320 2007 ام 318 2009

[hamsik303025]

سلام عليكم ي غاليين
سؤال صغير عشان اكيد عاجبني شكلها الفيس ليفت من ال e90 بس بالنسبالي المكنة و أداء الموتور اهم بكتير من الشكل ف ايهما اقوي و تسارع افضل و توب سبيد اعلي 320 2007اللي مش فيس ليفت ولا 318 2009 الفيس ليفت اكيد ؟؟

[svneleven]

الفرق حوالي 20 حصان لكن مش هتحس بيهم غير اما تقفل العداد. هات الشكل الأحدث طالما الحالة كويسه.

[hamsik303025]

الفرق حوالي 20 حصان لكن مش هتحس بيهم غير اما تقفل العداد. هات الشكل الأحدث طالما الحالة كويسه.

اشكرك جدا علي ردك
لكن معلش الفرق 20 حصان لمين فيهم ال 320 اللي مش فيس ليفت ؟؟!!

[svneleven]

ايوه طبعا الموتورين 2000 cc لكن ال 320 مطلع 156 حصان و ال 318 مطلع 136 حصان تقريبا و أعتقد ال Torque تقريبا واحد عشان كده مش هتحس بفرق جامد في التسارع.

[hamsik303025]

ايوه طبعا الموتورين 2000 cc لكن ال 320 مطلع 156 حصان و ال 318 مطلع 136 حصان تقريبا و أعتقد ال torque تقريبا واحد عشان كده مش هتحس بفرق جامد في التسارع.

شكرا لرد حضرتك و اضافتك
بس علي كده ال 318 اللي مش فيس ليفت ضعيفة بقي !؟

[hero]

معلش سؤال لو سمحت ممكن تعرفنا اسعارهم اية.... كسعر بيع و شراء حقيقي..
لان الآسعار ايلي بنشوفها مع التجار و السماسرة تشيب الولدان...

[hamsik303025]

معلش سؤال لو سمحت ممكن تعرفنا اسعارهم اية.... كسعر بيع و شراء حقيقي..
لان الآسعار ايلي بنشوفها مع التجار و السماسرة تشيب الولدان...

عندك حق واللهي بس من اللي الواحد متابعه كده بقاله شهرين ال 320 2006 2007 من غير أي درايف بتلعب ف حوالي من 170 اقل حاجة و بتوصل لحد 205 210 كمان واللي ب أي درايف نفس الموديل اقل حاجة 210 215 و بتوصل ل 240 الا لو لقيت حاجة تحت عن 215 بالصدفة اوي و ال 318 فيس ليفت بتلعب ف من 210 ل 240 ده من متابعة الواحد ع النت و في المعارض و كلامه مع ناس

[svneleven]

شكرا لرد حضرتك و اضافتك
بس علي كده ال 318 اللي مش فيس ليفت ضعيفة بقي !؟

هو نفس الموتور من 2006 ل 2012 علي ما اتذكر N46B20 الفرق ان الفيس ليفت اعلي 4 او 5 حصان يعني حضرتك اعتبر ان الموتور واحد في الشكل كله سواء facelift او pre-facelift.

[svneleven]

عندك حق واللهي بس من اللي الواحد متابعه كده بقاله شهرين ال 320 2006 2007 من غير أي درايف بتلعب ف حوالي من 170 اقل حاجة و بتوصل لحد 205 210 كمان واللي ب أي درايف نفس الموديل اقل حاجة 210 215 و بتوصل ل 240 الا لو لقيت حاجة تحت عن 215 بالصدفة اوي و ال 318 فيس ليفت بتلعب ف من 210 ل 240 ده من متابعة الواحد ع النت و في المعارض و كلامه مع ناس

ال 160 و 170 ده كان تمن ال 2006 و 2007 قبل الهبل اللي حصل في السوق. اعتقد مش هتقل عن 200 الف دلوقتي. ال فيس ليفت من النص التاني من 2009 اعتقد من 230 و 240 و طالع.