Corsa 95 VS POLO 99 ياريت مساعده

[figoo2001010]

السلام عليكم
انا ناوى انشا الله اشترى يا كورسا يا بولو ياريت حد ينصحنى بجد محتار جدا بس يقولى الاسباب والميزات فى كل واحد يختارها وبالمناسبه انا اللى فى ايدى 35 بس ارجو الرد السريع عشان انا بدور فعلن بس محتاج اركز فى اى واحد فيهم وشكراااااااا

[Ahmad Allawy]

شوف يا باشا اللينكات دي.. و متدقش علي الاسعار اللي فيها عشان مواضيع قديمة.ز و السعر دلوقتي مختلف عن الكلام ده..

http://www.nilemotors.net/Nile/showthread.php?t=39276

http://www.nilemotors.net/Nile/showthread.php?t=36683

http://www.nilemotors.net/Nile/showthread.php?t=37785

[figoo2001010]

الف شكر والله يابو حميد بجد جزاك الله خير بس المشكله انا قريت عن العربيتان والاتنين تقريبا نفس الموصفات او قريبن من بعض لدرجه انى فعلن مش عارف مين الاحسن وبجد انا تعبت لحد مجمعت الفلوس دى من الاخر عايز استثمره فى عربيه مش اقعد اصرف عليها وتبهدلنى معها.

[ASKAFRAWY]

الف شكر والله يابو حميد بجد جزاك الله خير بس المشكله انا قريت عن العربيتان والاتنين تقريبا نفس الموصفات او قريبن من بعض لدرجه انى فعلن مش عارف مين الاحسن وبجد انا تعبت لحد مجمعت الفلوس دى من الاخر عايز استثمره فى عربيه مش اقعد اصرف عليها وتبهدلنى معها.

بص ياباشا انا معايا الكورسا ال1200 مو95 عربية استاذة فكل حاجة بصراحة انضف من البولو وخصوصا الموتور!!مش عارف سعرالكورسا ال1200 بقى كام بس لوهتقارن اعتقد ان الكورسا تكسب ولوناوى على البولو يبقى الفوكس لانها 1300 مش 1000سىسى
انا بصراحة ركبت البولو99 و2000 بس مفيش وجه مقارنة بينها وبين الكورسا!

[Ahmad Allawy]

الف شكر والله يابو حميد بجد جزاك الله خير بس المشكله انا قريت عن العربيتان والاتنين تقريبا نفس الموصفات او قريبن من بعض لدرجه انى فعلن مش عارف مين الاحسن وبجد انا تعبت لحد مجمعت الفلوس دى من الاخر عايز استثمره فى عربيه مش اقعد اصرف عليها وتبهدلنى معها.

ادي اخونا الفاضل رد علي سعاتك وهو ركب العربيتين.. انا عن نفسي مركبتش البولو..
بس هاقولك حاجة.. لو مش مستعجل قوي علي العربية.. استني شوية لحد اخر شهر 1 او اول شهر 2.. يكون الكلام في اسعار العربيات وضح.. و السوق يكون استقر شوية.. بدل ما تجيب عربية دلوقتي.. و كمان شهرين تلاقي سعرها نزل جامد.. تتضايق انت..
و طبيعي اي عربية هتجيبها هتصرف عليها.. بس تفرق بين مصاريف تدبيس.. يعني العربية تعمل معاك موقف لازم تغير حاجة.. و تبقي عارف ان العربية فيها حاجة معينه.. و تحطها بين اولويات.ز و تغيرها وقت ما الظروف تسمح..
انا الحمد لله العربية عندي هو ده اللي عملته فعلا بالظبط..
لما اشتريت.ز كنت عارف كل اللي فيها. و باعملها واحدة واحدة..
اي نعم صرفت عليها شوية فلوس كويسين.ز و لسة في مصاريف تاني.. بس طبيعي..و الحاجة اللي باغيرها.. مش بتبقي مستعجلة..

[figoo2001010]

بجد والله انتو شباب جدعان جدن وعارف ان اى مستعمل هصرف عليه بس زى منتا بتقول مش تدبيس بمعنى انى بقول المانى يعنى مفروض بحط قطع غيار لفتره كبيره وانساها شويه والا كنت رحت جبت اكسيل والا اكسنت والا انت ايه رايك؟
وايه الفوكس دى ده نوع من البولو والا موديل تانى ؟
بس سوال هو ايه اللى ممكن ينزل سعر العربيه جامد الشهرين الجيين هو الجات هيطبق والا ايه ؟
اصل انا محتاجها الصراحه قوى بس ده مش معناه برضه زى الاستاذ احمد مبيقول انى مش القيها سعرها الارض بعد شهرين والاقى نفسى كان ممكن اجيب لانسر.
جزاكم الله خير
م|أحمد ابراهيم

[Ahmad Allawy]

بجد والله انتو شباب جدعان جدن وعارف ان اى مستعمل هصرف عليه بس زى منتا بتقول مش تدبيس بمعنى انى بقول المانى يعنى مفروض بحط قطع غيار لفتره كبيره وانساها شويه والا كنت رحت جبت اكسيل والا اكسنت والا انت ايه رايك؟
وايه الفوكس دى ده نوع من البولو والا موديل تانى ؟
بس سوال هو ايه اللى ممكن ينزل سعر العربيه جامد الشهرين الجيين هو الجات هيطبق والا ايه ؟
اصل انا محتاجها الصراحه قوى بس ده مش معناه برضه زى الاستاذ احمد مبيقول انى مش القيها سعرها الارض بعد شهرين والاقى نفسى كان ممكن اجيب لانسر.
جزاكم الله خير
م|أحمد ابراهيم

اللي انا اقصده بموضوع التدبيس ده ..
انك مثلا تشتري العربية.ز و هوب تلاقي الكاوتش مثلا بدأ يضرب منك سلك فردة ورا التانية..
او تلاقي الفرامل سابت مثلا.. او ردياتير بيخر جامد..
اللي هي حاجات لازم تتصلح وقتي.. و مينفعش تمشي بيها كده..
اما الموضوع اللس سعاتك تقصده.. بان قطع الغيار معمرة.. فده حقيقي جدا..
معمرة جدا.. و بتعيش كتير.. ولو حسبتها بالنسبة لفرق سعرها عن الكوري مثلا.. هتلاقي ان الصفقة كسبانة..

سبب احتمال نزول الاسعار اول السنة ان اللي حاصل ف العالم كله بسبب مشكلة امريكا.. حالة كسااااااااااااد رهيب.. و كل شركات العربيات بتنزل في الاسعار جامد.. و المنطقي ان ده يوصل عندنا مصر. و لو حصل هيأثر جامد جدا علي سعر المستعمل..

[figoo2001010]

سوال ياستاذ احمد معلش تعبينك معانا
انا مش دايس اوى فى العربيات وحتى مش وثق فى ميكينكى اوى لانو كلو بيخد مصلحتو و بيفك فا ايه اسلم طريق اكشف بيه على العربيه ويكون فين مثلا لو جنب السوق بتاع السيارات على اساس انى ممكن ادور هناك والا هيا بطيخه زى متيجى تيجى

[Ahmad Allawy]

نصيحة.. بلاش السوق..
او لو نويت عليه. اتفق مع صاحب العربية.. انك تقابله و تاخد العربية التوكيل.. يكشف عليها تمام.. و يطلع تقرير بكل حاجة فا لعربية محتاجة تصليح.. عشان تبقي عارف انت المفروض تعمل ايه فيها. و هتصرف عليها قد ايه,,

[figoo2001010]

لا يا احمد ايه بلاش السوق دى انت قلقتنى دنا تخيلت انى رايح بكره هارجع بعربيه قبل الصلاه

[figoo2001010]

هو مش فى ناس عاديين بيبعوا هناك والا ف ان

[Ahmad Allawy]

عادي ممكن تشتري من هناك.. بس تتفق مع اللي هتشتري منه.. انه مثلا لو مباعش ف السوق النهاردة.. تقابله يوم كذا ف التوكيل..
و تكشف تماما علي العربية.. و تعرف اللي فيها..
مش بطريقة السوق.ز تاخد سمكري يبص و يقولك العربية تمام.. و صوت الموتور حلو توكل علي الله.. مينفعش كده..
عشان ممكن يبقي في حاجات متبانش بسهولة.. و لازم حد فاهم كويس قوي يشوفهالك.ز تاخد العربية و تكلفك كتير توضيب و تصليح..
اهم حاجة كشف التوكيل.. وده يكون شرطك لما تشتري مع البايع..

[ASKAFRAWY]

انا مع علاوى بلاش السوق لان بصراحة لازم العربية الهتشتريها تكون على الاقل عارف صاحبها لان السوق معظمه تجار!صاحب العربية بيعمل توكيل بالبيع لاى تاجر ومبتشوفوش بعد كدة!انا راى لو فيه حد يعرف عربية فى السعر اللى انت عاوزه يبلغك!انا ممكن اسالك رانج السعر وصل كام!وبالنسبه للفوكس دى بولو 95 عشان اشد موتور نزل فالبولو!
اما موضوع التدبيس دة بصراحة مبيحصلش فعربية انت عارفها بيكون لما تشترى عربية مستعملة ومش عارف مصدرها!!بتلاقى حاجات غريبة بتحصل!!انا راى زى راى علاوى ترووح التوكيل وتعم كشف على الغربية قبل ماتشترى عشان تبقى عارف الفيها

[figoo2001010]

جزاكم الله خيرا يارجاله الف شكر انا هروح بكره وربنا يكرمنا انشا الله

[figoo2001010]

هو سوال قبل ما اروح بكره هى ايه المشكله لو اشتريت من تاجر او غيره او معرض مثلا مدام انا هكشف عليها ولقيت حلتها حلوه