مقترحاتكم لشراء عربية

[BassamHussien]

انا عايز اشترى عربية جديدة او مستعملة بالتقسيط
وانا معنديش خبرة فى العربيات اوى او بمعنى اصح بعد غلاء الاسعار مش قادر اقرر المبلغ المتاح اقدر اجيب بيه اية
واتمنى انكم تساعدونى بمقترحاتكم
العربية انا عايزها تكفى عيلة صغيرة
ومتستهلكش بنزين كتير
وصيانتها متوفرة
ومش مكلفة اوى
وانا اغلب مشاويرى داخل القاهرة وتكون سهلة فى بيعها
ياريت يبقى هاتشباك
الموديل فوق 2003لغاية 2008

المتوفر معايا كمقدمة 35 الف وهقسط الباقى ان شاء الله
واية رائيكم فى تقسيط السيارات المستعملة على 5 سنين سمعت ان العربية بتبقى فوائدها عالية جدا ؟؟
وانا فكرت اجيب تيريوس 2008 اية رائيكم فيها ؟؟؟؟؟؟

اتمنى منكم المساعدة

[bluemail]

اشمعني حكاية الهاتشباك
انت ممكن تدفع المبلغ ده مقدم عربية لانوس او فيرنا موديل حديث وتقسط الباقي
عربيات بياعه وفلوسها فيها وسهلة الصيانه وقطع غيار موجوده ورخيصه
او تزود المبلغ شويه وتدفعه مقدم زيرو وتكمل اقساط حسب امكانياتك
بالتوفيق في اختيارك

[م أحمد]

لانوس جولييت ووفر فلوس التقسيط و الكلام دا

علشان ما يبقاش الهم همين ....صيانة و اقساط