I10 Vs Aveo automatic 2017 zero

[bob_kozy2015]

كنت بفكر اشترى الi10
اتومتيك زيرو
بس لقيت الافيو نفس السعر

يا ترى انهى افضل من جميع الجهات السواقة و الاوبشنز و الصيانة و التوكيل و الضمان و كل شئ
؟؟

[salam100100]

انا معرفش عنهم معلومات كتير (او معلومات اكيده) لكن اللى جمعته عنهم انهم عربيات متستهلش ثمنهم زيرو

لو تقدر تذود وتكبر المقارنه
او تدخل المستعمل فالحسبان (انا مع الزيرو)

لو مصصم على واحده من الاثنين دول, انصحك تجرب تسوقهم وتسال ملاكهم على الطبيعه

الافيو اكبر- اعلى- توافر قطع غيار- شنطه اكبر- دى مميزاتها عن ال i10

[MADMIDO]

من ناحيه التوكيل ابعد عن غبور بعد كده منصور بس الافيو احسن و اكبر و اوسع و اكتر انتشارا من التانيه عل الاقل قطع غيارها زي ما بيقولو عند البقال

[scientist9508]

من وجهة نظرى الشخصيه . . I10 . . . أفضل من أفيو فى كل شىء . . . ماعدا الحجم الكبير فهو لصالح الأفيو

[AHMEDJUDDY]

اي حاجهmade in egypt ابعد عنها خاااالص ،، والافيو تقفيل مصري .

[salam100100]

خليك امين فى عملك وابتدى بنفسك

اي حاجهmade in egypt ابعد عنها خاااالص ،، والافيو تقفيل مصري .

هو دا بظبت اللى مأخر مصر
هو دا بظبت اللى مخلينا دوله استهلاكيه
هو دا بظبت اللى مخلينا تجار وليس صناع
هو دا بظبت اللى مخلى الدولار يطلع بره مصر ونجيب بداله بضاعه صينى اردء ما يكون على وجه الكره الارضيه
التجار بيجيب الدولار من السوق السوده - بيشترى من بره- ينزلنا المنتج بالغالى- ما دا طبيعى ماهو مشترى الدولار بالغاللى= واحنا عشان مش عايزين نشتغل مطرين نشترى منه
هو (التاجر) يلم واحنا نفلس
هو دا بظبت اللى مخلينا نعض فى بعض ونشتكى كل يوم من ارتفاع الاسعار
هو دا بظبت اللى مخلى الفجوه تكبر اكبر مابين فأت الشعب

المنتج المصرى اقل من المستورد (العربيات) - انا عارف
العامل المصرى فهلوى
مفيش رقابه
العوامل دى مخليه المنتج المصرى اقل فالجوده والتقفيل عن المستورد
دى الحقيقه ودا الواقع

طيب والحل؟
خليك امين فى عملك وابتدى بنفسك
تابع المنتج المصرى- شجع المنتج المصرى بانك تنقضه نقض بناء
ربى ولادك على الامانه عشان هم اللى هيوقفوا مصر على رجليها مادام الجيل دا فيهوش فايده



مصر بتجمع تويوتا فرتشنر- نيسان صنى وسينترا- شيفورليه اوبترا وافيو- امجران وانفى- فيرنا والانترا ولادا جراناتا
مصر بتجمع تكيفات- سخانات- بوتجازات------------------------------------الخ
ابعد عن كل دول - انا وانت هنعد فالبيت مش لاقيين شغل فى خلال سنه بالكتير

مصر لسه فى امل