بيجو 3008 موديل 2015 أو كيا سبورتاج نفس الموديل

[محمد تركي]

السلام عليكم ورحمه الله وبركاته.
أنا معجب جدا بالبيجو 3008 و لكن ناس كتير تنصحني بالابتعاد عن البيجو نظرا لصعوبة إعادة البيع و مشاكل الصيانة.
الكيا سبورتاج جميله أيضا و لكن غالية بالنسبة إلى إمكانياتها.
لو ممكن نصائح من مالكي 3008 و السبورتاج بالمميزات و العيوب َ للمساعدة على إتخاذ قرار أقرب إلى الصواب.
أكون شاكر لكم جدآ

[ahmedsrs]

المستهلك المصرى بينظر اولا واخيرا لموضوع اعادة البيع وبيعتبر السيارة وعاء من اوعية حفظ الفلوس بناء عليه هات الاسبورتاج لو معاك ثمنها عربية جميلة اعادة بيع جيدة جدا قطع غيار وصيانة فى كل مكان

[محمد تركي]

شكرا استاذ احمد علي النصيحة القيمه و لكن لفت نظري جزئين
١- سعر السبورتاج أعلى بحوالي 100000 جنيه.
٢- هل موديل 2015 في البيجو هيخسر كتير بعد 4 سنين مثلا. علما بأن سعر البيجو في حدود 300000.

[ahmedsrs]

حرام تدفع 300000 فى عربية بيجو مستعملة ماشية 100000 مثلا هتدخل فى جدول الصيانات الثقيلة

[محمد تركي]

طيب حضرتك شايف لو كانت البيجو ماشية في حدود ٥٠٠٠٠ كم تبقى معقوله.؟
علما بأن الفرق في السعر مع السبورتاج يصل إلى ١٢٠٠٠٠.
3008 الجديد سعره ٤٥٠٠٠٠ و السبورتاج الجديد 560000

[ahmedsrs]

لو حضرتك هتجيب مستعمل وضحى وكده كده اعادة البيع غير مهمة بالنسبالك هات ستروين سى 5 نسخة بالكربون من البيجو وسعرها واقع فى المستعمل يعنى لو ماشية 50000 وحالة فابريكة تعمل 240 الف وعلى فكرة عوامل الامان والرفاهية اعلى من البيجو

[محمد تركي]

شفتها.... فظيعة
بس مش كروس اوفر و سعرها في حدود 320 الف لو ماشيه 70 الف

[ياسر شقو]

ايه رأيكم في السيارة ستروين
في قطع الغيار والصيانة
وهل يوجد سيارة ستروين كروس اوفر في مصر
مع الشكر

[ahmedsrs]

ياباشا كروس اوفر ايه دى وهم دا الكبوت مبيفتحش الا لما تفتح باب السواق امان وهمى وثبات وسعرها واقع فى المستعمل

[ahmedsrs]

قطع غيار الستروين هى قطع غيار البيجو هما بس بيغيروا الشبكة الى قدام والستروين تفوق البيجو فى الكماليات والرفاهية والثبات والصاج

[محمد تركي]

أنا متفق مع حضرتك أن السيتروين اكتر من رائعة.
بس بصراحه انا كنت حابب شكل الSUV أو الCrossover و مفيش غير التوسان و السبورتاج و السوبارو أو ندخل في الصيني.
و التصنيع الأوروبي أفضل من الكوري و على الرغم من كدة أرخص في المستعمل بكتير.
فالفكره هي إني حابب ال 3008 بس خايف من الصيانة و قطع الغيار.
لو خليتني في المضمون لازملي 400،000 علشان الكوري المستعملة غالية.
بجد مش عارف اعمل ايه