النترا hd ولا اكسنت

[ezzeldyn]

السلام عليكم
يا جماعة من فضلكم محتاج مساعدة
النترا اتش دي ٢٠١٧ ولا اكسنت اربي ٢٠١٧
الاتنين سعرهم ف غبور ١٧٥ الف تقريبآ واستلام بعد شهر
وانا ف غبور واحد م المبيعات قالي على شيري تيجو انا عارف انها فئة مختلفة تماما لكن سعرها كويس ١٥٤ الف بالنسبة لمستوى الاسعار اللي وصلنا له واستلام فوري رغم اني لا احبذ الصيني لكن مجربتوش واللي جرب بيقول انه كويس جدا
محتاج نصيحة من اهل الخبرة هل الامر يستحق احجز النترا او اكسنت واستنى شهر وانا ونصيبي ف اختلاف السعر ... ولا اتوكل على الله واخلص في تيجو
اتمنى تساعدوني ف القرار ولكم جزيل الشكر

[Ayman_saad]

مبدئياً بلاش الصيني
بلاش ألنترا وبلاش أكسنت
شوف السيلاريس ، زي الأكسنت ولكن فيها abs وفيها أيرباج وسعرأعلي فئة تقريباً ١٨٠ ألف .

[ezzeldyn]

شكرا جزيلا لاهتمامك وردك
انا فعلا متردد ف موضوع التيجو لكن الكماليات اللي فيها والسعر هما اللي خلوني افكر فيها .. خصوصا اني بفكر ف العربية بعد خمس او ست سنين هاتكون متحملة ولا جابت اخرها ..خاصةً ان بطبيعة شغلي ف الجمارك بتحرك كتير بالعربية من ميناء السخنة للدخيلة لبورسعيد للمطار فمحتاج حاجة تستحمل والسعر هو اللي حاكمني

[scientist9508]

بسم الله الرحمن الرحيم

الزميل المحترم

1 - كل السيارات تقل قيمتها و كذلك آداؤها بعد خمس سنوات

2 - على الرغم من أننى لست من محبى السيارات الصينيه

أ - إلا إننى أشهد بأنه كل من إشترى السياره تيجو راضى عن آداءها

ب - جميع ملاك التيجو يتذمرون من أن السياره لها صندوق سرعات يدوى و ليس أوتوماتيك . . و لكن من يقرر شرائها هو شخص قرر التعامل مع الفيتيس اليدوى مسبقآ قبل تنفيذ قرار الشراء

3 - إلانترا HD سياره ناجحه و ممتازه و سهله فى كل شىء و لكننى أرى فيها عيب كبير وهو أنك تدفع مبلغ ليس بالقليل لتشترى سياره شكلها قديم و إن أدخلت عليه بعض التحسينات.

4 - الأكسنت . . . (من وجهة نظرى) . . . سياره تحتاج لشخص رزين فى قيادته لأنها خفيف و خاصة على السرعات العاليه . . و يعيبها أيضآ إرتفاع أسعار قطع الغيار

5 - السولاريس هى نفسها الأكسنت مع إضافة بعض التحسينات

ملحوظه:

فى ظل الإنهيار الأخلاقى الذى نعيش فيه و الإنتشار الوبائى للكذب و الخداع لا يمكن أن أجزم بصحة أو أنفى بدليل الإدعاء بأن بعض الموديلات أصبحت تصنع فى الصين بدلآ من بلد المنشأ أو أن بعض المكونات أصبحت تصنع فى الصين بدلآ من بلد المنشأ . . لذلك تحرى الأمر بنفسك لأننى لا أتحمل مسؤولية ذلك

أرى أن تحصر المقارنه بين إلانترا hd و التيجو (إختار الأنسب للطرق التى تتحرك عليها بشكل متكرر)

السلام عليكم و رحمة الله و بركاته

[bluemail]

ب - جميع ملاك التيجو يتذمرون من أن السياره لها صندوق سرعات يدوى و ليس أوتوماتيك . . و لكن من يقرر شرائها هو شخص قرر التعامل مع الفيتيس اليدوى مسبقآ قبل تنفيذ قرار الشراء


اخي الكريم، التيجو اوتوماتيك وليست مانيوال

لكن كل النقاط اللي انت قلتها انا معاك فيها

شكرا لمشاركتك

[ezzeldyn]

التيجو فعلا اتوماتيك .. وفيها كماليات كتير عن الموديل السابق زي فتحة السقف وايرباجز وفرامل ايه بي اس وطارة مالتي وكدة .... بس المشكة الكبرى .. انها عربية صيني وتقفيل مصري لان غبور اللي بيجمعها حاليآ .... ف دي حاجة تخلي الواحد يفكر كتيير جدآ ويستشير كتير جدا قبل ما يستقر عليها

[bluemail]

التيجو فعلا اتوماتيك .. وفيها كماليات كتير عن الموديل السابق زي فتحة السقف وايرباجز وفرامل ايه بي اس وطارة مالتي وكدة .... بس المشكة الكبرى .. انها عربية صيني وتقفيل مصري لان غبور اللي بيجمعها حاليآ .... ف دي حاجة تخلي الواحد يفكر كتيير جدآ ويستشير كتير جدا قبل ما يستقر عليها

معلش تصحيح للمعلومه، غبور موزع فقط لتيجو شيري
التجميع لازال يتم في مصانع ابو الفتوح الوكيل القديم ،،سبرانزا
ده حسب الاتفاق الثلاثي اللي تم

بالنسبة للعربية، انا سئلت ناس كتير راكبة العربيه وبصيت عليها فعلا
متقبلها جدا بالنسبة للفئة السعريه والاوبشنز اللي فيها وميزتها انها كروس اوفر مش سيدان فبالتالي عاليه عن الارض والمطبات والحفر اللي بتميز شوارعنا حاليا ، النقطه الوحيده اللي شغلتني هي سحب العربيه مع التكييف وانت معاك 4 افراد اخباره ايه
لان وزن العربيه مع موتور 1600 دي يخلي الواحد يفكر، لكن الناس اجمعت انه في فرق طفيف في السحب

عموما علشان تاخد قرار انزل اتفرج عليها في اي معرض قريب منك، لكن اشتري من غبور لان في اوفربرايس من 6000 الي 9000 في المعارض
بالتوفيق

[ايمن بكر]

اخي العزيز
عن تجربه لمدة ست سنوات النترا Hd سيارة رائعة بمعنى الكلمة
السيارة موتور وعفشة وفتيس وتسارع وفرامل مفيش بعد كدة وكمان واسعة من جوة وشنطة كبيرة وليها هيبة من برة وقطع غيار متوفرة بسعر معقول ، اعطال مفيش توفير بنزين ثبات ممتاز ، وباور مفيش احلي من كدة .
انا من حبي ليها اشتريت 2017 التقفيل المصري .

[scientist9508]

ب - جميع ملاك التيجو يتذمرون من أن السياره لها صندوق سرعات يدوى و ليس أوتوماتيك . . و لكن من يقرر شرائها هو شخص قرر التعامل مع الفيتيس اليدوى مسبقآ قبل تنفيذ قرار الشراء


اخي الكريم، التيجو اوتوماتيك وليست مانيوال

لكن كل النقاط اللي انت قلتها انا معاك فيها

شكرا لمشاركتك

الزميل المحترم

بل أنا الذى أشكرك على تصحيحك لمعلومه ربما لم تكن الأحدث. فلم أكن أعرف أن الموديل الجديد من تيجو بصندوق سرعات أوتوماتيك . . . و أحييك على أسلوبك الراقى فى النقاش

السلام عليكم و رحمة الله و بركاته

[scientist9508]

اخي العزيز
عن تجربه لمدة ست سنوات النترا hd سيارة رائعة بمعنى الكلمة
السيارة موتور وعفشة وفتيس وتسارع وفرامل مفيش بعد كدة وكمان واسعة من جوة وشنطة كبيرة وليها هيبة من برة وقطع غيار متوفرة بسعر معقول ، اعطال مفيش توفير بنزين ثبات ممتاز ، وباور مفيش احلي من كدة .
انا من حبي ليها اشتريت 2017 التقفيل المصري .

أوافقك فى الرأى . . و لكن ما ينغص على قناعتى بهذه السياره شكلها القديم

[bluemail]

اخي العزيز
عن تجربه لمدة ست سنوات النترا hd سيارة رائعة بمعنى الكلمة
السيارة موتور وعفشة وفتيس وتسارع وفرامل مفيش بعد كدة وكمان واسعة من جوة وشنطة كبيرة وليها هيبة من برة وقطع غيار متوفرة بسعر معقول ، اعطال مفيش توفير بنزين ثبات ممتاز ، وباور مفيش احلي من كدة .
انا من حبي ليها اشتريت 2017 التقفيل المصري .

بما ان حضرتك ركبت الموديلن الكوري والمصري ياريت من واقع تجربتك تقول لنا ايه الفرق في الصاج والدهان والدواخل تابلوه وفرش والعفشة، واخيرا هل الموتور هو نفسه ام هناك اختلاف

شكرا لمشاركتك

[ايمن بكر]

هي هي في كل شي ما عدا الابواب وانت بتفتحها بتحس بعضة ، او تكة بسيطة في الاكرة ، نفس الموتور والعفشة وكل شي الابواب فقط وانا شايف انها حاجة بسيطة جدا .
وياريت تبعد عن الصيني والتيجو بالتحديد عفشة ناشفة وفقيرة من جوة جدا ،شكل سئ ومش معمرة كانت مع صاحبي وتعب منها جدا .