا كانو جانبي في مره في مشوار سفر . اشتكو من عدم راحتهم علي القعده علي الكرسي الامامي .
انا كنت مفكر العيب فيا انا طلع العيب من الكراسي الاماميه .
بيشكرو جامد في الكنبه الخلفيه .
لو كانت الكراسي الاماميه مريحه كنت اديتها 10 من 10 .
انما نفسي اتسدت بسبب عدم راحتي في الجلوس بها لاني دايما بحس اتي قاعد علي الكرسي ومش ساند بضهري .
تخيلو لو مثلا جبت جردل او علبة سمنه وقعدة عليها بدون ماتسند ظهرك وسوق ياباشا 100 او 200 كيلو . الم مابعده الم !!!
بالنسبه للارتفاع عن الارض حملتها 5 اشخاص وعمرها ماحكت مني في شوارع المخروبه (بلدنا ) تيل الفرامل عندي بيصفر من يوم الشراء وفي صيانة ال5000 هاغيره ان شاء الله .
الكلاكس ناشف اوي في الضغط عليه
خامات التابلوه ممتااااازه
الفنش ممتاااااز
الكشافات والاناره قويه وممتازه
الكاسيت صوته متوسط الي حد ما .
تابلوه جميل واناره شيك جدا
بلوتوث روعه ونقي
انا كل استخدامي للسياره دائما بالتكييف . ظهر ماشي عصر ماشي صبح ماشي بصراحه كفائة السياره ممتازه . ماعدا الكراسي اللي كرهتني فيها . لان ظهري بيتقطم ورجلي بتخدل وبفضل افرك زاي الفرخه اللي عايزه تبيض طول مانا قاعد علي الكرسي . ومش لاقي مسند اسند ايدي عليه فعلطول دراعي مش عارف احطو فين !!!!!
عموما هيا ممتاااااازه بصراحه ولكن الكرسي والمسند عقدوني في عشتي وضيعو فرحتي وبفكر ابيعها او اغير الكراسي واركب مسند لليد ولكن مش عارف اشتري كراسي منين وخايف بعد مااشتري الكراسي تطلع كراسي وحشه بردو !!!
مش عارف اعمل ايه

[Colin Chapman]

http://www.nilemotors.net/Nile/3876095365-post7.html

[salam100100]

يزنق نفسه فى علبة كبريت علشان سعر اعادة البيع وهو اصلا الناس بتشترى العربيات علشان تبيعها

باشا اللوجان واى عربية الصانع بتاعها عاملها علشان تعيش، بهدلة العربية بتبقى سوء استخدام او عربية مش مخدومة صح زى الصينى الصانع بتاعها عاملها وهو عارف انه موفر فى كل حاجة وحاطة الحاجة الاسوأ علشان العربية تطلع رخيصة

واى عربية نضيفة وحالتها كويسة بتمسك سعر

فالمصنع اللى بيعمل الفلوانس والداستر هيفشل فى اللوجان

اشترى اللوجان طبعا وسيبك من ال 126 اللى اسمها i10

والله اعلم

افهم من كدا ان حضرتك شايف ان الجراند i10 منتشره اكثر من الرينو لوجان.
انا كلامى فالعموم
وانا شايف العكس اللوجان منتشره اكثر من الجراند i10

[gurdy]

شكرا ليكم
ان شاء الله هجيب اللوجان بس للأسف السعر زاد طبعا

[miam0502788391]

زاد للمرة التالتة
لا حول ولا قوة الا بالله

[Colin Chapman]

زاد للمرة التالتة
لا حول ولا قوة الا بالله

[مهندس احمد F]

شكرا ليكم
ان شاء الله هجيب اللوجان بس للأسف السعر زاد طبعا

بلاش اللوجان
عربيه ماتستاهلش الفلوس
وشكلها بيتغير بسرعه من الشمس وعوامل المناخ . العربيه بتطفي من حيث اللمعه والرونق بسبب سوء المواد المصنوعه منها
دا غير العيوب اللي ذكرتها في اول تعليق ليا

وشكل ظهرها وحش جدا وتابلوه فقير . عموما دي اذواق

[Colin Chapman]

تتوفر سيارة رينو سانديرو حاليا في السوق المصري بفئتين: الفئة الأولى: b2 AT بسعر 143000
الفئة الثانية: b3 AT بسعر 153000