لو معاك ١٣٠ الف تجيب ايه ؟

[gemy1990]

السلام عليكم جميعا يارب تكونوا بخير ..

من كتر ما الواحد محتار ملقتش حل غير اني اخد رأيكم اصل دا مش هيحصل كل سنه :d
نخش في الموضوع خلونا متفقين اني طالع من شاهين ف مهما كان الاختيار هحس بالنقله :d
المبلغ دا يجيب سيراتو كوبيه وانا بعشق العربيه دي بس كتير بيخوفوني منها وانها منظر بس ف مش عارف وفي نفس الوقت يجيب اوبترا و النترا وكله بيقول دول عمليين اكتر وفيه وجهه النظر الي بتقول هات كسر زيرو حاجه يعتبر جديده رينو لوجان مثلا ولا سانديرو ستيب واي تاخد انت خيرها ومضمونه عن القديم وهتفرق في ٥ سنين مثلا علشان الباقي هيبقى ٢٠١٠ او ٢٠١١ بس مقلق من رينو و فيه نيسان صني بس مع اخويا وعربيه محروقه بالنسبه ليا تنصحوني ب ايه انا شباب و مش متجوز ومش ناوي اتجوز :d

[gemy1990]

و قدامي كروز 2014 ماشيه 70 بتاعت واحد صاحبي مضمونه طالب 135 الموديل دا فيه مشكله الفيتيس ولا تمام و رأيكم اجيب دي ومفكرش كتير ؟

[salam100100]

السلام عليكم جميعا يارب تكونوا بخير ..

نيسان صني بس مع اخويا وعربيه محروقه بالنسبه ليا تنصحوني ب ايه انا شباب و مش متجوز ومش ناوي اتجوز :d

نفسى اعرف اللى بين السطور (يعنى هى عربيه حلوه ولا بلح؟)
الصنى مش هتعجبك عشان هى عربيه عائليه ومبتديش اداء الجولف مثلا

كسر زيرو للكورى هيكون مناسب جدا ومناسب فى اعاده البيع

[gemy1990]

لا هي عربيه تحفه بسم الله ما شاء الله ربنا يباركله فيها وتوكيل محترم انا الي اقصده ان خلاص حفظتها و موجوده نغير بقى هنعمل ايه ب اتنين نفس السحنه :d
وبعدين هي عربيه كلاسيك انا عايز حاجه شبابي شويه افهم من كلام حضرتك ان الكروز سوقها حلو لو حبيت ابيعها ؟

[salam100100]

الاوبترا منتشره اكتر من الكروز. فبالتالى اعاده بيه احسن

انا ركبت الاتنين مسقتهمش, الاتنين متقاربين جدا
لو هتقارن الاوبترا بالنترا, الالنترا تكسب

لو بتدور على عربيه كسر زيرو شبابى. الاعضاء هنا فالمنتدى بيشكرو فالبروتون جن 2 (انا مسقتهاش)
شوفها ولو عجبتك جمع عنها معلومات

[gemy1990]

البروتون مشكلتها ال rpm مش بيفصل صاحبي جاب البرسونه من سنه تقريبا و حصل فيها مشاكل كتير والكروز لسه مكلم قريبي يعتبر بيتاجر في العربيات قالي الكروز ابعد عنها انا بأمانه مش عارف اجيب ايه نفسي في الكوبيه بس كله بيخوفني منها و يقولي هات كسر زيرو تعيش معاك احسن والكوبيه بتاعت شباب يعني ملعوب بيها وش مش عارف ربنا يكتب الي فيه الخير

[marko polo]

130 يجبولك تويوتا كورولا 2010 او 2011 عداد معدى 100 الف بحاجة بسيطة واوبشن فقير يعنى كبيرك يبقى فيها جنط وموفرة فى البنزين او سيراتو 2011 عداد من 50 الى 60 الف وابشن بالعبيط فتحة وطارة مالتى وحساسات وكل حاجة بس مش موفرة فى البنزين لو مشاوريك جوة البلد كتير لكن لو سفر استهلاكها تمام والسيراتو هاتها سيدان علشان الكوبية مش هتلاقى حالة نظيفة و الكويسة منها بيتكلم فى 140 اقل حاجة و الالنترا انا مش بحبها خالص و 130 يركبوك النترا 2012 فاضية خالص عداد من 50 الى 60 الف

[gemy1990]

انا شايف كذا عرض لالنترا 2012 كامله او من غير فتحت سقف بتلعب في رينج من 130 ل 140 هنزل واتفرج انا شايفها احسن حل عربيه شبابي و عمليه و ربنا يكتب الي فيه الخير

[gemy1990]

بدل وجع القلب دا هجيب لوجان مانيوال جديده وخلاص خلينا في المضمون :d

[bluemail]

بدل وجع القلب دا هجيب لوجان مانيوال جديده وخلاص خلينا في المضمون :d

حاول تجيب حاجه اوتو، المانيوال متعب جدا في زحمة المدن
بالتوفيق

[gemy1990]

ما المشكله انت مش ضامن حاجه قدامي النترا 2012 كامله كل حاجه ب 120 مش ماشيه غير 70 الف سعر لقطه بس تضمن دي فيها ايه بطيخه وانت وحظك واللوجان كلمت تقريبا معارض مصر كلها ب 135 ل 137 والي يقلك فيها abs والي يقلك مفيش مانيوال لوجان فيها abs :]

[gemy1990]

بلاش طيب لسه مكلم واحد معاه لوجان اوتوماتيك كامله كل حاجه 2015 مش ماشيه غير 10000 بس وعايز 114 :d طيب ازاي ورشه حزام تضمنها منين 2015 ورشه حزام والسعر غريب !!

[mostafagaber]

خليك لوجان او سانديرو اول فئه اوتوماتيك

[AMRPEGAS]

جيتا هايلاين

[Ahmedo0o]

المبلغ دا يجيب كيا سيراتو هاى لاين 2010 بصمه
دى عربيه روعه
وومكن توفر وتجيب الفئة التانيه اللى بجنط 16 وتكيف تاتش لإن الجنط دا مع المساعدين اليابانى بيفرق كتير فى العربيه من حيث الإرتفاع بتاعها
بتحك دايما
عيوب الكيا ملمومه
1- الشكمان بيتغير كامل ب 650 جنيه
2- واططيه ودا اللى بيسبب المشكله الأولى وومكن تتحل زى ماقولت
وسوقها بن حلال لو حبيت تبيع هاتبيع فى أقل مده