معايا 85000 ومحتاج عربية بتاعت سفر وبنزين اقتصادي

[colors]

انا معاي 85000وعاوز عربية مع العلم اني شغلي مبيعات محتاج عربية بتاعت سفر وبنزين اقتصادي وتكييف كويس وتستحمل البهدلة.
والحيرة هتموتني.
افدوني



تم تعديل العنوان والنقل لقسم المقارنات
م ع 7

[م/أحمد عبد الفتاح]

لانسر إستعمال

[colors]

متشكر يابشمهندس انا كمان كنت حابب اعرف ايه رايك في كام عربية كدة اشيك من اللانسز
لانسر بوما 2008
بيجو 307 2007
بروتون جين 2 2010
ياريس 2008

[م/أحمد عبد الفتاح]

لانسر او تويوتا ياريس بالترتيب

[colors]

متشكر يابشمهندس لانسر البوما الاتوماتك احسن ولا المانويل علما اني بحب الاتوماتك. وعاوز ردود من باقي الناس بردة عشان اطمن لنوع السيارة

[tasaka]

نيسان صنى 2008 او لانسر او تويوتا ياريس

و سيبك خالص من 307 ( انساها ) .. و كمان الجين 2 لا ترقى للانسر

[colors]

ممكن اعرف ايه وجه اعتراضك علي 307 ايه المشاكل اقصد

[Colin Chapman]

نيسان صنى 2008

[tasaka]

ممكن اعرف ايه وجه اعتراضك علي 307 ايه المشاكل اقصد

اعمل بحث فى المنتدى عن بيجو 307 .. و اقرأ و احكم بنفسك

[tasaka]

خلى بالك انا باتكلم عن نيسان صنى 2008 او 2009 .. و ممكن كمان 2007 ..

بس انا بافضل 2008 ( لان ده موديل البدايه فى مصر و كان ليه عنايه خاصه ) .. العربيه دى اخترتها لاختى بعد مقارنه مع لانسر و سيراتو و النترا و موش فاكر ماركات ايه تانى .. قعدت معاها 3 سنين بدون اى مشاكل

2010 ما اعرفش عنها حاجه .. من اول 2011 ( الشكل الجديد للفانوس الامامى ) دى اقل من الموديلات اللى قبلها فى النعومه

الصنى 2008 بينزل منها اتوماتيك بدون abs .. و اتوماتيك ب abs .. و اتوماتيك سوبر صالون

و اعتقد بينزل منها فتيس مانيوال .. ما اعرفش عنها حاجه

[colors]

انا بصيت علي 307 ناس بتقول وحشة وناس بتقول حلوة وبيجو والوحش فيها قله العناية وده الي بيوصلها لحالة سيئة كرهت الناس فيها

[tasaka]

انا بصيت علي 307 ناس بتقول وحشة وناس بتقول حلوة وبيجو والوحش فيها قله العناية وده الي بيوصلها لحالة سيئة كرهت الناس فيها

بص .. يظهر انك عايز تتعب نفسك .. بعد ما الناس اديتك النصيحه المظبوطه

كل البيجو بصفه عامه فيه مشكله فى الفتيس الاوتوماتيك .. ال 307 فيها مشاكل فتيس اتوماتيك و المواضيع كتير

[colors]

والله ماعاوز اتعب نفسي ولا حاجة كل الموضوع اني مكنش عندي عربية قبل كدة واي حاجة هجبها هلبسها لمده طويله ومخبيش عليك انا مدير مبيعات وسبب انها عجباني انها وجهه فاهم محدش بيركبها كتير فمضيقش خلقك معاي هههههههههههههههه انت حبيبي من الاخر علي قد مافاهم ان الباقي عملي عاوز حاجة الناس تتغر فيها فاهم ههههههههههه

[tasaka]

والله ماعاوز اتعب نفسي ولا حاجة كل الموضوع اني مكنش عندي عربية قبل كدة واي حاجة هجبها هلبسها لمده طويله

دول سببين .. كل سبب فيهم كافى انه يخليك تبعد عنها

خليك يابانى او كورى .. دول بتوع الفترات الطويله .. و قله المصاريف

ومخبيش عليك انا مدير مبيعات وسبب انها عجباني انها وجهه فاهم محدش بيركبها كتير فمضيقش خلقك معاي هههههههههههههههه انت حبيبي من الاخر

و تفتكر ليه محدش بيركبها كتير ؟؟ البيجو عايز ميكانيكى بيجو مخصوص .. يعنى دكتور .. و انت عارف كشف الدكاتره اسعاره ايه

كل الفرنساوى تعقيدات كهربا حتخليك تلف حوالين نفسك ( بس حتدفع كويس و انت بتلف ) .. و انت و حظك فى ايجاد العيب لو العربيه موش فابريكه كهربا

علي قد مافاهم ان الباقي عملي عاوز حاجة الناس تتغر فيها فاهم ههههههههههه

شكلها اقل من العادى من بره ( لكن فيها اوبشن جوه ) .. لكن فى الشكل الخارجى و الحجم اللانسر اشيك منها .. و النيسان و اليارس لا يقلوا عنها ان ما كنش اجمل منها

محتاج عربية بتاعت سفر وبنزين اقتصادي وتكييف كويس وتستحمل البهدلة.

ما تضمنش الفرنساوى ابدا انه ما يعطلش بيك على طريق سريع ( علشان شيئ تافه جدا ) .. و تحلف ما هى دايره لان الكمبيوتر مثلا عامل حمايه ( الفرنساوى كهربته معقده )



يعنى مثلا فى الشهر اللى فات زميل فى المنتدى اشترى 307 و ضايقته و باعها على طول

لانه بعد ما غير قطع ميكانيكيه اعتقد طلمبه او سكاترا فى العربيه .. وجد انه محتاج يروح يعمل سوفت وير علشان يعرف القطع اللى غيرها و الكمبيوتر يقبلها !! ؟؟ ده ايه الغباء المستحكم ده

و طبعا اتعامل مع الدكتور ميكانيكى البيجو .. هو خلص الصيانات و باعها على طول



ما اعتقدش دى عربيه بهدله

الاربع طلبات بتوعك .. دول داخلين عدل على يابانى او كورى

[colors]

ممكن رقم تليفونك ياريس لو مش هزعجك