ميجان ولا جين 2 ولا جيلي M Grand 7

[محمد يحيى]

بعد السلام عليكم ورحمة الله وبركاته
أرجو النصيحة
انا بحثت عن السيارات اللي فيها إحتياجات الأساسية اللي محتاجها في العربية اللي بافكر فيها
وكانت : فرامل abs - وسائد هوائية - اوتوماتيك - تكيف وزجاج كهرباء وباور
وطلع لي 4 سيارات في حدود المبلغ اللي ممكن اشتري بيه من 110 ألف : 120 ألف
1/ رينو ميجان 2006
2 / بروتون جين تو (2006 : 2008)
3 / بروتون بيرسونا (2007 : 2009)
4 / جيلي إم جراند (2013 : 2014)
اهم حاجة بدور عليها كانت
الأمان - وسع الكنبة مطلوب - طريقي كل يوم ممهد أسفلت رايح جاي للشغل 100 كيلومتر إجمالي يومي
طبعاً مش عارف مين الأحسن في المجمل من النواحي التالية
توافر قطع الغيار - ومصاريف التشغيل - شياكة التابلوة - نعومة العفشة - الأفضل في الامان والاتزان
أنا أخري في السرعة 100 كيلو في الساعة وراكب نوبيرا وعارف ان اي اختيار ها يكون في اختلاف في مصاريف التشغيل لكن ها يقابلة تجربة قيادة افضل
أرجو مساعدتي من خلال التجارب والمعلومات المؤكدة
و لو في عربية أنا مش واخد بالي منها وتناسب متطلباتي أرحب بإقتراحاتكم وشكرا لوقتكم

[محمد يحيى]

الله اكبر

[tasaka]

هى جيلي إم جراند فيه منها اتوماتيك ؟؟

انا اللى اعرفه انها مانيوال بس

و عموما بلاش العربيه دى .. سمعتها موش كويسه

[msadeka]

بروتون بيرسونا - جراند

ممممم واستنى رائى الخبراء

[car_lover80]

استاذ محمد تحياتي ليك اولا
هحاول افيد حضرتك بال اعرفوا اولا انصح حضرتك با انك تبعد عن الجيلي عربيه سمعهتا سيئه تماما و معتقدش انها اعتماديه و الامان فيها سئ اما من باقي الاختيارات فهنقل حضرتك خبرتي في الميجان لاني معايا واحده ٢٠٠٧ الميجان من ناحيه الامان ممتازه ٦ ايرباج و abs و ebd من اول فئه ، ثباتها ممتاز و فراملها ممتازه من ناحيه قطع الغيار و توافرها ف قطع غيارها منتشره اذا كان استيراد او جديد و في صنايعيه كتير خبره فيها و بيشتغلوا في الميجان و اسعار قطع الغيار معقوله مقارنه بعربيات كتيره اما العربيه من داخل فا دي اذواق لكن في راي الشخصي هي افخم بكتير من الجين ٢ و البيرسونا اما العفشه فهي ممتازه و مريحه خصوصا ان حضرتك بتقول طريقك ممهد و لكن عاده العفشه الاوروبي بتكون موازنه مبين النعومه و النشوفيه عشان الثبات لكنها كعربيه عائليه مريحه عيبها الوحيد الكرسي بالذات في الفئه الاولي و التانيه مش مريح نسبيا لانه مفهوش دعامه للضهر لكنوا مش متعب اوي اما بالنسبه للاعتماديه فالعربيه اعتماديه و لكن بشرط واحد اولا ان حضرتك تكشف علي العربيه في التوكيل قبل ماتشتريها و تكون متاكد ان العربيه معمولها صيانتها بالكامل و مش مهمله و ان المالك القديم كان بيصينها باستمرار ثانيا ان حضرتك تعملها صيانتها في معادها باستمرار

[محمد محمد مدين]

رينو ميجان ومفيش مقارنة وبدون تفكير
صيانة متوفرة قطع غيار بتعيش سيارة ثابتة ولها توكيل محترم

[محمد يحيى]

ربنا يبارك فيكم
1 - بس في نااس حذروني اني اركب ميجان 2005
قالوا لي عايز تركب اركب موديلات من 2006 /007 / 008 ....
عشان ال 2005 ليها مشاكل معينة في الفتيس ومعرفش ايه - ما مدى صحة هذة المعلومة
2- انا راكب دايو نوبيرا ومن اهم مميزاتها وسع الصالون وخصوصاً الكنبة الخلفية
هلى الميجان ها تكون نفس المقاييس تقريبا ولا اصغر
لأن انا عايز اركب الاتوماتيم اللي فيها وسائل الامان لكن في نفس الوقت تكون كبيرة او على الاقل مش اصغر من النوبيرا
عشان العيلة الكبيرة
والف شكر

[محمد يحيى]

هى جيلي إم جراند فيه منها اتوماتيك ؟؟

انا اللى اعرفه انها مانيوال بس

و عموما بلاش العربيه دى .. سمعتها موش كويسه

عندك حق
لقيت حد منزلها على موقع بيع واتوماتيك
بعد كده اكتشفت انه كاتب انه مسقط لها ماتور لانسر بفتيسه الاتوماتيك

[car_lover80]

هو فعلا ميجان فيز 2 ( 2007-2010 ) اتحل فيها مشاكل فيز 1 ( 2005 - 2006 ) يفضل ان تجيب ميجان فيز 2 لو حضرتك عايز معلومات اكتر خش علي جروب الميجان علي الفيس بوك جروب و محترم و كل الناس في بتساعد و عندها خبره كبيره بالنسبه للوسع الميجان واسعه من ورا و ممكن يركب تلاته ورا مستريح و علي ما اعتقد اوسع من النوبيرا