هوندا سيفيك 2017 ولا النترا 2017

[Mostafa Power]

السلام عليكم وكل سنه وانتو طيبين انا في فمة الحيره ما بين سيفيك والنترا 2017 ياتري اروح ل سيفيك في القوه والاداء بس خايف من قطع الغيار ولا اروح ل النترا خايف من الاعتماديه ياريت حد من ملاك العربيتين يفيدني اختار ايه والف شكر

[abokoko]

كل عربية منهم - لها ناسها -

مفيش مقارنة بينهم من وجهة نظرى

الا بيفكر فى الالنترا مختلف تماما عن اللى بيفكر فى الهوندا

الاول بيفكر فى عربية لنفسه و للبيع او السوق مستقبلا
و الثانى مش بيفكر غير فى نفسه و لنفسه

[Mostafa Power]

الف شكر لمرورك يعني معني كلامك ان الالنترا تتباع اكتر كن السيفيك وتمسك سعرها اكتر ولا ايه

[abokoko]

اللى اعلمه و الله اعلى و اعلم

الالنترا تتباع اسرع و قطع الغيار متوفره اكثر

[salam100100]

اعتقد السيفيك اغلى من الالانترا ب100000 جنيه- دا رقم
فالمقارنه مش محايده (من ناحيه السعر)

[salam100100]

انا قصدى ان لو الميزانيه وصلت ل500000 جنيه (نص مليون) فى عربيات كتير ممكن تدخل فالمنافسه زى السوبارو xv وطبعا تويوتا كورولا- اوبل انسيجنيا- اسكودا اوكتافيا

وهنا الاختيار هيكون اصعب وانا هطلع الالانترا بره المنافسه

القرار يرجع لحضرتك ومتطلباتك من العربيه

[Mostafa Power]

الف شكر لرد حضرتك بس حضرتك انا في السعوديه والسيفيك ستاندرد عامله ٦٥ الف ريال نفس سعر الكرولا بس انا والله لسه مقلوب بتويوتا كرولا امبارح والحمد لله ربنا ستر العربيه عومت ومعرفتش اعدلها طبعا ده قضاء وقدر بس لو العفشه ملتي لينك كانت فرقت كتير بس الحمد لله انا سليم
ثانيا انا فعلا زي ما حضرتك قلت طلعت الالنترا برا المنافسه وكل العربيات اللي حضرتك ذكرتها هنا في السعوديه ٢٠٠٠ سي سي ماعدا الاسكودا وانا حطيتها في المقارنه مع السيفيك هي والمازدا ٣ بس انا اسمع ان الاسكودا عفشتها ناشفه اوي