نصيحة بخصوص شراء سيارة مستعملة

[a m]

السلام عليكم اخوانى الافاضل
كنت بحاجة لمساعدتكم فى شراء سيارة مستعملة فى حدود من25000 ل 35000 ألف جنيه
المشكلة ان فى موديلات كتير فى السعر ده وناس تنصحنى انا ادور على موديل جديد قدر الأمكان وناس تانى تقولى الماركة أهم ده غير إختلاف الأراء بخصوص العربية الواحدة زى الرينو الداتشا مثلا ناس تشكرلى فيها وناس تانية تقول اركب عجلة أحسن و انا خبرتى قليلة فى الموضوع ده فكنت عايز مساعدتكم بخصوص ايه افضل حاجة فى الموديلات دى طبعا انا عارف إن الأساس هو الحالة بتاعت العربية لما تعاينها بس على فرض إن كلهم حالتهم كويسة و توافر قطع الغيار لأن أنا شغلى 12 ساعة فى اليوم فعايز حاجة لما أعوز أصلحها تكون ناس كتير بتشتغل فيهااو ادور على قطع غيار تكون سعرها معقول ومتوفرة لأن انا فى البحر الأحمر مش القاهرة ده غير إختلاف السعر الكبير للسيارة الواحدة ونفس السنة رغم نظريا قدامى كشكل خارجى مش شايف فرق شاسع بالنسبة لى
انا كخبرة فى السواقة متوسط العربية هيبقى معظم استخدامها داخلى و سفريات قليلة يفضل يكون إستهلاك البنزين قليل إحنا داخلين على أيام زى الفل لو بتاكل جامد شوية مش مشكلة وعايز حاجة لما أجى ابيعها تكون سهلة فى البيع و اخسرش فيها كتير خصوصا إن أنا بدور على حاجة تقعد معايا فترة أهم حاجة عندى تكون عربية تستحمل لأن كلنا عارفين الطرق بتاعتنا زى الفل و أعطالها قليلة الشكل الحلو أخر حاجة

دى الموديلات اللى أنا محتار فيها ياريت لو أى حد عنده خبرة فى أى موديل فيهم يفيدنى بالمميزات والعيوب بتاعته

Suzuki Swift 94
شكرولى فيها كتير بس قالولى قطع الغيار نار
Reno datcia nova 98
ناس تقول كويسة وناس تانية تقول بلاش أحسن
Reno 9 86
نفس نظام الداتشا
Reno optima 97
محدش أعرفه يعرف عنها حاجة
Rangler 78
قالولى كويسة بس قطع الغيار نار وقليلة
Ibiza 93
قالولى كويسة بس قطع غيارها قليلة
Civic 83
كويسة بس قطع الغيار غالية وقليلة
Mercedes 200 73
طبعا الاسم كفاية بس برده اسعار قطع الغيار
Lancer 84
الأراء مختلفة فيها
Mazda 323 82
ناس كتير شكرت فيها
Bmw e21 79
طبعا الاسم كفاية بس برده اسعار قطع الغيار
Bmw 316 78
طبعا الاسم كفاية بس برده اسعار قطع الغيار
Daihatsu charade 91
محدش عنده خلفية عنها
Skoda favorte 94
ناس كتير رجحتها
Pasat 83
معظم الاراء بخصوصها كويسة
Golf 1 79
ناس كتير شكرت فيها
Jeta 80
مختلفين فيها
Racer 94
مختلفين فيها
لو هضيق الأختيار على حسب اللى سمعته من زمايلى
هيبقوا السويفت و إبيزا والمرسيدس 200 والمازدا 323 والبى إم 316 والسكودا و الجولف

و أسف جدا على الإطالة بس أنا فعلا محتار
و شكرا لكم