كريتا , ايكوسبورت , تيريوس

[m7md ramadan]

السلام عليكم
ان شاء الله ناوى اشترى عربيه جديده
فى عربيتين محتار بينهم هم هيونداى كريتا وفورد ايكوسبورت
وهم الاتنين مواصفاتهم قريبه من بعض وسعرهم قريب من بعض
مشكلتهم الاتنين انهم لسه انواع جديده ومش منتشرين اوى عشان كده محتار اشترى واحده منهم ولا اشترى دايهاتسو تيريوس ؟؟؟

[م/أحمد عبد الفتاح]

التريوس افضل اختيار بس اضعف اوبشنات لكنها من العربيات اللى ماشية زى الفل فى السوق ومحدش سامع عنها اى مشاكل - بس اعتقد فيه حد نشر هنا فى المنتدى انها مش موجودة حاليا ومافيش حجز ليها بس عموما اتاكد من الكلام ده - تانى اختيار الكريتا انا شايفها ابتدت تنتشر فى الشوارع وشكلها بصراحة ماشاء الله حلو - وهيونداى عربيات اعتمادية وما تقلقش فى قطع الغيار. ده رأيى المتواضع والقرار ليك .

[bluemail]

التريوس افضل اختيار بس اضعف اوبشنات لكنها من العربيات اللى ماشية زى الفل فى السوق ومحدش سامع عنها اى مشاكل - بس اعتقد فيه حد نشر هنا فى المنتدى انها مش موجودة حاليا ومافيش حجز ليها بس عموما اتاكد من الكلام ده - تانى اختيار الكريتا انا شايفها ابتدت تنتشر فى الشوارع وشكلها بصراحة ماشاء الله حلو - وهيونداى عربيات اعتمادية وما تقلقش فى قطع الغيار. ده رأيى المتواضع والقرار ليك .

الكريتا للاسف هندي ، ده بيخليها مستوي اقل من مستوي باقي عربيات هيونداي الكوريه
في حد كان عامل موضوع هنا ان العربيه جابت فتيس وهي لسه جديده والتوكيل قاله، انت عاوزني اغيرلك الفتيس ، انت هندي؟ :)
التريوس ما شاء الله عربيه ياباني حلوه بجد، بس فعلا اوبشن قليل، لكن هي الافضل بينهم

[m7md ramadan]

شكرا على الرد
انا حبيت اوضح حاجه
انا مقيم بالسعوديه وبفكر اشترى من هنا وبعد كده انزلها مصر
ال كريتا انا كنت سمعت انها بتتصنع فى روسيا بس مش متاكد

[borio1704]

الإيكوسبورت في رأيي صغيرة جدا جدا .. تقدر تعتبرها كيا بيكانتو عالية عن الأرض..

حرام تدفع فيها فلوس..

المقارنة هنا دلوقتي بين التريوس والكريتا...


مشكلة التريوس الوحيدة في نظري هي إن الموديل قدم قوي.. بس في المقابل العربية مفيش كلام خالص عليها من ناحية الاعتمادية.. يكفي إن كل أجزاءها الميكانيكية والكهربائية من تويوتا.

الكريتا ميزتها إنها جديدة ومش متوقع تتغير قبل 3 سنين... بس موضوع مشاكل الفتيس دي تقلق بصراحة.


لو الشكل والموديل مالهومش أولوية بالنسبالك وبتدور على عربية تعيش معاك بالحد الأدنى من المشاكل.. يبقى تريوس ..

لو الشكل والتكنولوجيا والأوبشنز ليهم أولوية بالنسبالك.. يبقى كريتا.


ولو اتأكدنا من إن مفيش مشاكل بالنسبة للفتيس في الكريتا.. يبقى كريتا طبعا.


...

[m7md ramadan]

دايهاتسو اوقفت توزيع تيريوس فى جميع انحاء العالم ما عدا اليابان واندونيسيا
يبقى كده مفيش غير كريتا

[leklaka]

كريتا هيونداى ولا ميتسوبيشى لانسر القرش

[borio1704]

كريتا هيونداى ولا ميتسوبيشى لانسر القرش

حضرتك عايز عربية سيدان ولا SUV؟؟؟

لازم تعرف انت عايز إيه من العربية؟؟

ادخل على الموضوع ده لو عايز معلومات زيادة

http://www.nilemotors.net/Nile/329150-a.html

...